و اعذرنى
اذا فاض الكلام كيله
و تاهت منى معاذيره
و ما عرفتش
احطك بين كتير حرفى
و بتدور .. تلاقى مفيش
منيش درويش
هدق الدقه ف الحاضره
مشاعرى تكون اوام حاضره
و ينطق ( جن ) احساسى
منيش قاسى
انا المحتار
ما بين السر و التصريح
و انا الخايف من التباريح
و انا المعجون ..
بمية عـِندى / و بلائى
يكون انت
بلاقى كيانى اللى انفرط حسك
و لملم م اللى جاى للـ فات
و بيرمم وجع قلبك
و بتصدق ف احساسك
و بتكدب كمان فيا
و عندك حق / و النيه ..
ماليها حروف تأيدها
تبوح بيها ..
تقول هيه
منيش حاوى
ولا ناوى
لكن غاوى
و قلبك انفرط ف الروح
و كنت انت ..
( العصى ع البوح )
اذا فاض الكلام كيله
و تاهت منى معاذيره
و ما عرفتش
احطك بين كتير حرفى
و بتدور .. تلاقى مفيش
منيش درويش
هدق الدقه ف الحاضره
مشاعرى تكون اوام حاضره
و ينطق ( جن ) احساسى
منيش قاسى
انا المحتار
ما بين السر و التصريح
و انا الخايف من التباريح
و انا المعجون ..
بمية عـِندى / و بلائى
يكون انت
بلاقى كيانى اللى انفرط حسك
و لملم م اللى جاى للـ فات
و بيرمم وجع قلبك
و بتصدق ف احساسك
و بتكدب كمان فيا
و عندك حق / و النيه ..
ماليها حروف تأيدها
تبوح بيها ..
تقول هيه
منيش حاوى
ولا ناوى
لكن غاوى
و قلبك انفرط ف الروح
و كنت انت ..
( العصى ع البوح )
هناك 65 تعليقًا:
وهو يعنى مش حاسس!
فكرتينى بأصالة"بحبك بس مش قايلة"
كل سنة وانتى طيبة ياحبيبتى ويارب يكون عيد سعيد علينا جميعا
انا كل مرة هقولها للأسف مش شاطر في التعليقات بس بجد كلامك فعلا ممتع ورائع
دمتي متألقة
أكيد تقدر ..
تكرر لحنك الصامت
وانا مقدرش غير إني
أقول عيدُه
واجمِّل وش خوف بُعدك
وتجاعيدة
صِبا حرفي العجوز
بــيشبّ
يطول آخــر
شعاع شوفك/فيرجع شبّ
وتسقي لعطشي /
شوق مالح
/ أقول سكّر!
ليالي وشَّها الكالح
بخاف منُه
واقول قمرَه
واسيب شبَّاكي حاضن /
دقة المطرة
ومفتوحـ لك
ومسموحـ لك
ـ بدون أسباب ـ
تغيب تاني !!
عشان .. تقدر !!
ومش بالسهل
يكون بينى
و بين الشط . كام كلمة
و ما بقولهاش
و اتمرجح
على الموجة و اقول ارتحت ..تيجى التانية
تاخدنى لتحت
و ف الحالتين
انا الصامت
و انا المجبور على بعادك
.. وانا المغدور
بايديا
لانى جوة لحظة كبت بتفتت
يكون وجعى طاقة بوح
بقفلها
ومش عندى ولا اصرار
لكن خوفى تكون محتار
ليا انت ..
ولا فات الزمان و اختار؟
لا بوح
ولا كلم
سوي عينيكي تكفيني
..........
رائعه
مصافحتي الأولي لحرفك
دمتي بكل الود
ههههههههههه
كلمات جميلة والله
مش قادر أقول التعليق المناسب سامحينى
تحياتى
لكى كل الود
يا رب
انت القادر عليها :)
يا بنتى ارحمى اللينك
سهر..مش عارفه اقول
بس انتى عارفه..
و"عاصى" و "قاسى" و"مبيفهمش" كمان :)
ها
بس
و بتصدق ف احساسك
و بتكدب كمان فيا
---------
ياه وهو كل اللي فيكي ده وهو ولا حاسس
كلامك مؤثر جدا
موناليزا الجميله
اه كبرت ف دماغى
مش هقول
مش ساعات الصمت بيقول اكتر
كل سنه و انتى ارق و اجمل و اعبد امه لله
شادى اصلان
يمكن مش شاطر ف التعليقات يمكن
لكن شاطر جدا ف توصيل الاحساس
و ده انا اشهد بيه لما بقرالك بحسه جدا
مرورك لوحده اروع
أسأل الله أن يفك أسر قلوبنا
و يجبر كسرها
د.حماس
جميل يا سهر .. وكل مرة لازم اقولك ان كلامك فيه تلقائية وانسيابية غريبة حتي الموسيقي في الكلام مش ماشية بطريقة منتظمة لكنها اشبه بعنصر المفاجأة وبتعطي احساس حلو للأذن
الأجمل من ذلك هو اختيارك للمعاني والافكار
و بتدور .. تلاقى مفيش
منيش درويش
هدق الدقه ف الحاضره
مشاعرى تكون اوام حاضره
معني ووزن وألفاظ أكثر من رائعة في هذا المقطع
اود ان اسجل اعجابي الدائم بكلماتك
تحياتي
ياريتنى شاعر أقدر أعبر عن إعجابى بكلماتك كل سنه وإانت مبدعه
صحيح اقدر
لكن احساسى ..
متقدر
يجيب الحلم متفسر
و بيقصر .. ف بوحى حروف
و بيأثر ف احساسك
فـ متلومنيش
اذا ضاق الكلام بيا ..
اذا ضاق الكلام باللى ..
دا ليك فيا
اذا خطيت ف بوحى اليك ..
حدود القول
و صار كل الكلام عنك..
ملوهش حروف
************************
هانى رمضان
و مش جديد تفاعلك اللى بيطغى على العمل الاصلى
لكن دايما جديد و مبهر
تقديرى و احترامى
متسألشى
ساعات الرد ما يجاوب
و يتجاوب ..
مَعَ ..
لحظة عناد جايب ..
كلام من عند ناصية عـِند ..
متدارى
و صوت الضحكه بيدارى ..
زفير الآه
و الف حياه ..
ما هتجاوب ..
دى آهة ايه
ما تسألشى
********************
سمر
هناك من يكتب فيبهرنا و هناك من يكتب فيلمسنا
و انتى لا شك ترتكبين فعل الابهار و اللمس فى آن واحد
دومى الاقرب لقلبى
الشارد
دى مش مصافحه اولى
دى مباغته اولى
بكلمات رائعه اصابت العمل
مرورك اسعدنى جدا
mohamed ghalia
يكفينى مرورك و اكثر من يكفى
دام مرورك مميز
ساره ربيع
انتى بتدعى عليا ؟؟؟
هههههههههههههههههههههههه
يخرب عقلك ضحكتينى
و مبيفهمش كمان ؟؟
ده اخر كلام ؟؟ هقوله
مولان كيارا سابقا
لا حاسس بس بيستهبل ههههههههههههه
دايما مرورك بيسعد قلبى بجد و لازم يسيب ضحكه على وشى
DR.HAMAS
اشاركك الدعاء
اللهم امين
فارس و جوادك الكلمات
مش قلتلك قبل كده ؟؟
بتملك ناصية الكلام و بيطاوعك تعبر
فبتوصل احساسك شعر
و بتوصل رايك كلام ببساطه و سهوله
و كمان بجمال
مليون ميرسى و ورد
استاذى الغالى ابو احمد
انت اكثر من شاعر سيدى
انت فنان متذوق و انســــــــــــان
مش كتير م البشر انسان
الرقيقة سهر
انا المحتار
ما بين السر و التصريح
و انا الخايف من التباريح
ابداع
كلمة لا تصلح لوصف كلماتك
سابحث عن كلمة اكبر الف الف مرة
واعود ثانية
تحياتى
الازهرى
عد ثانية
و لكن احرص ف المره القادمه ان تحضر معك ترياق ضد الغرور
مرورك يجعلنى ازهو
حمد الله على سلامتك
اجمل ما يكتب وما يرى وما يحس هو الحب
كلامك جميل ايتها المبدعة
خالص التحية لك
هاني يس
ولا هسال ولا اتحير
عند ده كان او اتكبر
يقول انه بالحنين مغلوب
يقول مكتوب اكون نسمة ..
ف عز الحر ما تعديش
لو اتمنى ..
و لو غنا
كل اهاته ما بتكفيش
و هستنى
يوم م يقولها م الاول
غناوى العشق و التنهيد
و يوم ما يعيد ..
لكل ايامى افراحها .
لا حلوة
بجد حلوة
هو ده اسلوب الشعر اللى بحبه فعلا
السهل الخفيف علي الاذن
كل سنة وانتي طيبة
رفع الحجيج أكفهم
يرجون رحمة ربهم
ورفعت كفي أدعوه
يجعل ثوابك مثلهم
وكل عام وأنتم بخير
الرقيقة سهر
عدت بعد بحث طويل فلم اجد
فهلا سامحتنى
كل سنة وانت وكل من تحبين فى سعادة وسلام وهناء
انا المحتار
ما بين السر و التصريح
و انا الخايف من التباريح
و انا المعجون ..
بمية عـِندى / و بلائ
---------
الله يعمر عقلك
ايه الجمال ده كله
أول مرة آجي هنا بس بجد مستمتعة
مدونتك كانت من أحلي اكتشافات ليلة العيد
كل سنة وانتي طيبة
كل سنه وإنتى طيبه
و قلبك انفرط ف الروح
و كنت انت ..
( العصى ع البوح
دول لوحدهم قصيدة
سهر
يامعقدانى
الرحمه حلوه بالغلابه اللى زينا
بس عارفه انا معاكى
متقليش
مش كل احساس لازم يتقال
سهر
كل سنهو انتى روعه وملكه العامى
وكل سنه وانتى طيبه وسعيده
لله يا سهر
أنتِ أجمل بكثير مما أستطيع وصفه ..
جميل يا سهر ..
جميل اوي
حقيقة وردية المعنى ..ممكن :)
معجبة جدا بطريقتك في الكتابة يا سهر..
بالرغم من اني مش بحب العامي و مش بانجذب له ..
بس طريقتك غيرت رؤيتي .. بجد .
كل عام وانتم بخير :)
السلام عليكم
وكل سنة وانتم طيبين
كلمات جميلة ومعبرة
تحياتي
جئت ابحث عن صورة عصفور
فوجدت معاني ليها قيمة
وقصة حزينة
وحروف بتجري ورا حزن مخطوف
سهر .. تعبتينا بالكلام الجميل ده . بجد خفيف ومعبر وعميق فى نفس الوقت . بس بالاحساس ده اكيد واصل من غير بوح .كل سنة وانتى طيبة .
ارجوا من الله ان يكون الغياب لخير
منيش درويش
هدق الدقه ف الحاضره
مشاعرى تكون اوام حاضره
حلوة قوي ..
بجد .
:)
سهر
(و قلبك انفرط ف الروح)
القصيدة كلها تعبيراتها رائعة إلى حد اللامعقول ..
دي من القصايد الثابتة اللي هارجع اقراها كل فترة ..
...
جميلة كما أنتِ دوما ..
رائعة و مختلفة ..
هانى يس
القاص الرائع صاحب الفكره الجديده و الكامنه دوما
مرورك فخر لحروفى
اشكرك
يقول مكتوب اكون نسمة ..
ف عز الحر ما تعديش
************************
مبقاش حروف الروح دوا
و لا دندنة وتر القلوب ..
المتجرحه بفعل الجوا
حتى اللى راشق بين ضلوعك..
رشقه يالم ..
و انتينه ف الهوا
يا سمـــــــــــــــــــــــر
بحب حرفك هنا جنبى و انتى عارفه
ربنا يخليكى و يخلى حرفك اللى له طعمه المختلف
مها زين
و انا بحب مرورك و بحب اكتر اما اقرالك و انتى بتحكى بتلقائيه و ضحكه من قلبى تطلع
ahmed_k
ربنا يكتب لنا ان نكون مع الحجيج العام القادم
كل سنه و حضرتك بالف خير و مليون ميرسى على التهنئه
الازهرى
كل سنه و حضرتك بالف خير
مجرد مرورك يكفينى
alexandmellia
كل سنه و انتى بالف خير
اكتشافك هنا هو فرحة العيد ليا مش ليكى
لان مرورك له طعم مختلف
م/ الحسيني لزومي
كل سنه و حضرتك بالف خير
والدى الغالى ابو احمد
كل سنه و حضرتك بالف خير
و يا رب السنه الجايه نكون مع الحجيج
ناعومى
كل سنه و انتى جميله زى ما انتى
كل سنه و انتى واصله لذبذبات الاحساس
كل سنه و انتى رقيقة الاحساس
وحشنى اقرالك جدا
قهوة بالفانيليا - شيماء علي
يا نهار ابيض
انا غيرت رايك ف العامى بكتاباتى المتواضعه ؟؟
ده انا هتغر جامد جدا
لانك من الاقلام اللى بحبها اوى و الناس اللى بتعجبنى افكارها
كل سنه و انتى بالف خير
كل سنه و انتى بروعتك
اقصوصه
كل سنه و انتى بالف خير
مليون ميرسى على سبقك بالتهنئه
الورده البيضاء
اختيارك رمز الورده البيضاء رمز الصفاء
كان اجمل الاختيارات
كل سنه و انتى بالف خير
youma
حروف بتجرى و را حزن مخطوف و كنتى بتدورى على صورة عصفور ؟؟
لا استنى باه
انا هروح اشوف بتعملى ايه لازم
الشاعر الرائع سمير مصباح
الاول انا اسفه على لخبطة الردود
اكيد نور ردك هو اللى زغللنى
بحب اقتباساتك جدا زى ما بحب اوى اقرالك
شاعر بحب اقراله و اتعلم منه بجد من غير مجامله
هانى زينهم
كل سنه و انت طيب
و مليون ميرسى على تشجيعك الدائم
و حج مبرور
الازهرى
اشكرك ازاى على اهتمامك و سؤالك
و اكيد كلمات الشكر ما تكفيش
مليون ميرسى و مش كفايه
خير ان شاء الله
معلش اتحملونى ف غيابى شويه
محمد العدوى
لاقتباسك دلاله جميله
لان الجمله المقتبسه من الجمل اللى حبيتها و انا بكتبها
اشكرك جدا
د. اسماء على
سمسمتى الجميله و لينك الاحساس الحلو و التنشينات الجميله
ما هو لازم تحسى الجمل اللى كانت طالعه اوى و الا ما تبقيش سمسه باحساسها الجميل
وحشتينى
ماشاء الله
جميله جداً تسلم ايدك
الحب مع الكرامه والككبرياء رائع
وكبرياء العشاق جميل
ادام الله عليكى الحب
تحياتى
ده رقم حساب بنكي يتم تلقي التبرعات من خلاله لصالح غزة (تم عرضه في برنامج القاهرة اليوم )
(25015) بنك بيريوس.
لسة البوح عصى عليكى ؟؟
فينك ؟؟ طمنينا عليكى .
momken
اجمل شىء( ممكن ) هو الدعوه الجميله دى
اللى دعيت لى بيها
مليووووووووون ميرسى
و دعوه زيها
هانى رمضان
اشكرك
هانى زينهم
تصدق اه
دعواتك
إرسال تعليق