هلاهيل احساس
على عربية يد
اتفرج يا المكروب بهموم
هداك كده هد
الوجع الناهش بيصرخ
و لابعد حد
لكن بلا صوت
ما انتاش موجود؟؟
لا ده انت اهوه بين كراكيبك
ناطقين عيبك
لغتك يا جماد
بتقولى انسد
و ابطل نوحى
و مدبوحى ..
لدموعى يشد
و بكاك صامت
لكن واعى
ماشى تنادى على اوجاعى
على عربية يد
هلاهيــــــــــل احســــــــاس
__________________
__________________
هناك 3 تعليقات:
تخاريف إحساس
هذيان الصدق ف وسط زمان كداب هلاّس!!
ويا صاحبي خلاص
لما اضعف وانده ليك .. متجيش
ده كلام تخاريف
زيفك ده ربيع / وحقيقتي خريف !!
خليك ف سوّاد بتشوفه ف وهمك فجر مضئ
خليني ف أوراقي البيضا الّ سطورها حريق !!
ف زمان معكوس انت الكسبان
من روح دبلانه ازاي تروي
شئ اسمه ضمير!
كدبك شايف
وأنا صدقي ضرير
علشان جوّايا منبّت لسه ببذرة خير!
بتاخدها الريح أوقات
والجدر بتبّت فيه
فتقولّي جنون وتقولّي يا ميّت عايش ليه ؟؟
أنا صدقي ضرير
مش شايف بيه
علشان بضعف .. والبس وشك
فبموت أكتر
والناس تتضحك !!
معرفش أقلّد موت قلبك /
فارجع خيبان .
مجروح تاني
بنزف بحروف كلمة إنسان
فبتنزل على ورقي ويكتب لونها البهتان
كام كلمة لو يقروها الناس
تصرخ على طول ..
تخاريف إحسااااااس
ــــــــــــ
هاني رمضان
ـــــــ
و حاولت كتير
اكون انت
اكون زيـَّك
لكن ولا كنت غير نفسى
و لو ترسى ..
انى ما اكون
و تهون ..
استاذ هانى رمضان
و تشريفك روعه لان حروفك مميزه و بتجرجر الحروف
إرسال تعليق