يا راسم ع الورق صوتى
و سامع فكرى م الاول
و شايل م الالم و الاه
و متشكل بالف حياه
منيش مستغنى عن صوتك
فلا تفارق
ولا تاخد ملامحى معاك
انصبلى خيمة الدروشه
طقس الغنا اعلن حضور
و ف عز لحظة الانبهار بالشعوذه
يطرح ملل
صوت الغنا ما بقاش طرب
ما عادش باقى ( غير هرب )
تعظيم سكوت
لكل كلمه قايمه
رافضه ...
الانتحار
تحت وطئة الانكسار
مفيش حوار
حتى الحروف
مكسوره عينها م القلم
مش رافعه رمش ...
ف صفحه فاضيه م الشعور
و الصرخه طالعه و جارحه صمت الاختيار
من غير قرار
*******************
مفيش حوار
حتى الحروف
مكسوره عينها م القلم
مش رافعه رمش ...
ف صفحه فاضيه م الشعور
و الصرخه طالعه و جارحه صمت الاختيار
من غير قرار
*******************
هناك 69 تعليقًا:
سهر :
الفكرة جديدة وجميلة والتعبير عنها رائع
صوت الغنا ما بقاش طرب
ما عادش باقى ( غير هرب )
تعظيم سكوت
لكل كلمه قايمه
رافضه ...
الانتحار
اجمل مقطع عجبنى لان الكلام اللى بيرفض الانتحار بقى قليل قوى لان معظم كلامنا بقى بيتولد منتحر . عشان كدة يستاهل " تعظيم سكوت " وده تعبير عجبنى اكتر. بجد افكارك دى جميلة قوى ويا ريت ما تطوليش الغيبة علينا وكل سنة وانت طيبة
تحت وطئة الانكسار
مفيش حوار
حلوه قوى
تحياتى
لانت لك الحروف
و طوعت المعاني
سيدتي
أي حرفة تحترفين
كل التحايا
تعظيم سكوت
أراك تخطيت حدود الأبداع
يا راسم ع الورق صوتى
جديده فكرة رسم الصوت على الورق
بالتوفيق يا سهر
ودمتي مبدعه
تقبلي تحياتي
مليون سبيل
يعلن هروب صوت الأزيز
لو كان علي خد الورق
واللي اتحرق
مليان جروح
أفترق
فلنعتبر ان انتحار الصمت فوق كف الكلام
اصبح هلام
قادر يقول
تعظيم كلام
ويعيد كمان
فكرة خضوع الأنهزام
لو كان وجوده من العدم
أستاذة سهر
البوست ده رغم قصير لكن التكثيف فيه غير عادي
بيقول كتير قوي
فلسفه من نوع خاص
اعذري تفاعلي السريع
الذي لا يرقى الي مستوى قدرتك علي التعبير
لكي احترامي
وكل عام وانتي والسرة الكريمة بالف خير
ا هانى زينهم
الاجمل من كلامك هو مرورك
بس مش قادره انكر ان كلامك اسعدنى جدا
بس الغيبه مش مقصوده و الكتابه رزق و بنستنى اما ييجى الفرج
كل سنه و حضرتك طيب
ابو احمد
د. مجدى الوالد الغالى و اللى دايما بيشجع بناته الغلبانين ادبيا
يسلم مرورك
كل سنه و حضرتك طيب
وجه جديد
د. احمد عثمان
ما املكش للاسف غير احساس ساعات يترجمهم القلم ف كلمتين لو تسميهم حرفه
اسعدتنى و اسعدت حروفى بمرورك المتميز و المشجع
كلام حسام
اشكرك على مجاملتك الرقيقه
كل سنه و حضرتك طيب
ahmed_k
ميرسى لمرورك و مجاملتك
كل سنه و حضرتك طيب
فلنعتبر ان انتحار الصمت فوق كف الكلام
اصبح هلام
قادر يقول
تعظيم كلام
******************
طيب يا استاذى ارد على الجمله دى ازاى انا تلميذتك الغلبانه
استاذى جابر المصرى
لك تحياتى و احترامى لمرور اكثر من رائع و اكثر من متميز و تشجيعك الدائم
كل سنه و حضرتك و الاسره الكريمه بخير
اعلم اني مقصر في المجيء ولكن اعذريني
اكتر من رائعة
مزيد من التوفيق والتألق
يا راسم ع الورق صوتى
انصبلى خيمة الدروشه
مكسوره عينها م القلم
مش رافعه رمش
رغم قصر النص واندراجه ف وجهة نظري لنصوص بنطلق عليها الصوت العالي احيانا..لمباشرة المعالجة والحماس اللي بينجرفله الكاتب حبتين فبيعلي صوته شوية ف وش القارئ..بفتكر كلمة قريتها تقريبا لنيتشه الالماني بيقول ان الافكار التي تاتي علي جناح الحمام هي ما تخلق البراكين غالبا..فالكاتب مش محتاج انه يعلي صوته بقدر ما هو محتاج جناح حمامة يرفرف بفكرته بمنتهي الهدوء كي يشعل بها جوانح قارئه
لكن كل اللي سبق ده ميمنعش اني استمتعت ببعض الصور الجديدة ف النص او الخاصة بيكي اللي رسمتيها وهي الصور اللي اقتطعتها من نصك وابتديت تعليقي بيها
حلو جدا رسم الصوت ع الورق
وحلو جدا الحزم ف انصبلي خيمة الدروشة
وحلو جدا رسم انكسار الحرف بعدم رفع رمش ف وش القلم
تحياتي المفعمة بكل طيب
شادى اصلان
انا بصراحه الى مقصره اكتر منك
رمضان كريم باه
ميرسى لمرورك
كل سنه و انت بالف خير
syzef
بحب اوى اللى بيقول رايه بصراحه و يناقش بصوت عالى او بصوت هادى
المهم
حسيت ان الصوت عالى ؟ يمكن
بس مش ف وش القارىء
يمكن ف وش نفسى عشان العتاب اخد شكل الخناق شويه من كتر ما الخصام طال و الكلام مخنوق
فالغنا ما بقاش طرب و السكوت ما بقاش مريح
رايك دايما بيسعدنى
و اللى اسعدنى اكتر انك بدات تزاول نشاطك ف البلوج من جديد
العود احمد
سهر
مشاءلله على كلماتك الرائعة
دمتى مبدعة دائما
وكل عام وانتى بخير
السلام عليكم
نص رائع كعادتك اخت سهر
اقتباس
ف عز لحظة الانبهار بالشعوذه
يطرح ملل
مش عارف حسيت اني بحس بالشعور ده ساعات ممكن يكون الانبهار هنا نوع من انواع الهروب مش انبهار بجد زي الشعوذة فالواحد يمل من الحالة كلها تصويرك للمشهد ممتاز
اقتباس 2
تعظيم سكوت
لكل كلمه قايمه
رافضه ...
الانتحار
الكلمات الشريفة كلها بترفض الانتحار والاستسلام الامل في ان الافعال كمان ترفضهم
النص كله في روح حلوة اوي وممتعة الحالة بتاعته
دمتي مبدعة في رمضان وفي كل وقت
تحياتي
هاني يس
و الطقس سكوت
مش يمكن موت ..؟؟؟
متدحلب فى حوارى الروح تايه
ولكنه لئيم ...
من غير تعزيم
و لا سحر قديم
بيلملم كل بواقى وجود
وحنين ووعود
و ف ساحة ذكر و ومرصوصة
فيها المساكين ..
انا قلمى حزين
مش عارف حتى يقول اهه
ولا يلوم مين ...
سكة ساكتين
و الخطو ضنين
وسواد اليأس على الورقة
جرح دمعة ..
و غواها تمارس لعبة بوح
اخر مرة...!!!
وده وعد اكيد
****
سهور
عزف قلبك و قلمك على الورق تحليق فى سما صافية
محبة قد الكون
سهر رائعه الحرف
المبدعه
بدون مبالغه
انتى من اكتر الاسامى المبدعه اللى لما بشوف كلامهم بعرف يعنى ايه ابداع
وبحس انى جنبهم ولا حاجه
بجد انتى حد جميل ا وى
واحساسك عالى اوى
والقلم ماشاء الله مطاوعك بجمال اوى
shasha
انتِ الرائعه سيدتى
و حين زرتك وجدت الروعه متجسده بفن
تحياتى
كل سنه و انت ِ طيبه
رمضان كريم
القاص المبدع هانى يس
اشكرك جدا جدا على مرورك المركز الغير عابر بالمره
الوالج فى التقاصيل الدقيقه مع وضع لمساتك الخاصه الناتجه عن احساسك بالنص
سيدى الفنان
مرورك وحده يكفى فما بالك بتشجيعك
كل سنه و انت بالف خير
وعدك كداب
ما هو مش معقول
نقفل على همسة روحنا الباب
و نقول للروح مش طالبه نبوح
ما البوح مسموح لو حتى عتاب
سمر
وحشنى الشغب العامى معاكى جدا
سفيرة الرقه و النعومه ناعومى
لان سفيرة الرقه لا تاتى الا بارق الزهرات
تسعدنى و تغدق على بروعتها
فتسعد قلبى و تنير كلماتى
كل سنه و انتى بهذه الرقه
حتى الحروف مكسورة عينها م " الالم "
ياااااه يا سهر
جميلة بحق
اكثر مما ينبغي
اعادت للعامية رونق افتقدته هذه الايام
انا مجامل بطبعي و اعترف
لكن صدقيني لم اتكبد عناءها ها انا
لا ابالغ و لا انافق
ابقى موهوبة رائعة
سهر
الحمد لله
دائماً أقول ان شعراء العامية بخير وكذلك شعراء الفصحة
وواضح جداً أنكي قرأتي الكثير من الشعر العامي وأخص عمنا فؤاد حداد وعمنا صلاح جاهين تأثيرهم فيكي واضح جداً
وجميل أن المدونة شغالة على حتة الشعر
لذلك قرأت تلك المجموعة الأولى
دقات الساعة
بالعند في المي
الدمعة
تبعثرنا
نجم قد ملك المدار
في مشاوير الحياة
على هامش رحلة
وعد فراق
مسحراتي
طقس غنا
الحقيقة المجموعة كلها محاولات جيده
وكل محاولة فيهم ليها خصوصيتها
بمعنى في دايما في كل موضوع فكرة بتلح عليكي بتبان على طول في شعرك عماله تتنطط بشكل عفوي وجميل
كل سنة وانتي طيبة
تحياتي
حسن أرابيسك
شـاعرة ..جيدة ..جديدة ؟؟؟
قصيـدة حلوة يا سـهـر
خالص تحياتي
و رمضان كريم مع إبراهيم
Jack Sparrow
يكفينى اعترافك بانك مجامل
العاميه لها رونقها الاجمل يكفينى الا افسد هذا الرونق
و يكفينى مرورك الاروع الذى يعيد الثقه فى النفوس بالكثير من المجامله حد المبالغه
اشكرك ايها المفكر الرائع
متابعه جدا لفكرك المتميز
سهر وكلامها الجميل النابع من القلب
وحشني شعرك وكلامك
وطقسك
:))
الشاعر الرائع حسن ارابيسك
اخجلتم تواضعنا ان لاقت اعمالى المتواضعه اعجابك
و ان سردت لها من الوقت لقراءة تلك النصوص
سيدى
من اين لى بكلمات شكر لقرائتك و رؤياك و تشجيعك الذى اسعدنى
كل التحيه و الاحترام
كل سنه و حضرتك طيب
ابراهيم .... معايا
علامات الاستفهام دى عشان كتابة ما يقرب من الشعر ( شاعره ) و لا عشان اثنيت عليها بالجيده ,,, ولا جديده ؟؟؟
كل سنه و حضرتك طيب
ميرسى لمرورك المختلف و ثنائك على العمل
الحالمه الرقيقه جومانا
و انا كمان وحشنى اقرالك سحر
ايوه سحر مش غلطه مطبعيه
سحر كلماتك السابحه ف الخيال
و كفايه ربنا يخليكى محكمة الاسره
عاوزه اقرا سحر
اوعدينى انه يكون قريب اوى
وحشنى اقرالك
أول مرة أزور مدونتك .. ويبدو اننى وقعت على كنز حقيقى من الدر واللؤلؤ المسطور ..
حقيقى انك ترسمين بالعامية مايساوى الف بالفصحى .. لااجامل سيدتى فقد جعلتى الحروف المنكسرة ترفع هامتها لانها صادقة .. من القلب ..
أنا لست شاعرا ولكنى اكتب واتذوق الجمال بلا تكلف .. وانت من أهله
ساكون سعيدا اذا شرفتينى بزيارة .. ربما اعجبك ما اقدم
واضح اني جيت متأخر
لكن دا ما يمنعش ان القصيدة لسه سخنة ، وعجبتني جدا .برافو يا سهر ، بس كان اخف علي الأذن أن تقولي : انصبلي خيمة دروشة ، بدون أداة تعريف .
لك كل تحياتي ز
شاعره لها الف ركن وركن فتحية لحروف تحتاج الانحناء لها
دومتي بخير حال
السلام عليكم
سعيد بزيارتي الاولي لمدونتك الجميلة
بصراحة بعد ما قريت اول بوست لاقيت نفسي بانجذب للمدونةوقريت التاني والتالت و ....
اسلوبك جميل جدا وعجبني ان براعتك مش مقتصرة بس علي الشعر العامي لكن كمان الفصحي
واضح في الشعر العامي تاثرك الكبير بصلاح جاهين .. و موهبتك واضحه في الحفاظ علي الاوزان وفي نفس الوقت الكلام ليه معني وعمق جيد
سعيد جدا اني عثرت علي مدونتك واتمني لو تسمحيلي اضيف رابط مدونتك عندي
تحياتي
sherif
مرورك سيدى هو الاروع لا يهم ان تكتب الشعر الاهم ان تتذوقه
و ان يشهد لى احد المتذوقين الرائعين انما هو بالكثير حقا
زرت البلوجين و الحق انها اكثر من روعه
الفن يتجلى من احدهما و الحكمه تتربع على الاخر
تحياتى و احترامى
كل سنه و حضرتك بالف خير
عزيزى \عزيزتى : غير معرف
المقالات تبدو جديره بالقراءه
ان شاء الله سوف اتابع الموقع
اشكرك
الرائع احمد عبد اللطيف
متاخر على غير العاده هنا و هناك
لعل المانع خير
رمضان كريم طبعا
لازم اسمعهالك الظاهر عشان تحكم نحط اداة التعريف و لا نشيلها
عارف ان العامى ساعات ليه تكات كده عشان مسموع اكتر ( طعا ده للمبتدئين امثالى فقط )
مرورم بيسعدنى جدا
ما تطولش الغيبه
المبدع الرائع محمد امين المصرى
من حق الحروف ان تنتشى طربا و فرحا بثنائك عليها
مرورك اسعدنى جدا
فارس بلا جواد
اتمنى ان تدوم زياراتك و ان احافظ على مستوى يستحق تكرار الزياره
اشكرك من القلب على كلماتك الرائعه و قرائتك و وقتك
و اشكرك اكثر على ثنائك و تشجيعك و انت الاروع حقا و كلماتك الرائعه جعلتنى اضيف مدونتك دون استئذانك
فعفوا و بالطبع اوافق على اضافتك لمدونتى بل و لى الشرف
دمت بخير
قريتها و رجعت قريتها و قريت الردود و رجعت قريتها ..
هاقولك
عارفة لما نص يدخلك ف حالة والغريب إنك ماتعرفيش توصفي الحالة ؟
اهه ده اللي حصل ..
...
سهر
طقسك بيصرخ بكتير .. بيصرخ بالمرغوب بس تايه ف دروب ..
بجد جميل جدا النص
بس يعني أنا أغيب ده كله عشان أرجع الاقي نص واحد بس..!
المبدعة الموهوبة أ. سهر
الحروف مبهرة والمعاني التي سكنت السطور اكثر من رائعة ...
يا راسم على الورق صوتي ... ايه الروعة دي ...
وبين خيمة الدروشة ووطئة الانكسار
استمتعنا بإبداع منساب ...
يرسم لنا ملامح مرحلة ...
دمت بكل ود..
خالص تحياتي
ما هو بيصرخ عشان المرغوب ممنوع
و مش بمزاجنا و لا بكيفنا
و القلم صاحب سطوه و الشعر صاحب مش مطاوع دايما و عنيد و راسه ناشفه
لا بينفع فيه محايله و لا استجداء و لا اهمال
بس اما بيروق و بيقرر ييجى بييجى بسطوته
معلش استحمليه معايا
اسماء
لمرورك وقع خاص فى قلبى و بيعملى طقس رائع حتى لما بنكتب الم
دومى بطقسك الرائع
المبدع اسامه يس
طولت الغيبه علينا هنا و هناك
مش اول مره و لا اخر مره هقولك فيها ان مرورك له طقس خاص و كلماتك بتعمل حاله من البهجه و بعتبرها شهادة تقدير من مبدع رائع
اشكرك
تحت وطئة الانكسار
مفيش حوار
حتى الحروف
مكسوره عينها م القلم
مش رافعه رمش ...
ف صفحه فاضيه م الشعور
لا يوجد افضل من تلك الكلمات كى تعبر عن هذا المعنى
كل سنة و انت طيب
الازهرى
مرورك اسعدنى
و اقتباسك دليل قراءه جيده واعيه
اشكرك سيدى
كل عام و انت بخير
انترنتاوى
كل سنه و حضرتك طيب
اشكر لك مرورك
عزيزتى سهر دخلت مدونتك لاجل اترك تعليق على البوست تباعك ولكن عينى وقعت على البوست التالى فاالتالى وهكذا حتى ضاعت منى الافكار والكلامات التى كانت بخاطرى من جمال ماقرأت عندك
فااسمحلى انا لن اترك تعليق الان
وساعود مرة اخرة لاقراء مرة اخرى
لا اجد مااقوله غير اننى تمنت الدخول هنا من زمن فات
تحياااااااااااااتى
سااعود
مروري الاول
معجبة بالفكرة والتعبير
والتصوير رائع
يا راسم ع الورق صوتى
تعظيم سكوت
جميل اوي بجد
تحياتي
لا ادعي انني قاري جيد لهذا النوع من النصوص ولكن اسمحيلي بجد كلامك بيمس القلب
فعلا كلام مميز ااوي
تحياتي
لالالالالالالالالالالالالالالا ايه الحلاوة دي ايه الجمال ده ايه الابداع ده ايه الاحساس العالي اوي
بجد بجد بو ست هايل اهنيكي عليه من كل قلبي
تقبل تحياتي
كل سنه وانتى طيب ورمضان كريم
كل سنة وانتى طيبة
عيد مبارك عليك
صوت الغنا ما بقاش طرب
ما عادش باقى ( غير هرب )
ممممممممممم
كلامك بجد جميل جدا واسلوبك يشد
بس هو انا ازاي مش رديت علي البوست ده انا فاكره اني رديت
عاااااااااااااااااا
*********
كل سنه وانتي طيبه
عيد سعييييييييد
كل سنة وانت طيبة يا سهر وربنا يعيد عليكى الايام بخير انت والاسرة وكل اللى بتحبيهم وعيد سعيد .
اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد
أ محمود العدل
مرورك اسعدنى للغايه و كلماتك وسام اعتز به
كيف اشكرك و كلمات الشكر لا تكفى
كا سنه و حضرتك بالف خير
kochia
كل سنه و انتى بالف خير
سعيده بمرورك الاول و اتمنى الا يكون الاخير
اسعدنى مرورك للغايه و اقتباسك الدال على رؤيه
تحياتى
شادى اصلان
و يكفينى شهادتك دى عشان افرح و احس ان الكلام اللى اتكتب اتحس
اشكرك لمرورك المميز و اللى بيسعدنى جدا
تقديرى و احترامى
كل سنه و انت بخير
,.-~*'¨¯¨'*•~mr ,.-~*'¨¯¨'*•~monshed
ردك فيه تلقائيه و فرحه غير عاديه نقلتهالى بسرعه و حسيت بانى ببتسم
درم مرورك بهجه و سعاده
كل سنه و انت بالف خير
ذو الوجه المبتسم
الاسم و صورة الطفل الرائع و التعليق لهم القدره على ان يحولوا اى وجه الى وجه مبتسم
كل سنه و انت بالف خير
كيارا الجميله
ازاى ما مرتيش صحيح و هان عليكى تحرمينى من السعاده اللى بتملا قلبى بمرورك و تعليقك
كل سنه و انت سعاده للى حواليكى
كل سنه و انتى بالف خير
هانى زينهم
مرورك لمره بيسعدنى جدا فما بالك بمرور ثانى و تهنئه بالعيد
كل سنه و حضرتك بالف خير
الجميله نهر الحب
متابعه مدونتك الجميله و العمل الخيرى الرائع اللى ساهمتم بيه
رنا يتقبل منا جميعا
و مليون ميرسى على دعائك الطيب
كل سنه و انتى بالف خير
كل سنه وإنتى طيبه وبخير وصحه وسعاده
كل سنة وانتى طيبة ياجميلة ويارب يكون عيد سعيد علينا جميعا
ابى الغالى ابو احمد
كل سنه و حضرتك بالف خير
و يا ر عيد سعيد على اسرتك كلها
موناليزا الجميله
كل سنه و انتى بالف خير يا رب
عيد سعيد عليكى وعلى كل الاسره
إرسال تعليق