و لو بكره ف يوم مش جاى
مش لازم
هعيش يومى
و ارسم حلمى باللون اللى فاض منى
من امبارح
و لو جارح
هعديها
ما ياما مشينا انا و قلبى
و فوق الجرح عدينا
( باليرينا)
على طراطيفى انا بمشى
و عمر ما حط ...
كعب القلب على دربى
عندما تتبعثر الاشياء... ابحث عنك فى ذاتى ... و ابحث عنى فى ذاتك .... القانى...نتوحد... تتبعثر الاشياء.. من ثم نعيد الترتيب .. فيم يفيد الترتيب ؟؟ و انا بَـعـْثـَرَتـِـى فيك فن و بَـعـْثـَرَتـُكَ فـيِ وجود
ذات صباح لن يُغْفِلَ استيقاظك.. أنت على موعد مع .. الحياة لم تنبئني العرافة به.. لم تفصح عنه فناجين القهوة حدسٌ هو.. لم تتمكن سن...
هناك 4 تعليقات:
امتى القمر
عمره اكتمل
من غير حنان
من غير حكاوى
تتحكى
ونقول زمان
كنا سوا
كان الهوا
لو جرحك
انا كنت ادوب
وازاى اتوب
عن فعل غفران
الجروح
و مش هبوح
بانك سر علتى
و خطوتى
يمكن تتوه ...
مفطوم دا قلبى ع السماح
لكنه رافض الانكسار
و لو ف ليله بتنسرق من غيره حلم
ف قلب قلبى بيتولد مليون نهار
مش غاوى فعل الانشطار
لو كنت عاشق او مفارق .. مش مهم
لكن بايدى الاختيار
باليرينا
بخطواتها باليرينا
ساعات تاخدهاالنشوة
مع النغمات
وتتراقص وتتمايل
علي الجرح اللي ناسينا
تصحينا
توعينا
تحرك كل شيء فينا
تنسينا
بأننالعبة
بتلعب الحياة بينا
سهر ولمحة غير عادية
وومضة مركزة علي فكرة مدونتك جميلة قوي
جابر المصري
نورت الباليرينا و البلوج استاذى
و اختيارك اسعدنى لان النص ده فعلا بحبه
اشكرك من قلبى على زيارتك الجميله
إرسال تعليق