نسيم البحر
بيراودنى عن ذكرى
و انا ما ليها ... بستسلم
فـ بيحاول
كمان مره
و بيغالب
و انا الغالب
بعاند كل يوم ضعفى
صحيح ليه الذكرى يوم ما تموت ؟؟
و ليه صفحتها ما بتطويش؟
منيش مكسور
انا قادر اعدى السور
مفيش بدعه
مفيش اقوى من الـ كاين ..و مش موجود
نسيم البحر كان خدعه
و صوت البحر كان وهمى ....
دا طيف ذكرى
لميت حى
----------------
هناك 71 تعليقًا:
أجمل ما يمكن ان يقرأه المرء صبيحة العيد
دعك من الحزن و الشجن المترامي في جميع انحاء قصيدة قصيرة نوعا
لكن الشعر نفسه له كبرياء
و ها انتي قد حافظتي عليه
..
انتي موهوبة حد الاحتراف
هل لكِ دواوين ؟
هل تنتوين ذلك مستقبلا ؟
ينبغي ان تكون " نعم " هي اجابة احد السؤالين السابقين لانه لو لم يكن الامر كذلك فقد خسر الكثيرون متعة قراءة اشعار عامية عميقة المعنى كأشعارك
كل عام و انتي بألف خير
الله ياسهر بجد
نسيم البحر كان خدعه
و صوت البحر كان وهمى ....
دا طيف ذكرى
لميت حى
--------
ابدعتي
كل سنه وانتي طيبه
jack sparrow
اى عيديه اجمل من مرورك هذا و كلماتك تلك ؟؟
اعتذر عن الحزن فى صبيحة عيد
و اشكرك على ما اثنيت به على كلماتى المتواضعه
الحق سيدى ان الاجابه الاولى لا
و الثانيه كانت لا و لكنها طور التفكير بعد نصيحة الكثيرين من المقربين و لكن امهل لنفسى و للتجربه فرصة الاختمار كى تسفر عما يستحق ان يسجل
كل سنه و انت بالف خير
عيد سعيد
الجميله كيارا
كل سنه و انتى بالف خير
مرورك بهجه
و اجمل فرحه فى العيد زى الفستان الجديد و العيديه
عيد سعيد
كلماتك كثيرا ما اتوقف امامها لاني اشعر فيها بعمق رائع
انا لا اري القصيدة حزينه بل اراها تحمل نوع من الامل والرغبه في تصحيح المسار
اعجبني قولك
مفيش بدعه
مفيش اقوى من الـ كاين ..و مش موجود
نسيم البحر كان خدعه
من الناحية الادبية فالالفاظ والاوزان ماشاء الله اكثر من رائعة
كل عام وانتي بخير
تحياتي
الجميل فى القصيدة ان لسة فيها امل
انا الغالب ....
منيش مكسور....
يعنى الحمد لله لسة ماسكة نفسك ومحافظة على كبريائك
بجد قصيدة رائعة وعاميتك راقية جدا
كل سنة وانت طيبة وعيد سعيد
العزيزة جدا سهر
نسيم البحر كان واقع
وصوت البحر كان شائع
بنسمعله سنين وسنين
نخزن جواه الذكرى
ويدينا كمان فكرة
وبيرفه عن العاشقين
نستودعه اسرارنا
وناخد منه امالنا
وصديق المحبين
نسافر بيه الى بلاد
ونتعرف عليه بعباد
وبنحنيله كمان الجبين
كل سنة وانت بالف خير وسلامة
يا سباقة بالخير
تحياتى
فارس لا جواد
شهادتك اعتز ها جدا لانى امام شاعر يملك ناصية الحرف بقوه
اسعدنى مرورك للغايه
كل سنه و حضرتك الف خير
السلام عليكم
كل سنة وانتى طيبة
كلماتك اقف عندها كثيرا لاتامل مابها من جمال المشاعر والاحسايس
اختى العزيزة سهر
لا اجد مااعلق به على بوستك هذا
دومتى لنا فنانة وصاحبة قلب ينبض بااجمل الاحساس
تحياااااااااااااااااااااااااتى
Dr.A.S. black armor
مرورك و كلماتك اسعدتنى
اسمح لى اعتبرها عيدية العيد
الكبرياء هو زادنا فى كل وقت حتى لو كان ضد ذكرى من مات
كل سنه و حضرتك الف خير
الازهرى
كل سنه و حضرتك بالف خير
طي اقول ايه انا على التفاعل الاروع من العمل الاصلى
دى عيدية عيد بالغة الكرم
اسعدتنى جدا
عيد سعيد
اهديتنى احلى هدية عيد بلقب اختى
اخى الفاضل محمود العدل
مرورك و رايك فى كلماتى المتواضعه وسام افتخر به
كل سنه و حضرتك بالف خير
سهر :
دايما كلامك بحر شجن حتى لو فيه امل ودايما قادرة تخلى الواحد ما يقدرش يعلق من اول مرة بيقرا ولازم يقرا مرتين تلاتة .
بس المرة دى فى معنى غامض شوية ونفسى افهمه وده اكيد لعيب فيا انت عارفة لسة طالعين من الصيام بقى !!
مفيش اقوى من الـ كاين ..و مش موجود
انما غير كدة بجد يا سهر بتخلي الواحد يستنى كلامك .
كل سنة وانت طيبة وحلوة قوى العيدية دى .
كل سنه وإنتى مستمتعه بنسايم البحر مع ذكريات جميله
تحياتى
انا جيت اقول كل سنة وانتي طيبة لقيت نص يشوبه بعض الحزن..الدنيا عيد يابنتي والا الحزن مكتوب علي امثالنا ميفارقناش حتي ف ايام العيد
كل سنة وانتي بخير ومفيش اقوي من الكاين..خلي دايما ده المانفستو بتاعك
تحياتي
هانى زينهم
كل سنه و حضرتك بالف خير
اسعدتنى زيارتك و مرورك و اسعدنى جدا تعليقك
العيب مش فيك ابدا
واضح ان النص فيه شىء من الغموض عمل لبثعند الجميع شويه
خلينى اقولك رغم ان( اسوء ما فى الشعر تفسيره ) ان الصراع مع ذكرى اليمه لشخص توفى و رغم كده موجود
كل سنه و حضرتك الف خير
اى الغالى ابو احمد
دعواتك لينا يمكن ربنا يسهل و يقى للبحر ذكريات جميله
و رغم ده يبقى البحر كاتم اسرار و متعه و تامل
كل سنه و حضرتك الف خير
syzef
معلش كان نفسى احط نص فرايحى فى العيد بس ايه العمل
يمكن المره الجايه تصيب و الحزن يسيب
بس الاكيد انى انا الغالب و انا قادر اعدى السور و مش مكسور
كل سنه و انت بالف خير
عيد سعيد عليك يا رب
أسأل الله
أن يعطيك أطيب ما في الدنيا محبة الله
وأن يريك أفضل ما في الجنه رؤية الله
وأن يجمعك بأفضل خلقه رسول الله
وأن ينفعك بأنفع الكتب كتاب الله
وكل عام وأنتم بخير
عيد سعيد
وكان موجود
فى تجاويف الحنان و الشوق
بيتخبى ورا الدمعة
و لما بكون مانيش سامعة
صوت البحر يندهنى
بناديله
و اكرر وعدى و ادعيله ..
واتعلم من الغيبة
ما اكونش فى لحظة انا ضعيفة
و لا مغلوبة م الايام
***
سهر
ميت حى وحى ميت
وبحان من خلا الذكرى تعيش نقاء و طيبة وخلى القهر يقتل كل جميل ..
كلماتك لمستنى اوى
خصوصا ده طيف ذكرى لميت حى
كل سنة وانتى بالف خير
بدون مجاملة
احساس عالي وقصيدة جامدة
تحياتي للجميلة سهر
سهر
عاشقة البحر
و بعد كل هذا العشق
لا تخش البحر سيدتي
فلن يعصف بالاوهام
و لن يقذف باشباح
سهر
عنوان قوي
و كم من ميت يرزق
يأكل و يتنفس
الموت سيدتي
سر من اسرار الحياة
كل عام و انت
وحشتنى يا سهر
وحشنى كلامك واحساسك
كل سنة وانتى طيبة
حلوة اوى
مش عارفه اقولك ايه؟
عندى حاجات كتير عايزة تقول
بس مين يترجم
عجبتنى خالص
دعواتك
السلام عليكم
الله عليكي ياسهر احساسك جميل وانا اول مرة ازور مدونتك وان شاء الله مش هتكون اخر مرة
كل سنة وانتي طيبة وعيد سعيد عليكي
ما اصعب وجود اموات احياء بداخلنا والاصعب وجود احياء هم اموات بداخلنا
ahmed k
امين و لك المثل و اكثر
اشكرك على دعائك و تهنئتك
مل سنه و حضرتك بخير
بطلت اشرب كاس جراح
لكن شربته بامر قهر
دافع ضريبة الانهيار
حبة مرار
حتى تراتيل الالم
ف ليل كسير
مفروض عليك تتليها صمت
و الدمع تبكيه فجاه ليه
و الدمع يبكيك عمر.. دهر
صحيت مظاهر الافتقاد
ف القلب ليه
و انت اللى مفقود من كتير
و انت اللى جريت الوجع ف القلب نهر
وضيت قلوب اتعفرت
صليتها فجر
**************************
مفيش اصعب يا سمر من ذكرى الميت الحى اما الحى الميت ده مش مشكله خالص
الاجمل الحى الحى اللى زيك كده
و الاجمل نكون تحت رحمة الحى الذى لا يموت
الريم
القلب اللى بيلمسه الكلمات قلب حساس و يستحق كل تحيه و تقدير
كل سنه و انتى بالف خير
و يا رب دايما منورانى احساسك
احمد عبد اللطيف
من غير مجامله بستنى تعليقك عشان يبقى معايا شهادة اجاده
و اجازه للعمل
كل سنه و انت بالف خير
وجه جديد
البحر اسرار و الموت اسرار
و النفس مكمن الاسرار
ولا خوف على من فى معية الرحمن
كل سنه و انت طيب
بستنى ردك اللى دايما ياخدنى للتفكير
ساره ربيع
يترجم اللينك السرى
مش كل الكلام يتقال ... كتير كلام ما اتقالش و اتقرا كويس و وصل احسن
كل سنه و انتى ساره اللى انا عارفاها كويس
بدعيلك دايما بكلام كتير متقالش
حبيبه
و انا بقول النور النهارده زياده ليه اتارى انتى منورانا لاول مره و انا كمان هدعى متبقاش الاخيره
كل سنه و انتى بالف خير و سعاده
الجميله موناليزا
بجملتين لخصتى كل الكلام اللى اتقال
فيكى سر غامض يمكن انك بتقرى بقلبك اوى
كل سنه و انتى شفافه
شىء فى حزنك بيفكرنى بحزنى
الموت الاحياء والذكريات النازفه كل حلو فينا
سهر
انتى قلم ملوش مثيل
قريت لناس كتير وبحب اتابع ناس كتير جدا
لكن قلمك انت حاله خاصه
بكل صدق كتبتى شىء جوايا معرفتش اخرجه
دمت بود ايتها الرائعه
حقيقة الذكرى لاتذهب
كنها جزءا من وجودنا .. فهل نملك ان نمحو وجودنا
وكيف تتأجج أحاسيسنا وتعطى أحلى رحيقها ان لم نتأثر بهذه الذكرى ..
ربما بعد حين .. يبدل الله الحال .. وننظر لما كان يبكينا ..فنتعجب و نضحك
سهر
اقولك اية بس
اسعدنى مرورى على البوست المليئ بالمشاعر الجميلة
كل سنة وانتى طيبة
اتمنى زيارتك ليكى تاج عندى
اسير الجراح
كلام جميل وحساس جدا
ان شاء الله سوف اقرأ كل انتاجك
انا قادر اعدى السور
تحياتي
سهر ..
احلى حاجة .. اننا نعرف انه طيف ميت .. حي :)
حسيت بالكلام اوي ..
لأني لسة مارة عليا الحالة دي ..
المقاومة حلوة :)
بس النجاح أحلى ..
سعدت بكِ يا سهر.
لما شاعره برقة و رقى ناعومى تقول الكلام ده من حقى ازهو بنفسى جدا
كلامك شهادة تقدير يا ريت استحقها
و مرورك سعاده لا توصف
و كلماتك بلا مجامله او رد مجامله بشوف نفسى فيها
لما كل واحد منا يعبر عن جزء جوه التانى تبقى دى قمة الانسانيه
مش هعرف اوصف لك سعادتى بمرورك و كلامك شكلها ايه
sherif
بعض الذكرى سيدى خالده او شبه خالده لانها ذكرى من رحل عن ديانا مخلفا جميل خلقه و اطيب الذكريات التى قدر ما اسعدتنا فى وجودهم او لعلنا لم ننتبه لها الا بعد رحيلهم .. قدر ما اوجعتنا بغيابهم
مرورك اسعدنى بتميزه و رؤياه
قدر ما اعجبت بفنك
تحياتى و تقديرى
اسير الجراح
دائما مرورك بمثابة تشجيع و دفعه الى الامام
دمت و دام مرورك الطيب
كل سنه و انت بالف خير
من عينى فى اقرب وقت هحاول امر و اخد التاج و ربنا يعينى عليه
أ راجى
ده يكون شرف ليا و لانتاجى المتواضع لو شرفته بالقرايه
ميرسى لمرورك الذى اسعدنى
د. مصطفى النجار
ميرسى لمرورك و لاقتباسك
تحياتى و تقديرى
الجميله شيماء
و دايما مرورك له تاثير القهوه
حاجه بتظبط الدماغ يعنى
جميله المقاومه و الاجمل النجاح
لخصتى الموضوع و جبتى الحل بس يا رب ننجح
كل سنه و انتى جميله
معلش جاي متأخر
بجد كل مرة اجي هنا الاقي ابداع جميل
ومشاعر حقيقية
مزيد من التوفيق والابداع
القصيدة تجسيد لواقع ملئ بالمتناقضات وعصارة الألم والأمل معًا.
كلام راقٍ من شخصية راقية.. تقبلي تحياتي
كلام جميل ورقيق ومعانى تألم لكنها ساحره
بس البحر مش لازم يرتبط بأى ذكرى سيئه لأن النظر ليه بدون اى شيء بتجلب شجن وحنين ومينفعش معاهم كمان ألم لذكرى حزينه
خالص اعجابى وتحياتى
طيف ذكرى
لميت حى
الله على الإحساس العالى
ربنا يزيدك
طيف ذكرى
لميت حى
الله على الإحساس العالى
ربنا يزيدك
تحياتى
ومين قال انك كا حطتيش نص فرايحى فى العيد
اجمل فرحة اننا نقرا نص جميل يحرك مشاعرنا
شكرا على الهدية الجميلة دى
شادى اصلان
حضرتك تيجى ف اى وقت ببساطه لان مكانك محفوظ ف الصفحه عشان تاخد الصفحه صك اجاده
ميرسى لمرور بيسعدنى
خالد اسماعيل
مرورك اسعدنى
اشكر لك تعليقك و كلماتك الطيبه
تحياتى و احترامى
nour shahin
البحر بالنسبه لى مش شجن و حزن يمكن البحر يالنسبه لى سر و سحر و ساعات خوف
لكن ف الاغلب كان فرحه و احساس صافى ممكن ياخدنى من اى حاجه و اى حد و اروح معاه .. كاتم اسرار م الدرجه الاولى .. بيسمعك و ساعات بيرد و يبتسم لك
لكن لما ف مره يجيب لك ذكرى قديمه و يحطها ادامك و الذكرى دى يتهيالك انها حقيقه و تفوقى على انه صوت بحر وهمى
مش عارفه اقولك انتى اسعدتينى اد ايه
مدونتك روعه
mohamed ghalia
ميرسى على مرورك و دعائك الطيب
و اقتباسك الرقيق
تحياتى و احترامى
سمير مصباح
استاذى الفاضل دى شهاده اعتز بيها جدا
كل سنه و حضرتك طيب
مليون ميرسى على مرورك الاجمل
تسلم ايدك انتى حتطيتى ايدك على الجرح
فعلا ان بنعيش فى وسط حجات كتير بتعاند بعض وضد بعض
القصيده جميله اوى
دمتى مبدعه
تحياتى
بتفكريني بقصيدة كتبها بس مش للعرض
بقول فيها
انا والبحر وعنيكي
حكاية وقصة منسية
حكاية فيها روح قلبي
لكن هيه ما هش هيه
لو الموجة تشوف عينك
تعبي البحر حنية
انا كنت جاي اقول البقاء لله
هههههههههههههه
لكن ما خلف السطور اثرني بجد
لكي تقدير استاذة سهر
اخيكي جابر المصري
الذكرى مستحيل تموت
دى بتحيى حاجات كتيره جوانا ممكن تكون مؤلمه
وممكن تكون سعيده
بس هتفضل الذكرى اجمل واسؤا شئ فى الوجود
أكرر دوما كلامي بأن كلماتك الموسيقية لها سحر خاص جعلني أحب قراءة العامية وكنت لا أحبها ...صدقيني أستمتع كثيرا بسحر كلماتك
momken
مره كتبت : كام مره احساسك كان غالب و تغالب .. و تغلب هذيان القلب التعبان م الخوف و ظروف .. تقنعهم بالشاطح حد الهذيان انه الممكن .. و المش ممكن انه المألوف
التناقض آفة النفس البشريه
لكن ان يصل بنا التناقض ان نكون حى ميت فهنا اصبحت النفس آفه
و لكن ان يمون الميت حى فهو نوع من انواع الخلود ف الذاكره
اشكرك لمرور مميز اسعدنى
استاذى جابر المصرى
شكرا مرتين
مره لمرورك
و مره لفك اسر القصيده اللى كانت مش للنشر
و مره كمان ( ان شا الله ما حد حوش )
عشان كان لبلوجى السبق ف النشر
ربنا يكرمك يا استاذى يا رب
تحياتى و احترامى
romancy
بس الذكرى هتفضل اجمل و اسوء شىء ف الوجود!!!!!!!!!!!!!!!11
ما انت كده لخصت المساله كلها ف جمله
اشكرك على جمله ف الصميم
و مرور راااائع
shimooo
على اد ما كلامك اسعدنى لانه شهادة تقدير و جايزه لا يوازيها جوايز
على اد ما خوفنى اكتر ما انا خايفه و مخلينى متردده هكتب ايه جديد و يا ترى يستاهل تقديركم
مرورك بجد مميز و اسعدنى جداااااااا
طبعا تحفة يا سهر....
الطبيعي بتاعك يعني..
احم احم ياهل الدار
فينك من يوم العيد..هو العيد زعل منك بعد البوست ده والا ايه؟
لعلك بخير
تحياتي
اسف علي تقصيري في المرور بس ظروف الشغل مش اكتر
كالعادة كل شئ في المدونة مبهر
لكي خالص تحياتي
ريم
انت الاروع
اتيت من بين اوراقك المحترقه التى احرقتنى معها
دمت بروعتك
syzef
العيد زعلان منى من زمان
اصلنا مش اصحاب بصراحه
ميرسى لمرورك و سؤالك
و الجديد قادم ان شاء الله
sendbad
مكانك محفوظ ف الصفحه دوما فهو صك الاجاده
ميرسى لمرورك و كلماتك الطيبه
إرسال تعليق