بين الحلم و بين الجنه .. سكة كوبرى الوهم يعدى
دبة خطو ركوبته تشوفه .. فتعلن خوفه
و هو يغمض عينه و عقله .. و يتبع خطوة مجنون قلبه .. يستفتيه لو مين افتوه
و رغم الجدل الطايح ..رايح .. يقفل على شبابيكها دماغه
لبى نداها ... النداهه .. و سرحت بيه
---------------
ضى النجم ف ليل يتنفس
نسمة صيف
خطوة ضيه تغالب خجله
و شوقه لوش البحر يجيبه
يفتح قلبه .. يسلم ليه
يرمى بكل العشق عليه
يلقى ف وش البحر مرايته
تمر سحابه ما بينهم يلعن
كل مسافه ليه تلغيه
تحجب وش البحر و صورته
تلغى ملامحه من اراضيه
حلم النجم الحلم الممكن
لو مش ممكن
مش ممكن يحلم بعديه
انه يقرب خطوته يمكن
يفرح اكتر لو يلاقيه
صورته ف وش البحر هتوضح
يبقى ف حضن البحر و ليه
عدا سنين الضى الغامق
ساب العرش و عارف انه
مش راجع يضوى ف لياليه
قرب اكتر
شاف البحر بيكبر اكتر
و ملامحه بتتفرق
لكن
صورته ف وش البحر اهيه
قرب اكتر
غرق النجم ف قلب مرايته
و وش البحر ما حسش بيه
دبة خطو ركوبته تشوفه .. فتعلن خوفه
و هو يغمض عينه و عقله .. و يتبع خطوة مجنون قلبه .. يستفتيه لو مين افتوه
و رغم الجدل الطايح ..رايح .. يقفل على شبابيكها دماغه
لبى نداها ... النداهه .. و سرحت بيه
---------------
ضى النجم ف ليل يتنفس
نسمة صيف
خطوة ضيه تغالب خجله
و شوقه لوش البحر يجيبه
يفتح قلبه .. يسلم ليه
يرمى بكل العشق عليه
يلقى ف وش البحر مرايته
تمر سحابه ما بينهم يلعن
كل مسافه ليه تلغيه
تحجب وش البحر و صورته
تلغى ملامحه من اراضيه
حلم النجم الحلم الممكن
لو مش ممكن
مش ممكن يحلم بعديه
انه يقرب خطوته يمكن
يفرح اكتر لو يلاقيه
صورته ف وش البحر هتوضح
يبقى ف حضن البحر و ليه
عدا سنين الضى الغامق
ساب العرش و عارف انه
مش راجع يضوى ف لياليه
قرب اكتر
شاف البحر بيكبر اكتر
و ملامحه بتتفرق
لكن
صورته ف وش البحر اهيه
قرب اكتر
غرق النجم ف قلب مرايته
و وش البحر ما حسش بيه
هناك 10 تعليقات:
بقولك ايه يا سهر
ما تقريش اللى هكتبه
***
هو الحلم لساه ف مكانه و الوهم كمان؟
ولسه الكوبرى ولا من زمان جدا صبح آيل لسقوط محتوم بين غايب وغايب .؟؟؟
****
بحر و بيقولوا عليه غدار .. بس بجد النجم ....ليه يختار ومين مش مجبور انه يسلم
متعبى كاس العمر مرار ..
وشه بيوضح ؟؟
طب معلش
مهو لو مش انا انا و لو المكتوب ماكانش مكتوب ماكنتش اقول وازيف البسمة بشوية غش
مش قلت لك ما تقريش؟؟؟
مدونتك جميلة جدا
وبجد سعدت بمرورى عليها
واتمنى انك تنورينى
تقبلى تحياتى
اسير الجراح
نوع من الكتابات الجميله والشيقه
لكي التحية
مش انا قولتلك و لا كانى كتبت و لا كانك قريتى
طيب و لا كانى قريت بس هرد
اه تصدقى لسه الحلم ف مكانه و الجنه ف مكانها بس المشكله اننا بناخد سكة كوبرى الوهم
النجم اختار او قال لنفسه انه اللى بيختار و راح
بس تفتكرى النجم ما كانش عارف انه رايح عن طريق كوبرى الوهم و انه مش هيوصله للجنه ؟؟ تقتكرى اتفاجأ؟؟
ما هو لو انتى مش انتى مكنتيش كتبتى اللى كتبتيه و لا قريتى بعين قلبك
و لو مش المكتوب مكتوب ما كنتش قريت
و على كل حال و لا كانى قريت و لا كانك كتبتى
بس نورتى
بوست جميل
من قلم جميل
برغم تشائمية الموضوع
لكن لا يمنع حرفية كتابة النص
ستنا
روعة بجد
ربنا يسعدك يارب
دائما اشعر فى مدونتك
بشعور ممزوج بين الانتخة او الصفاء النفسى
ودائما ارى بين الكلمات رغم تشاؤمها امل
اسير الجراح
اشكرك على مرورك و رايك الذى اسعدنى
تحياتى و تقديرى
محمد المصرى
اشكرك من قلبى
تقديرى و احترامى
استاذى جابر المصرى
الحياه فيها و فيها و يظهر اجمل ما فينا فى احزاننا
سيدى لمرورك رونق خاص
اشكرك من قلبى
و لو انى مش عارفه ايه شعور الانتخه
لكن الصفاء النفسى ده جميل
و جميل ان ترى الامل بين التشائم
و الاجمل هو مرورك الكريم
تقديرى و احترامى
إرسال تعليق