انا لو غبت .. الحاضر

وحاضر

هكتفى بالصمت والفرجه..

على فيلم " الوجع .. مكتوب "

لو إن/ التوب دا ما يليقشي

ومش كل البعاد / فارق

ولا كل من فارق / بعيد

 مفيش مواعيد

تجمع خطوتين  صدفه

مفيش توقيت

لحد/ حدوده مش شايف

وغاوي يخطي ف الضلمه

لكن خايف..

يكعبل خطو احساسه

دا فاته / و خطى من بدرى

و صاحبه (غــُـنـاه)

صحيح مهموم

لكن حظه

بينجا

مرتين ف اليوم

ويحيا الف مرة موت

وبكره يفوت / وما يموتشى

وألفين بكره مروا عليه

قصاد عينه

ويتردد صدى همه

ويتردد ...

يبوح ولا ..

يصون ألمه ؟

و بيحاضر ..

فـ ( سيكشن ) عـِـنْد / مش خالص

و بيبرر ..

معادلة عمر / محسوبه

و مستنتج ..

نهاية بجد محتومه

 بيأس بيحسب الحاضر

و امله / بيقلب الموازين

ما بيقولش لغياب ....

حاضر

وانا الشاهد

وانا / و لو غبت .....

الحاضر