شيل سن القلم الدابح سطر / بقول
من قبل القول
كان وجع القلب هاريه / تباريح
دوامه ماليها حروف بتصيح
و تعيد القول و بشكل صريح المره دى ...
حطيت له ايدين
على سر الوجع الـ مش قادر
خد لك ساتر
الهم طوفان
و الحل ما هوش
على بعد لا خطوه و لا اتنين
دايما ف الوش سؤال بيقول ..... بعدين ؟؟
نشيد الصمت يا المتقال ..
و متكرر
و متحرر ..
من الالحان و م القافيه
و متبرر ..
بقلة عوزه الحرفين / و بالعافيه ..
بتنطق / وش بيكشر
و بيأشر ..
لدمعه تطاوعه ف المره
و بتبشر ..
ما هيش ناويه ...
تطاوع مرته الجايه
نشيد الصمت يا الشايل كتير تفاصيل
و هم تقيل
و قلب ما عادش حمل يشيل .. اهات كامنه
و لا آمنه ..... خبايا قلب بركانه
و احزانه .. بتتشكل .. صور صامته
و براويز الالم .... انذار
لكل ما سولت نفسه .. يقول اسرار
نشيد الصمت
هناك 18 تعليقًا:
السلام عليكم
جميل جدا البوست دا
ويارب كده للامام دايما
ياريت تشرفينى فى مدونتنى
تقبلى مرورى
سهر
نفسى احضرلك ندوة
جداااااااااااااا
انتى رائعة
الله عليكي يا سهر
حلو النص
وحشتني نصوصك
:)
وبعدين يعنى يا سهوره
نشيد الهم اللى ما يتشال دا امتى هيخلص
وامتى هنسمع تانى ان بكره اللى جاى احلى
والكلام الزين
ياترى أمتى؟
كل الود
جميلة أوى ياسهر
نص حزين يا سهر
يا رب تكون روحك أكثر سعادة
رااااااااااااائعه :)
love is life
عليكم السلام و رحمة الله و بركاته
ميرسى لمرورك الاول
و اكيد هيشرفنى ازور مدونتك
ميرسى
شيماء سمير
هتصدقى لو قولتلك و انا كان نفسى احضر معرضك الاخير لكنى عرفت بيه ف اخر يوم و ما لحقتش اجى
اللقا مواعيد
اكيد هنتقابل
ربنا خلق ناس و تحفها
و جعلها مصدر إبداع و إشباع و سرور
أنتى منهم يا سهر
ربنا يزيدك
و يحميكى من عينيا
^_^
تحياتى يا فندم
و لنا كرة أخرى
سهر انتى وصفتى حالات انا نفسى بعيشها ووصفتيها بكل دقة وكل احساس وفعلا ساعات احنا بنسكت ويكون سكاتنا كلام كتيييير للى يقدر يفهمه وكمان شوفى هنا
خد لك ساتر
الهم طوفان
و الحل ما هوش
على بعد لا خطوه و لا اتنين
دايما ف الوش سؤال بيقول ..... بعدين ؟؟
تفتكرى مهما خدنا مش ساتر واحد مليون ساتر الهم هيسيبنا يا سهر بس انتى جاوبتى على السؤال بعد كدة لوحدك وقولتى ان حل المشكلة مش على بعد لا خطوة ولا اتنين ممكن يكون العمر كله بجد انتى كل مرة بتخلينى اعجب بكتاباتك وبتورينى سهر بشكل جديد مختلف عن كل مرة بشوفك فيها بجد مشعارف اقولك ايه تانى ايتها الصديقة الصدوقة الرائعة جدا تحياتى وارفعلك القبعة
سمسمتى الجميله
تسلميلى
اما بالنسبه لك فنصوصك دهشتنى كالعاده
بستان الرقه بسنت
احنا اللى هنغير النشيد
لو عندنا كام بستان رقه كده زيك يدينا امل
قولى يا رب
محمد غاليه
مبروك الكتاب
ميرسى لمرورك و سورى على التاخير
اسما عواد
اشكرك على اول زياره جميله
و لا على الدعوه
ربنا يسمع منك يا رب
واحد من الناس
الاروع مرورك عزيزى
اسلام باشا الحقودى يووووووووووه قصدى الدسوقى
خطوه عزيزه يا فندم
محسسنى اننا فى الحرب مع انى مهما كتبت يعنى مش هوصل لمستواك يا فندم
ميرسى بجد على مرورك بيسعدنى جدا
هانى سعيد
لو فيه حد هيكون السبب فى غرورى اللى مش ممكن ابدا بكل فخر هيكون انت
يا رب ما يحرمنى من اخوتك و صداقتك
و لا من مرورك اللى بجد بجد بيسعدنى
إرسال تعليق