على عتبة امبارح جارح ..
فتافيت بكره
يتلملموا و يشبكوا ف ايدين
يصبحوا فكره
و حيطان الحلم
عليها ساندين
لكن بتضييق
كما ضيق العين
يطبق رمشين
ينعدم الشوف
و نموت م الخوف
على باب الحلم
نروح راميين
ارواحنا
و نقرا ف هواجسنا
تراتيل الشوق
للفرحه ف قلب الحلم
فـ نصحى
قبل ما نوصل
بدقيقتين
فتافيت بكره
يتلملموا و يشبكوا ف ايدين
يصبحوا فكره
و حيطان الحلم
عليها ساندين
لكن بتضييق
كما ضيق العين
يطبق رمشين
ينعدم الشوف
و نموت م الخوف
على باب الحلم
نروح راميين
ارواحنا
و نقرا ف هواجسنا
تراتيل الشوق
للفرحه ف قلب الحلم
فـ نصحى
قبل ما نوصل
بدقيقتين
هناك 13 تعليقًا:
على عتبة امبارح جارح ..
فتافيت بكره
يتلملموا و يشبكوا ف ايدين
يصبحوا فكره
دعيني أحيي سلاسة التعبير في حرفك
و توالد الفكرة من الفكرة
و الجملة من الجملة
حروفك يا سيدتي
عقد لؤلؤ
اكثر من رائعة (:
ما بين الثانية و التانية
و بين سطرين
يشب الحلم متعافى
يتسند على قلبين
ونضلل على الفرحة
و نعافر
لكين الحلم مش قادر ..
يبقى براح
ما بين جرحين ...
الجميلة سهر ..
نموت م الخوف
على باب الحلم
نخاف جرح امبارح
ف القلب مايتلم
نخاف م النهاردة
وبكرة
و من فكرة الحلم
..
وجع امبارح
ف القلب
طرح
ومن دموعه
كيان الحلم
غرق
..........
نص جميل جدااا يا سهر
وبجد
احساسه رائع ..
وبجد
لازم تسامحيني على خربشاتي
(زي ماباقول دايما أنا فاشلة عامية)
..
حبات الؤلؤ المنثوره من عقد حروفك انفرطت هنا بتعليق ترك اثاره كما عطر هارب من زجاجة عطر اصيل
سيدى
لك كل الشكر بقدر الروعه
ا. وائــل
زرت مدونتك فوجدت الصفحه الاولى بها اطلاله فنيه مساعده
و لكنى لم استطع الولوج للعمق
يبدو لعدم خبرتى بالتقنيات
اشكر مرورك هنا
ما بين الحلم و التانى
بكون غافى
لكن تسرقنى احلامى
لاعتابها
و رغم الخوف من الاحلام و سكتها
بسكتها
حروف خوفى
و اكمل فى طريق الحلم من تانى
سمر
كونى دوما نسمه و متنفس لحرفى و بوحى
و من تانى
يدوب السطر فى معانى
تميل النقطه فوق حرفى
تغير شكلى و كيانى
و ناس تسمع لصوت صمتى
و سطرى يقول كلام عنى
و عينك تقرا شىء تانى
و مين مظلوم و مين جانى
حروف منقوشه بالاهه
و سطر حمول و بيعانى
--------------------------
الجميله اسماء
الروعه ما سطرت هنا .. مين اللى فاشل ده
ده انتى الروعه نفسها
ينعدم الشوف ونموت من الخوف....
تصوير رائع .. ومخيلة عالية...
لما هو آت
ويبدو ان الزمن لا يمهل الانسان ان يحلم في يقظة الا وايقظه/ ثم اذا حاول مختبئاً خلف ستار النوم/ واستعذب الحلم
فوجئ باقتحام اليقظة لتحرمه .. ليظل يبحث ولا يصل
في نصوصك مزيج من اطلالة حزن وفكر معاً
دمت بكل ود...
خالص تحياتي
المبدع اسامه يس
لحضورك وقع خاص برؤيه عميقه و عين مجهريه لما تحت جلد الحرف
لست بمار عادى و كيف لا و انت المبدع ذو الفكر العبقرى
دمت بكل خير
و كثير شكرى و امتنانى
على عتبة أمبارح جارح
على باب بكره القايد خوف
يومي بيركب راسه ويحلف مش موصوف !
تهت أفكّر ايه معناه
واخد دقة قلبي " ف جنب"
أسألها ليه عايشاه!؟؟
فترد الآهه ..
تطول الآه
ولآخر حرف هيشبك كلمة ف طرف الروح
رح اعوّد قلبي خلاص
على رقصة طير مدبوح
جوّاه إحساس
أحسن بكتييييير من رقصة موت ف قلوب الناس
ولآخر نقطة تفسّر حرف حزين مجروح
هصرخ بسؤال
أختار الموت بكلام
ولا ..
الموت ... بسكوووووت!!
ـــــــــ
نص جميل أستاذه سهر "كالعادة"
خالص تحياتي وتقديري
هاني رمضان
ـــــ
مندور لسكوت ؟ مسكين يا الساكن ف الملكوت .. مخنوق انسان .. مسكون بالقلب النابض جوه لحد الموت
كالطير بيرف ف ارض خراب
و ماليها ضباب
و ما فيها دليل على كون موجود
و كيان يشبه لكيان .. انسان
عيبك انسان .. و ده قلبك بيك طاير طيران .. بيرفرف بجناح خير و امان
بيعيش على حـَبْ الحـُب .. يكون.. هيمان
يضرب بجناحه الارض فتطرح عود و ريحان
لو اخر رف جناح .. هيكون انسان و لا يوم ندمان
------------------
اخى العزيز و الشاعر الرائع هانى رمضان
لم و لن امل ان اقول لك ان التفاعل مع كلماتك متعه و روعه
اشكرك من قلبى
إرسال تعليق