مشهد ناقص ......

لساه المشهد ناقص
راقص
بيخطى ف خفه لخط النار
كل دقيقتين
قناديل الشمع المطفيه
ساكنه الصفين
و جداول دمع عيون ناشفيين
و تبعتر على الطراطيف
تناتيف
لكرامة شعب حزين و ضعيف
كل مغامراته آخرها ...
رغيف
و اضيف؟؟
ولا الصفحه اتردمت بسواد؟؟
و سعاد !!
بتنادى ف سكان الفتارين
اصنام و ف هيئة بنى ادمين
رافعين للسلم ف كدب شعار
و انهار
انا و انت مع السامعين
على صفحه .. نكون ..
سطرين فاضيين
ف حروف مكتوبه بلون شفاف
عمره ما ينشاف

( سعاد .. خبرى من عن هوانا سائل ٌ ان هذا القلب محتاج لنبض ِ

انا إن غادرت دنيا حبنا .. فالهوى عهد سيبقى دون نقض ِ )