و طاوعينى
اذا حلمك
فرد كفه
و قال ...
فسر
خط القلب متكسر
فوقعت ..
دمعتين من قلبى ...
على تفسيره
فاتأثر
باحساسى
و شديت ضلع كان محنى
و رممته
و لونته
و فسرته
على وهمى
فـ سامحينى
عشان كدابه تفاسيرى
و عشمتك
لكن قلبك ..
برغم الوهم ...
فسرنى
اذا حلمك
فرد كفه
و قال ...
فسر
خط القلب متكسر
فوقعت ..
دمعتين من قلبى ...
على تفسيره
فاتأثر
باحساسى
و شديت ضلع كان محنى
و رممته
و لونته
و فسرته
على وهمى
فـ سامحينى
عشان كدابه تفاسيرى
و عشمتك
لكن قلبك ..
برغم الوهم ...
فسرنى
هناك 6 تعليقات:
وطاوعتك ..
وما اتفسرش ,,,
وجع حلمى ..
و اتبعتر خطاوى تدوب
فى تنهيدة
حنين حاير
ما بين القلب و الننى
و كان نفسى اكون التوب
و اكون خيطه
واكون رسمه
و تخطيطه
ومش بالحلم صدقنى
ولا بكلمة ترممنى
سهر
المشكلة انى لما بدخل هنامش بعرف اخرج
وكل مرة بكتشف عجينة تانيه للغة العامية واستخدام تانى اكثر من رائع ومتفرد بجدد فى كمل شئ
دام قلمك المتفرد دائما
الله
الله
الله
روعة
و ابداع
ربنا يزيدك
و يفتح عليكى كمان و كمان
يا سهر
مش بالحلم و لا اكتر
هترسم وهم على يومى
شخابيطك على حيطان الهوا وقعت
و حلم و بالغلط واقف على رمشى
فبربشته .. سقط تانى
فما تقلشى على جفنى
ولا جرجرنى للنومه
انا صاحى .. ما بحلمشى
تامر
لانك مبدع حقيقى و بعيد تمام البعد عن الادعاء فانا بعتز برايك جدا
و بعتز بيه اكتر و اكتر لانى عارفه انك ابعد ما يكون عن المجامله و التكلف
لك منى كل الود و الاحترام
استاذ عبد المجيد
لقلمك رونقه و شخصيته
و لفكرك احترامه
و لتشريفك فرحه و اعتزاز
اشكرك من قلبى
إرسال تعليق