قهوتى الصباحيه

مع اللحظة الأولى لفنجان قهوتى الصباحيه

تأتينى بعبق الصحو

تمد الخطو على حذرٍ

إلى عتبات ذاكرتى

توقظ بعض من أحاسيسى الغافله

مع الرشفة الاولى

تستيقظ نبضاتى

على نسمات اول الصبح

يداعب وجناتها على خجل

و مع الرشفة الثانية

تتفتح براعم زهرات وجدانية الالوان

تزهو بانها اول نبت النبض

و مع الرشفة التى لا ادرى كم

نغوص مع حبات القهوه

و نذوب

و نرتسم على جدران الفنجان

صورة جدارية

تحمل قصة ذوبان

و الرشفة الاخيره

تليها قطرات الماء

تعلن انه قد حان موعد استيقاظ الحلم

نترك الفنجان و نغدو

و يتشبث بنا بعض ذكرى

و بعض حنين

فهل للاشواق عوده ؟؟؟

على مرفأ الحب المقدس
انتظر
عل امواجى الحيارى تهتدى
يوما لشاطىء
ارتجف
و الطقس يعلن بالغيام
اقتراب فصل شتاء الفؤاد
اعترف
انه كلما داعب خصلات شعرى
رياح تنذر عن شتاء
ارتجف
فالدفء قد ارتدى عباءته و ارتحل
و ربيعك قد لملم اوراقه و رحل
و ابقى وحيده انتظر
تصاحبنى بعض من نفحات عطر
قد بقت مرسومة على اوراق قصائدك
و الف حنين يركب الامواج اليك
و يرتعد ان يعود بلا ربيع اشواقك
و كل صباح ارتدى اجمل الاحاسيس
و ازين خصلات شعرى بذاكرتى
و انتظرفهل للاشواق عوده

فى هــذا الليــــــــــــــــل

فى هذا الليل ....

يترائى بدر محجوب...قد اثر ان يتوارى ..

يلملم بعض سناه من الطرقات

يقسم

ان شعاع الضوء المنفلت من بين يديه

بمحض القوه

و الزهر الدائر خلف النور يفور

حين يلامس طرف الضوء لوجناته

البدر الغاضب يحكم قبضته

و الزهر يطأطأ رأسه فى خيبه

ينبعث رحيق من ذكراه

يناجى شعاع الضوء الغائب ان يرجع

ســـــاقـط من الايـــــــــام

يا حلمى

يا اللى متشعلق على سطرين

و مستنيه يتحقق على فجرين

فجر و لسه حيشقشق

ما تعرف امتى ولا منين

و فجر و كان

بنتغنى ف حكاوى زمان

عن الفارس

و عن ضله اللى كان حارس

و ان النبت متأصل

و اتحسر

يصاحب قمرى كرباجه

ويجلد ضهر لياليه

و يسكن ليلى ف همومه

و يبكى البدر ف نجومه

فتتساقط

و اروح ساقط

من الايام

و اموت عايش

على الهامش

لا اكون انسان

و لا بيكون لى يوم عنوان

و لو ايامى تكتبنى

تشد الخط من تحتى

ما يرفعنى

اكون مكسوف

و تقلى خوف

اروح واقع

لتانى سطر

وقوع بيجيب وقوع تانى

و تبقى صفحتى فاضيه

تيجى القاضيه

فيكتب الزمن انى

هنا عديت

و اكمنى

خفيف جدا كما النسمه

فقدمى ما سابش و لا بصمه

دقـــــــات الســـــاعـــه

دقات الساعة تشير نحو غيابك
غير المتعمد
هذا ما اعيد على مسامع قلبى
اسكب بعض من ذكراك فوق جمر انتظار

بعض اللهيب يغفو تحت سطح مجهول

*****************

يسترك الغياب باسداله
تمتد يداى لترفع البعض
لا استطيع
انسج بعض من الاطياف تحجبنى
تستدرجنى المتاهه
المسافات اليك و عنك تتساوى

اغيب ..

تغيب ...

لا ادرى

***************

نبض كطفل يحبو
يمد الكف ليرشدنى
اتبعه لحلمى
سهل اخضر مترامى
على اطرافه السماء تغفو
لونان يلتقيان
من قال انه استحال اللقاء

تحدثنى اسراب المساء
ان الغائب قد يعود
و قع اقدامه هناك
من قال ان الصدف يوم ذاب فى ماء

********************

هناك فى الاعالى
فوق الشامخات
تهمس فى اذان الورد النسمات
و يطبع الندى قبلة على جبينه
فيزهر خجلا
يسر الزهر بكلمات
يحملها نسيم الاصباح
يلتقى كروان يحدثه
يطلقها مع تسبيحات

الفجر الغائب آت

سد الاغتراب

الابتسام
اهو من زمان
مسجون ورا بوابة الهموم
و الفرح متعلق كمان
على طرف شماعة الغيوم
و الامان
خايف يقرب م البيبان
ايام زمان
الابيض كان مالى المكان
و البرد كان كاسى الحيطان
لكن الدفا
كان نبض روح
داوى الجروح
قـَرَبْ يروح

قـُـرْب المكان
كإنه سور
عالى و جسور
رافض يعيش
لحظة سلام
لين الكلام
و التحدى
و الغرور
واقف هناك
واخد تمام
و مستعد
بكل شوق
يكسر خطاوى اللى اتحلم
و يقوله اصحى
بص .. فـُوق
آخرك هنا مكانك عدم
والامل واقع كمان
واخد معاه
طوق الامان
يصرخ ينادى
بعلو صوت
نقفل ودانا و القلوب
و نتلفت
نلقى الامانى اتفتت
و اتجددت
صورة طريق
مليان ضباب
و وسطه خوف
و اوله توهة الحروف
و اخره سد الاغتراب

لســــــاك ؟

لساك؟

لساك مشبوك مع طرف الماضى

لساك بتهاتى

و الخط الفاصل بين انت و انت بيكبر

و انت

بتفسر حلمك تباريح

و ف اخر التفسير بتصيح

بصوت مكتوم

و النور معدوم

و العتمه فردت ديل توبها المنقوش بهموم

قناديل القلب المطفيه

بتشب تدور ف الموجود

على سرسوب نور

و اليوم بيدور و يعيد نفسه

لكن مسروق منه الالوان

اصل التكرار اسود فى اسود

*********

لساك موجوع ؟

لساك بتغير ف الموضوع ؟

و بتخلط المك و يـَّا قرار تشربه ع الريق

و بتسند وجعك على عكاز رافضك يا رفيق

و بتكتب على قلبك اقرار رافض يا رجوع

و فاكر حيكون سهل الموضوع

طب وطى صريخ المك لجل اما يكون صوتك مسموع

و بلاش تتخبى ف ضيقة العين و بحركة حاجبك المرفوع

اصل انا يا صديقى بمـُر قرارك مش مخدوع