اكيد الحب شىء اكبر
من ان نقوله ف اغانى
او ان نصيغه ف معانى
او نحكى حتى يوم عنه
و نعرف نوصف التفاصيل
ملامح حب زى النيل
عميق جدا
طويل جدا
و واخد ف الغموض درجة
غامض جدا
لكن غموضه مش عنداً
و واضح
زى ضوء الشمس ما تصبح على جبينك
و خافت
زى همس القمره ما تمسى على ليلك
يكون ف العتمه قنديلك
يكون للدمعه منديلك
و لا ف الدنيا زى الحب حيجيلك
-------------------------------------
و نتكلم
كلام ف الحب مش اكتر
لكن الحب شىء اكبر
لا هو حكايه و روايه
و لا دمعه و ضحكايه
ده هو الاصل و الغايه
تكون انسان
و جوه جوه احساسك
تكون ونسان
و لو وحدك
و لوكل البشر جاحدك
هناك 4 تعليقات:
الكلام في الحب عايز مجلدات
لما يحكي عنه المشتاق يقول كلام
و المخدوع يقول كلام
الزاهد يقول كلام
و اللعوب يقول كلام
و تبقى كلماتك
من أحلى الكلام
و يبقى اطلالتك وجه جديد
و قلم بيقول انه مش جديد
و بيكتب من بعيد
فكر و عمق ,,, و احساس
نورت المدونه بتشريفك
والله نفسى اعلق على كل قصيده هنا على حده
بجد كل قصيده تستحق التقدير
goood jop
أ وائل
و يكفى فخرا لكل قصيده انك نويت ان تعلق على احداها لتزهو و ازهو معها
thanks
إرسال تعليق