فلسفة الشاى البارد
-----------
دايما بنسى ف الماج شوية شاى ..
فما اشربشى و اقول بارد
عشان ما اشربش لكيعانى و لا الكوبايه تكون فاضيه
-------------------------
الفن التشكيلى .. عفوا التشكيكى
------------------
ده رايى ف القضيه... لانه بيشككنا ف نفسنا
من جوه جوه الشخبطه يقراها واحد انها احساس و خوف
و واحد يقول ان كان فيه بحر لكنه جف
تبتدى تحس ان مخك انت خف
و تشك حتى ف رؤيتك ...
او تعدى فوق كل ده و تبتدى تشوف انت حاجه تانيه خالص خارجه من بين شخبطه
بخرف ؟ يمكن جايز .. و غيرك هيقول عبقريه و فلسفه
و انا هتعدل ف قعدتى و احط رجل ع التانيه و ارسم على وشى انى مصدقه ..
لكنى من جوايا هقولك عندك حق لكنى بحب تخاريفى و تشكيكى حتى فى نفسى ..........
و العفو لكل الفنانيين
----------------------------
عربده
----
من حق كل انسان انه يوم يكون نفسه حتى لو كان عربده
و العفو لكل الملتزمين و متصيدى الاخطاء
ممكن تكون اخر حدود العربده شوية شعر.... شوية نوم ... شوية شاى ف البلكونه او اى شويه يخلوك تكون انت
فكون انت و لو يوم
هناك 4 تعليقات:
الله ينور بجد شغل جميل جدا
http://dramr.maktoobblog.com
أ عمرو
ميرسى على تشريفك و تشجيعك
تقديرى و احترامى
فلسفة الشاب البارد وبقيته في المج
وخوفنا من الكوباية تبقى فاضية
هو احاس بديهي بالنسبالك بس تتوقعي يعني ان شوية الشاي الباردين دول هما اللي هيملوا الكوباية!
...
الفن التشكيكي
فن جمسل وبموت فيه
أصلي طول عمري أحب أشوف اللي أنا عيزاه وماحبش أشوف حاجة محددة سلفا من حد غيري ..
....
العربدة
أول العربدة ان مايهمكيش من اللي بيتصيد الأخطاء
وطالما عربدتنا مابتمسش حدود الغير
يبقى كده فينا الخير ..
...
بعد فترة ابتعاد عن المدونات لأسباب وندوزية بحتة
عدت لاقيت نصوص كتير بس النص ده استفزني جدااااا إني أرد حتى لو الرد مش اد المقام
دامت روعتك ياسهر ..
لا مش هيملوا الكوبايه و لا كمان هيفضوها و لا هكون شربت لكيعانى .. مهم اوى اما نشرب منشربش للاخر
.....
كده احنا متفقين ف راينا حولين الفن التشكيكى انك مش متفقه مع راى حد فيه و هنا يبدا الشك
و انا اشك اذا انا موجود ( لا مش دبوس ... و لو انه كتير بيكون شكه افضل لانه بينبه )
.........
الرد فعلا مش اد المقام لان مقام ردك اعلى من اى مقام
بستناه فعلا و بحس انه بيشغل و بيستفز العقل المالل من فعلا سكون كل ما حوله
د اسناء
وحشنى رايك و مشاغبات عقلك
إرسال تعليق