دقت خــُــطايا البــاب
يا هلترى تسمح
يا هلترى تفتح
للعاشق اللى هواه ..
كان سر تعذيبه
يا هلترى تسيبه !!!!
يا هلترى لما ...
دقت خَــطَــــــــايا الباب
و قفلت ابوابى ..
ما واربتهاش لما ...
كان الطوفان محتوم
يا هلترى مجنون ..
انا كنت يوم / ولا ..
انا كنت ليك عاشق
يا هلترى لما ..
وسوسلى بالملكوت
وشوشته بالجبروت
خوفنى / خوفته
و انا بصحيح خايف
غلبته بالخدعه ..
ولا دا شاف خوفى
نشن على ضعفى ..
ف محاولته الجايه
ولَّا و انا جايه ..
وقعت درع امان
يا هلترى ندمان ..
على بر احزانى
كام موجه يوم ندهت
و غرتنى بالضحكه
و الضحكه زى الروح
يخطفها موتها / تروح
يا هلترى يا امان ..
لابس لى توب خدعه
ولا بصحيح بدعه
و الاصل لمخاطر
و الله / اشتريت خاطر
و حاولت ف الماضى
و وقعت ف الحاضر
و اما استعنت / لقيت
ف الذهن مش حاضر
الا حروف اسمك
ا لـــ لـــــ ــــه
( الله ) عليه خاطر
الاشتراك في:
تعليقات الرسالة (Atom)
آخر طقس
ذات صباح لن يُغْفِلَ استيقاظك.. أنت على موعد مع .. الحياة لم تنبئني العرافة به.. لم تفصح عنه فناجين القهوة حدسٌ هو.. لم تتمكن سن...
-
و بروض وحوش قادره .. تخلينى الملك .. و انا.. لو مُلكى .. كان غابه ما يلزمنيش فبتغابى و بتذاكى و باشاره اسكن كل ......فــ مغاره منيش حاوى لك... -
يا راسم ع الورق صوتى و سامع فكرى م الاول و شايل م الالم و الاه و متشكل بالف حياه منيش مستغنى عن صوتك فلا تفارق ولا تاخد ملامحى معاك انصبلى ... -
نسيم البحر بيراودنى عن ذكرى و انا ما ليها ... بستسلم فـ بيحاول كمان مره و بيغالب و انا الغالب بعاند كل يوم ضعفى صحيح ليه الذكرى يوم ما تموت ...
هناك 23 تعليقًا:
وعملتيها كدة من غير ما تقوليلى ماشى ماشى ماشى
انا رديت عليكى عندى وماتخيلتش انك هقول ايه بس لتقرى افكارى حضرتك ولا ايه؟؟؟؟؟؟؟؟؟؟؟؟؟؟؟؟؟
بجد والله هايله وفى حاجة بجد جميلة يمكن اول مرة اقراها ليكى بالشكل دا بالنسبة للاسلوب اللى يشبه السلسلة كله محطة للجاى بعده واكتر حاجة عجبتنى كمان لما قولتى
خوفنى / خوفته
و انا بصحيح خايف
غلبته بالخدعه ..
ولا دا شاف خوفى
نشن على ضعفى ..
ف محاولته الجايه
ولَّا و انا جايه ..
وقعت درع امان
الله الله الله يخرب بيت عقلك بجد تحفة شوفتى اللى قصده ايه كام مليون معنى ممكن يتاخد هنا بالله عليكى انا كنت لسه من شاوية عايز اقولك نفسى اشوفك باسلوب تانى وادى انتى ظهرتى فعلا قبل ما اطلب منك باسلوب مغاير عن اسلوب سهر اللى كلنا عارفينه بجد برافو عليكى
وكمان المعنى هنا ممكن يتاخد انه روحانى او دينى وممكن يتاخد حاله عشق من نوع خاص شوية لكننننننننننننننننن
انا نفسى اشوفلك بجد حاجة رومانتيك ماتكونش متغمسة بالوجودية او فيها اى ميول لاى حاجة تانية الا الرومانتيك والرومانسية فقط حب وشحططة وبهدله ودموع ووجع قلب من دا ههههههههزى ما حد كتبلى قبل كدة وقالى فامتى هشوف دا منك؟
عن قريب اكيد باذن الله اوك؟
وسلام مؤقت
هانى
وبجد
الله عليها كلمات
جميلة يا سهر وتؤكد على قدرتك على التعبير عن المعقد بالبسيط
تحياتى
الله عليكى ما شاء الله بجد جميله
اللــــــــــــــه
بجد جميلة ومتميزة واجمل حاجة فيها انها بتشدك للاخر فى اسلوبها وكلامها الجميل والجديد . عارفة اللى عايز يتغير بجد طريقتى فى التعبير عن شعرك ده . عايز اغير " تحفة وجامدة وجديدة " والكلام ده بس برضه مش لاقى غيره !!
جميلة يا سهر وحاجة تستاهل الغيبة بصحيح .
على جنب :
متشكر جدا يا سهر لسؤالك عليا ويا رب تفضلى دايما أخت غالية وعزيزة علينا كلنا كدة .
هانى سعيد
الصديق اللى بجد من غير ما اشوفه و لا اكلمه بس بجد بجد صديق
و الناقد اللى بيعرف يحط ايده ع النقطه اللى عاوز يقولها و يقولها بطريقه محببه جدا
طبعا ميرسى على كل الكلام الحلو الكتير ده
بس حب و بهدله و كده !!!!!!!!!!
ممممممممممممممممممممممم
ما ليش ف طقس النوح
كمان على فكره انا مش وجوديه بالمره و لا بكتب شعر وجودى ... ربنا يسامحك
ميرسى على متابعتك اللى بجد بتسعدنى
و تعليقك اللى بستناه
blue wave
ميرسى لمجاملتك الرقيقه
نورتنى
استاذى سمير مصباح
بستنى تعليقك
بيدينى ثقه ف العمل جدا
ما اتحرمش من مرورك ابدا
نوووووووووووور
واحشنى تعليقك جدا
و وجودك ف الصفحه بشكل عام
و واحشنى جدا اقرالك
انا مقصره عارفه و الله بس غصب عنى
هانى زينهم
الاخ اللى بجد و الصديق اللى بجد الجد
و لو انى زعلانه منه
و مش على جنب و على الملا
العزله مش حل
و الدنيا من غير ناس ما تنداس
لو ليك اخوات و اصحاب بجد هنا
و مصدق اننا مش شخصيات افتراضيه
يبقى لازم تعاود نشاطك بينهم
مش هقولك ميرسى الا يعد ما تنفذ طلبى
السلام عليكم
ازيك يا سهر
وحشانى جداااااا
اخبارك ايه
فينك كل ده؟
الكلمات جميله كالعاده
تسلم اديكى يا جميل
ريمان
انتى اللى وحشانى
معلش ما تزعليش منى
انا مقصره ف حقكم و حقى بس غصب عنى
احلى حاجه كالعاده هى مرورك
يااااااااااه
مش يا هلتري
مش عارفه اقولك ايه
بس كان وحشنى اقرا "شعر"
وحصل
:))
بصراحه
إبداااااااااااااع
تسلم إيدك
الله عليك خاطر بيزور جميع الناس.
ولاحدكان فاكر انه قمر وناس
بيلمحه الشاطر ويفجر الاحساس
بس انتى م الآخر أرق م الألماس
واللى لمح شاطر واللى شطح ينداس
و الضحكه زى الروح
يخطفها موتها / تروح
حلوه قوى
تحياتى لابنتى العزيزه
سهـــــــــــــر ..................
الله الله على النغم والموسيقى اللى سمعتها
وأنا أقرأ شعرك العامى الرائع معلش دخلت شمال برغم من تواجدى عنك لأول مرة
فأنا شاعر أحس وأشعر بالكلمات وهى هوايتى وحبى وشكرا لك .farouksam.blogspot.com(عصفورالجنة)
ساره
انتى كلك وحشتينى
و لسه
واحد من الناس
ربنا يكرمك
ملوين ميرسى
shurook2000
زياره اولى ليا هنا سعدت بيها
و سعدت بالشعر الجميل اللى كتبته او كتبتيه
اشكرك
والدى العزيز ابو احمد
دايما عندك ملكة القراءه
و بتعرف تختار الجزء الصح جدا
اشكرك على متابعتك و قرايتك الواعيه جدا
فاروق ابن النيل
منورنى ف اول مرور ليك
و ف اول تعليق ما دخلش شمال
خرج م القلب و بتلقائيه جميله
اشكرك من قلبى على تعليقك اللى اسعدنى جدا
إرسال تعليق