و انا طالعه السلم
خبيت احساسى ف اول دور
و لان الدور الاول
دايما مكشوف
وقع المحظور
ف المره التانيه
انا قلت ما اخاف
و البسه متشاف
ما الصدق تملى دا زين مش شين
و ما حدش صدق انى صحيح /من غير وشين
ف المره التالته
انا كنت عرفت ازاى اخفيه
و اذا طمعت فيه
كام عين بحميه
لكن
و انا طالعه ف دورى عرفت
انه وقع منى ف ايد بتقييد
و اتقيد جوه حبال فلتان
لكنى عرفت افك الخيط
و اكمل برضو طريقى طلوع
و انا لما وصلت
عرفت
انه ده كان ضاع
و اللى انا ماسكاه ف جيوبى
خداع
و لقيت ورقه ف الجيب بتقول
انا اسفه/ الاحساس ضاع منك /من اول دور
خبيت احساسى ف اول دور
و لان الدور الاول
دايما مكشوف
وقع المحظور
ف المره التانيه
انا قلت ما اخاف
و البسه متشاف
ما الصدق تملى دا زين مش شين
و ما حدش صدق انى صحيح /من غير وشين
ف المره التالته
انا كنت عرفت ازاى اخفيه
و اذا طمعت فيه
كام عين بحميه
لكن
و انا طالعه ف دورى عرفت
انه وقع منى ف ايد بتقييد
و اتقيد جوه حبال فلتان
لكنى عرفت افك الخيط
و اكمل برضو طريقى طلوع
و انا لما وصلت
عرفت
انه ده كان ضاع
و اللى انا ماسكاه ف جيوبى
خداع
و لقيت ورقه ف الجيب بتقول
انا اسفه/ الاحساس ضاع منك /من اول دور
هناك 27 تعليقًا:
ياااه ياسهر
كنتى فين
اقتقدناكِ جدا
==
جميلة كلماتك كالعادة:)
وما الحب إلا للحبيب الأول
سهر
وحشتنى أوى كلماتك القويه
مش مهم ان نفقد السر او الخيط او حتى التشجيع المهم اننا نفضل على الطريق واول السلم دا معناه اننا اكيد هنلاقى العوض اللى هنكمل بيه
واذا كنا وصلنا بدون اى شئ منهم
عادى نرجع تانى ونعيد من الاول
انا احب اطلع السلم بس ما افضلش عليه
يا فوقه يا اوله
دمتى طيبه
و لقيت ورقه ف
الجيب بتقول
انا اسفه
الاحساس ضاع منك
من اول دور
وليه سيبتيه لما ضاع ؟ ليه ما مسكتيش فيه بايدك وسنانك ؟ حد لاقى ؟!!
عمرنا ما بنتعلم اننا لما نلاقى احساس صادق نتمسك بيه عشان ما يضيعش ومش بنحس بقيمة الاحساس ده طول ما هو موجود بيوجعنا اوى بقى لما يبقى ذكرى تفكرنا اننا كنا فى يوم من الايام بنحس ...
كنت عارف ان بعد الغيبة هتكتبى حاجة بالمستوى ده عشان كدة مش هاقولك رائعة يا سهر .. كالعادة
حمد الله ع السلامه يا سهر
فينك
بجد ليكى وحشه
مش تغيبى تانى
بجد وحشتنى كلماتك اوى اوى
جميل البوست اوى
حمد الله ع السلامه يا سهر
فينك
بجد ليكى وحشه
مش تغيبى تانى
بجد وحشتنى كلماتك اوى اوى
جميل البوست اوى
و فى أول دور
مانا ممكن لماأخبيه
تقلان الحمل..عليه بأرميه
و أضغط ع الباب
ببقايا وريدى و الشرايين
و لا عارفة أنا بأهرب منه
و لا اليه !
فالدم يسيل ...
و يشوه صورته و يغطيه
فى التانى/أنا سبت الدور الاول
و فـ بير السلم أنا جاية أبص
متشوه !!
متشوه راح تفضل صورته
و القلب ما قادر يشفيه !
................
تسلم ايدك يا سهر ..
بجد فى منتهى الجمال ..
أنا لقيتنى عاوزة أرد بأى حاجة على الجمال ده .. طبعا مش فى المستوى ..
بس كتعبير عن اعجابى بكتابتك (:
موناليزا
انتى كمان وحشانى و سامحينى على التاخير
المراره و سنينها
وحشتينى
بستان الرقه بسنت
يا رب دايما ف طلوع
بحب اوى مرورك و تعليقك و وجهة نظرك اللى دايما بتشيل بعد تانى بيعجبنى
اسفه على التاخير
هانى زينهم
وليه سيبتيه لما ضاع ؟ ليه ما مسكتيش فيه بايدك وسنانك ؟ حد لاقى ؟!
طبعا السؤال ده لنفسك صح ؟
بستنى ردك دايما و انت عارف كده عشان ده صك الاجاده و ان الاحساس واصل للقلوب
ريمان
انتى كمان وحشتينى جدا
ناس قليله بتعدى و تسيب تعليق بقلبهم انتى منهم
اعذرينى ع التاخير
هانوو
ابداعك امتعنى بجد
سعيده بجد بمرورك ده
مش عارفه اقولك ايه
بجد ميرسى على تفاعلك الجميل ده
كل ماجى أمسك طرف الخيط
يفلت منى ممش عارف هو عيب
فى الخيط
والا ده عيب منى
جميله ياسهر
تحياتى
والله العظيم يا سهر تسلم ايدك وقلمك وفكرك بجد والله ابداع مش عارف اقولك ايه يخرب عقلك كلها تحفة والله بفرح لما اشوف بنت بتبدع بالشكل دا وتكسر جمود العادات والتقاليد اللى بتقول ان ممنوع البنت تقول اى حاجة عن احاسيسها او حتى تقرا الشعر لكنك بجد مشعارف اقولك ايه تانى سلام مؤقت
مش ممكن طبعا يكون ضاع والا ما كناش استمتعنا بالشغل الجميل ده
حلوه يا سهر وجديده وفيها ريحتك المميزة زى كل شغلك
معلش التعليق متأخر بس الشهر اللى فات ده بيكون دايما اكتر اوقات السنة هو وشهر يوليو اللى بتشغل جدا فيهم
حلوة اوى الفكره دى
كمان تعبيرك عن فكرتك بقوه
وبطريقه لا مباشره بالشكل ده خلى البوست ممتع ومشوق اوى
كلماتك رائعه واسلوبك هايل
فنانه بجد
انتوا بتعملوا الحجات دى ازاى؟
تحياتى
أختنا سهر حياكي الله
كلمات جميله وخاطره رقيقه
والإحساس اللي ضاع في الدور الأول ممكن تداركه بأن نتحامل على انفسنا قليلا ونعود لجلبه والصعود به من جديد
فلا مكان لليأس في قلب عامر بالرضا بما قدر الله
وياريت نراكي قريبا هنا وتطمنينا عليكي
دمتي برعاية الله
ابو احمد الوالد العزيز
اكيد العيب فيا و ف الخيط
تعالى كده نتخيل الحياه زى سلم بنطلعه
و ليه سلم مش طريق عشان اما يكون عندك رغبه عنيده انك تتغلب على اى صعاب و تطلع لفوق مش بس تمشى ف خط مستقيم
و الادوار مواقف ف الحياه
يا رب اكون عرفت اصلح الخيط
هانى سعيد الشاعر المقصر فى حق مدونته و حقنا بالتبعيه
انا اللى بجد بفرح بتعليقك
و مرورك العزيز على قلبى و العزيز فى خطوته
انا كمان مقصره عارفه بس هحاول تانى ما اقصرش
يسلم مرورك
ممكن
بنعمل الحاجات دى زى ما بتعمل ابداعك
زى ما ربك بيلهم
و تيجى معانا كده و حد طيب يشجعنا
ميرسى لمرورك و مجاملتك
الشاعر الساحر سمير مصباح
اما بتقول كده بفرح اوى عشان شاعر بقيمتك تعليقه بيكون بقيمته
ميرسى لمرور اسعدنى
و انا اللى اسفه ع التاخير
احمد
اسعدتنى بقرائتك و تعليقك
لكن اخى ليس كل ما يقع نستطيع تداركه
و كلما مر العمر نجد علامات لمن مروا بحياتنا على جدران الذاكرة لا تمحوها السنون
مره تانيه و مليون اسعد بمرورك و تعليقك جدا
سهر
يا خبر ابيض على الاتهام دا
بس بصراحة انتى عندك حق وانا فعلا مقصر كتير يمكن فعلا مش بنزل بوستات زى الاول بس ان شاء الله عن قريب كل شىء هيرجع لاصله
وبالفعل انتى كمان مقصرة (واللى بيته من بلور لا يرمى هاالناس بالطوب) ههههههههه
والله انتى كمان مدونتك عزيزة جدا عليا وانتى عارفة بس الدنيا والحياة بيشغلو الناس عن حاجات كتير المفروض تتعمل
عايز اقولك كمان انى صحيح مش بكتب كتير لكن والله بتابع مدونتك واشوف اعمالك دايما من وقت للتانى لانى بحب اسلوبك وبقيت من مريدينك ومريدين الاسلوب اللى بتكتبى بيه بامانه لانه (مش هينفع اوصف لانك عارفه كل اللى هقوله)
وفى الختام شكرا ليكى بجد واشوفك على خير
هانى سعيد
انا اعترفت قبلك بتقصيرى
و مريدينى دى كلمه كبيره
على راى منير
خدينى فى طيف طيفك
انا اللى اقولهالك
لو حبيت اقولك عن سعادتى بمرورك و تعليقك مش هعرف
على فكره فيه ناس هنا انت منهم بحسهم اصدقائى بجد و كان بينا عشره و عمر و معرفه حقيقيه
يا رب يديمها غلينا
و انت بكل الخير
اكحيد يا سهر وربنا اللى عالم نفس اللى قولتيه انا كمان بقولهوان شاء الله يدوم الود الجميل بنا بس دا مايمنعش انى اقول رايى فيكى بصراحة فى الصالح والطالح وان كنت لسه ماشوفتش منك غير كل صالح من الاعمال الجميلة بجد واللى خلتنى زى ماقولتلك حقيقى من مريدينك ومريدى اسلوبك اللى قليل هم من يكتبون به فسلمت يداكى (مش هقول تبت يداكى زى كاظم الساهر ما قال )لا حقيقى انتى حد (احكمى على نفسك)
واكيد هشوفك على خير ان شاء الله
سلام
عارفه مش قادره اوصفلك قد ايه تميزتى فى التشبيهات بكلمات جميله بس عارفه لو حاولتى تظبطى الابيات كويس قوى وميكونش فى سقوط بين النغمات هتبقى بجد لا يعلى عليكى
انا اسفه لو هيضايقك التعليق شوية بس بجد حبيت كتير البوست
بتمنالك التوفيق
وخالص تحياتى
هانى
دايما بتشجعنى بشكل صعب وصفه
ويا رب يديم بينا المعروف
نور
يا غاليه
ردك و تعليقك اسعدنى
اكتر من اى حاجه بجد
لان الراى لازم يبقى راى بجد مش مجامله و بس
و اللى انتى قولتيه صح
ما فيهاش مزيكا واضحه
هى اشبه بالسرد
او محتاجه تسمعيها فتحسى بوقفاتها
هى مختلفه شويه عن باقى كتاباتى
يمكن عشان بعد توقف
و القدره على احكام المزيكا بتفلت ادام الرغبه ف الفكره
مليون ميرسى ليكى و مش كفايه
إرسال تعليق