مقدمه
-------
و جوه الصفحه
تحت السطر
ما بين تناتيش دموع الحرف
نتلاقى
وش ف وش
تحت الجلد مش مهرب
و لا تقليعة ارمى وراك
لان وراك
مسيره ف يوم
ينط ف لحظه ادامك
و يسأل
لسه فاكرنى
تقول طبعا
لكن بهرب
-------------------------------------
تسمع حواديت ؟
عمرك حسيت انك بلا بيت
مزروع ف مكان من غير جدران
مرسوم ف حيطان من هوا شخابيط
طاير ف سباق الضنا رهوان
اشجعها حصان
ف اجدعها ميدان
هداك طواحين الهوا
مليت؟
بردان ؟
بردان بالامك ...... و اتغطيت
و كانت لك ستر و اجدع حيط
حبيت؟
وقعت شخابيطك من ع الحيط
و بقيت عريان
اتواب الهوا اشكال و الوان
فيها الشفاف
فيها الدبلان
فيها اللى ما تعرف توصف خيط
و يكر القلب كتاب حواديت
يتبدر النبض الجوانى
فرافيت فرافيت
وقتها حسيت
بدبيب الطفل ف حشا دفيان
و حاوطت عليه برموش ..
و غفيت
طب لما صحيت
عارف ايه لقيت؟!!!!!!!!!!!
تسمع حواديت ؟؟؟
هناك 4 تعليقات:
لو حفا هذا هو كتاب حواديتك
فأعتقد أننا سنجلس حول دواتك
ولن نفيق
حتى يصيح الديك
و يلوح الصباح
و تسكت سهر عن الكلام المباح
سهر
ايه الجمال ده بجد؟؟
قصيدة رااااااااائعة
متكاملة
روووووووووعة
مش لاقية حاجة أقولها
انا قريتها تلات مرات
كنت بالقيها على نفسي وانا مبهورة
بجد
روووووعة
وجه جديد
و فى كل اطلاله يكون... وجه جديد
و كل اطلاله .. تمنح قلمى روح جديده
و دافع للبحث عن الاجود
لان هنا.. عين واعيه ترقب باقتدار
الجميله د. اسماء بحالها هنا
كم افتقدك و افتقد قلمك الشيق
و كم كانت سعادتى حين توصلت الى دروبك
سيدتى
الروعه هى تواجدك هنا
دمتى بروعتك
إرسال تعليق