فى مشاوير الحياه دايما
بنتلاقى
برغم زحام
وشوش
و حطام ..
بواقى الناس
بنعرفهم
من الاحساس
يبص القلب ويشاور
و يوصف فى ملامحهم
بنعرفهم
و نوصفهم
و ... بنسيبهم
و بنكمل
و من غيرهم
فى مشاوير الحياه دايما
__________________
__________________
الاشتراك في:
تعليقات الرسالة (Atom)
آخر طقس
ذات صباح لن يُغْفِلَ استيقاظك.. أنت على موعد مع .. الحياة لم تنبئني العرافة به.. لم تفصح عنه فناجين القهوة حدسٌ هو.. لم تتمكن سن...
-
و بروض وحوش قادره .. تخلينى الملك .. و انا.. لو مُلكى .. كان غابه ما يلزمنيش فبتغابى و بتذاكى و باشاره اسكن كل ......فــ مغاره منيش حاوى لك... -
يا راسم ع الورق صوتى و سامع فكرى م الاول و شايل م الالم و الاه و متشكل بالف حياه منيش مستغنى عن صوتك فلا تفارق ولا تاخد ملامحى معاك انصبلى ... -
نسيم البحر بيراودنى عن ذكرى و انا ما ليها ... بستسلم فـ بيحاول كمان مره و بيغالب و انا الغالب بعاند كل يوم ضعفى صحيح ليه الذكرى يوم ما تموت ...
هناك 4 تعليقات:
و بنكمل ..؟؟؟
و نتبهدل ..
و نتحول ... لضياع ضايع
و بواقى ركام ..
و نتقابل و ما نسلمش ..
مهو حتى الانين زايف
طالع ليه
مانيش عارف
يمكن تعود و انهزام
يمكن ده شئ
وما يتوصفش!!!
في مشاوير الحياه وقفه ..
سنين واقفه ..!
مابين كلمة . مهش فارقه
وبين كلمة ..هموت لهفه
وشوش صادقة / وشوش زايفه
تحيّرنا ..نصدّق مين !
نــآمن مين ..
وليه تايهين ..
ونسأل روحنا ليه خايفه
ترد الروح بميت رجفه ..!!!!
ــــــــــــــــ
مقدرتش أعلق هناك بكلام ..بس لما (الخرس) راح حبيت أهنيكي على الجمال اللي هنا وعلى احساس دايما بيبهرني و.......
تحياتي
هاني رمضان
ـــــــ
فى مشاوير الحياه
بزعل....
ساعات بزعل
عشان قلبى
نسى درسه
و قطع صفحه ف الكراس
و قال
من اول الاحساس
لو ان الدرس اهو حافر
تجاعيده
قلبى بينسى و يعيده
و بيسلم
ما يتعلم
فى مشاوير الحياه صدفه
تجمعنا
بناس اصفى
تكون الدنيا ف وجودهم
صحيح ادفى
و ناس ما خفى كان ادهى
كما الندهه.. لنداهه
و حلو كلامها.... و لا اشهى
و لا ابهى .. و لا احلى ...
و اخرتها تكون وحله
_____________________
الشاعر الرائع هانى رمضان
تشريفك شرف لى و للبلوج
و تواصلك و تعليقك اسعدنى للغايه
إرسال تعليق