مقدمه
نازف من جوه القلب ... لساه متمسك باخر قشة صاحب
من جوه حدود الوجع الساكن ...
من جوه حدود الوجع الساكن ...
من قلب الجرح ..
مادد ايده و متمنى شعاع الضى الساكن ف الامل المقطوع ..
هيكون ؟؟ يمكن ... جايز
--------------
من طرف التوب المتمزع تناتيش تناتيش ..
و انا خايف منى تروح ماتجيش
بترجى ف اطراف الذكرى ...
بترجى ف اطراف الذكرى ...
و بنادى عليها بعلو الصوت
و ما سمعتنيش
و بـَرُجْ ف مومياك الصامت ..
و بـَرُجْ ف مومياك الصامت ..
ساكت طب ليه ؟؟
حلفتك بالحلم الفايت من يوم فايت ..
حلفتك بالحلم الفايت من يوم فايت ..
ما تودعنيش
مع آخر انفاسى الطالعه
من قلبى النازف بيك
بناديك
و اترجى ف اصداف صحوبيه
احساسى السافر بيسافر
و بيرجع بيك
محفور على صفحات جدرانه
قلبى مكانه
لسه مكانى
جواك ولا
مخدوع انا فيك؟؟
من قلبى النازف بيك
بناديك
و اترجى ف اصداف صحوبيه
احساسى السافر بيسافر
و بيرجع بيك
محفور على صفحات جدرانه
قلبى مكانه
لسه مكانى
جواك ولا
مخدوع انا فيك؟؟
و فاجئنى بجملة اوجاعى
ما تقسمهاش
ما تقولشى بلاش
و حرام و لا ترسم وش برىء
و تسيب للوقت يقطعنى
باديك بيعنى
و ابقى النخاس
و ارسم تقاطيعك بين الناس
ف ملامح غش
و يا ريت ما تخافش
لو وقع الماسك
و انكشف الوش الجوانى
و اكدب تانى
ما تقسمهاش
ما تقولشى بلاش
و حرام و لا ترسم وش برىء
و تسيب للوقت يقطعنى
باديك بيعنى
و ابقى النخاس
و ارسم تقاطيعك بين الناس
ف ملامح غش
و يا ريت ما تخافش
لو وقع الماسك
و انكشف الوش الجوانى
و اكدب تانى
هناك 3 تعليقات:
ولو ف يوم ضعفت و ناديتك
اوعاك تفكر تلتفت..وامشى بثبات
دا هو حلم و اتكتب
ف قلب مات!!
و عديتك
و عديت فوق خيال ضعفى
و انا عمرى ما كنت ضعيف
غير لما سندت عليك
فـ وقعنى ..
بس انى....
صدقتك
---------------
سموره
و لا يحلى اى مكان من غيرك ومن غير حروفك
سيبنى ساكتة ..
هناك
و ف اخر اخر ... قسوة صوتك
انسى
تنطق اسمى المتبعتر فى خصامك
ولا ترحم دمعة
قى قلب القلب هموتها
من قبل ما تنزل قدامك
و بس...
لا هاتفهم ولا هاتحس
دور وشك ...
قال يعنى انا قادرة ابص
على برطمة الزهق الساكن
فى حروف بتمل..
و انا قلبى يكل
ما بقاش يتحمل اوجاعك
اسفة
من ضمن المحظور على قلبى
اصرخ وجعى
مهو انت الحاكم و لوحدك
و لا شايف غير حبك نفسك ...
ولا حتى من حقى اغير
مش عارف غير التكشير
طيب ساكتة
ساااااااااااااااااااااااااااكتة
خلاص!!
****
و شوية شغب على خفيف اهوو يا سهووور
إرسال تعليق