روليت داير
و رغم الحظ
انا الزاهد
لكل قمار
و مش محتار
عشان ساكت
و مش بختار
لا قلة حيله كان صمتى
و لا كتر الكلام اصرار
هتكسرنى
ده مش ممكن
هتخسرنى
ده مش جايز ..
اكيد ممكن
و لو ممكن
ترد الباب على جرحى
متفتحشى
لطوفان موجوع
متسالشى
مين الـ بايع
و مين ضايع
و مين احساسه متفرفت
على اعتابك
ده ف عتابك
بتوجعنى
بتسمعنى
و انا ساكت
و قلبى من زمان ساجد
بيدعيلك
و كانت غلطته الاحساس
شروق شمسك معاندنى
و ضى القمره متخبى
و انا ف العتمه مش شايف
حدود قلبى
و تفاصيل السكك شارده
و نفسى ف البعاد فارده
الوجع و الاه
على الاخر
منيش فاكر
ف اخر مره ضمتنى
انا نسيتنى
ف حضنك
ولا سحرتنى
تباريح الندا ف صوتك
و رغم الحظ
انا الزاهد
لكل قمار
و مش محتار
عشان ساكت
و مش بختار
لا قلة حيله كان صمتى
و لا كتر الكلام اصرار
هتكسرنى
ده مش ممكن
هتخسرنى
ده مش جايز ..
اكيد ممكن
و لو ممكن
ترد الباب على جرحى
متفتحشى
لطوفان موجوع
متسالشى
مين الـ بايع
و مين ضايع
و مين احساسه متفرفت
على اعتابك
ده ف عتابك
بتوجعنى
بتسمعنى
و انا ساكت
و قلبى من زمان ساجد
بيدعيلك
و كانت غلطته الاحساس
شروق شمسك معاندنى
و ضى القمره متخبى
و انا ف العتمه مش شايف
حدود قلبى
و تفاصيل السكك شارده
و نفسى ف البعاد فارده
الوجع و الاه
على الاخر
منيش فاكر
ف اخر مره ضمتنى
انا نسيتنى
ف حضنك
ولا سحرتنى
تباريح الندا ف صوتك
هناك 49 تعليقًا:
اول تعليق
بعد القراءة تكون العودة
العزيزة سهر
كلمات جميلة بالفعل
لا قلة حيله كان صمتى
و لا كتر الكلام اصرار
للاسف لا يفهم الكثيرون ذلك
و كانت غلطته الاحساس
دائما ما اقول له ذلك
ولكن انى له ان يستجيب
تحياتى
نسيت اسأل
متسالشى
ولا
متسألشى
الللللللللللله
علي فكره في اغنيه برده اسمها الروليت جميله
بجد كلامك رائع ياجمل سهر
ايه الروعه دي يا سهر
بجد اسلوبك جميل اوي اوي
الكلام رغم حلاوته بس حسيت فيه بالغموض
احترت فيه
محتاج اني اقراه كتير اوي لان حساه بوجوه كتيره معاني اكتر
بجد تسلم ايدك روعه
مفيس حاجه بتجذب انتبهاي بسهوله كدا
بس كلامك له شكل تاني
تحياتي
فراشه الشتاء
نفسى اعرف بتتصاحبى على الحروف كدة ازاى ؟!
بجد يا سهرأكتر حاجة بتشد فى كلامك تركيبته حتى ان كانت معانيه بتصعب شوية او فيها رمزية شوية الا انك فى النهاية مدرسة فى تعشيق الحروف والمعانى بشكل ملفت اوى .
مش حابب اقولك الكلام اللى هو دمتى مبدعة وكدة بس حابب اقولك ان شعرك بقى متعتى فى المدونات .
جميلة اوى حسيتها كأغنية متلحنة كمان
عجبنى اوى الفقرة الاولى
بس مش فاهمة الفقرة دى
انا نسيتنى
ف حضنك
ولا سحرتنى
تباريح الندا ف صوتك
ارجو التوضيح
بالتوفيق دائما
تلعب على اخر نبضة ف قلبى ؟
هتخبى
خوفك وانت جى ملهوف
احسن ما تلاقيش ..
روحك؟
و تتغلب على كبرياء زايف
تسالنى
اخبارك .. عندى
وانا هجاوب ..
كالعادة ..
مفيش ..
اخر كارت محروق ..
زى اعصابى و انا
مستنيه تقوللى كلام متعاد
و تشاور من بعيد
وانا
-----------
-----------
ما اشوفش
بس عارف ..
براهن عليك ديما ...
و انا الكسبان
***
سهوووور
الغريبة ببقى مستنيه البوست اوى و لما ينزل ولما ينزل ما اعرفش اقول حاجة ...
الله
وهو انا اقدر اقول غير الله
رائعة كما تعودنا
لكي تقديري سيدتي
لا تعليق ...
بالفعل واخيرا وجدت وبعد بحث ...
من يكتب ...
يكتب بمعنى يكتب ... يكتب شيئا يقرأ بالفعل ..
كلماتك رائعة بكل تأكيد ..
ــــ
على طاولة القمار ..
ربحت الليلة كثيرا ...
شربت ثلاث زجاجات نبيذ فرنسية ..
وما ارتويت ..
وها أنذا أقف بمنزلي مليء الجيوب ..
مهزوما ...
ـــــــ
منقوله من احد الاصدقاء المفكرين ..
في النهاية لك خالص التقدير والاحترام
في انتظار مزيدك ... سريعا !
جميل ياسهر...لم أعد أجد من الكلمات ما أصف به روعة جمال ما ترسمين
شيماء النمر
ما شاء الله اسلوبك دايما جميل وباحس ان الكلمات بتنساب منك بسهولة وتوصل للقلب
واحساسك بالموسيقي والوزن كمان رائع
انتي فعلا موهوبة وبجد مش لاقي حاجه اقولهالك عشان توصلك اعجابي بكلامك
ربنا يوفقك ويزيدك موهبة
تحياتي
هتكسرنى
ده مش ممكن
هتخسرنى
ده مش جايز ..
اكيد ممكن
و لو ممكن
ترد الباب على جرحى
متفتحشى
لطوفان موجوع
سهر إنتى بجد كلماتك جميلة قوى
ربنا يزيدك
تحياتى
جميييييييييييييييييييلة كلماتك
انا بحب الاسلوب ده
بحسه اسلوب النقرة
يعني خطوة خطوة
جامدة الابيات
دمتي مبدعة وتقبلي مروري
مستمتع جدا وكنت بتمنى متخلصش
شكرا لكى ياإبنتى أمتعتينى
الازهرى
اسعدنى انك اول تعليق طبعا
و اسعدنى اكتر تعليقك
متسألشى هى الصح
قرائتك عميقه و تعليقك رائع
اسعدنى
اشكرك
كيارا الجميله
الاغنيه لوائل جسار و انا بحها اوى مش بس كاغنيه و لحن
لكن الكلمه اللى فيها مكتوبه بدماغ و احساس
قلتلك قبل كده ان مرورك بهجه ؟؟
بجد بيسعدنى زى ما حد يهادينى بورد تمام
لا قلة حيله كان صمتى
و لا كتر الكلام اصرار
جميلة فعلا يا سهر
وعلى فكرة انا مش مجامل
تركيباتك اللغوية والفكرية طازجة وعميقة ودى الخلطة السحرية للشعر الجميل
تحياتى
سهر الليالى
و اشتراك ف الاسم
و ف الرؤيه
و ف القرايه اللى من جوه
و لافت نظرنا غموض الكلمه
و مستنياكى تقرى تانى و تقولى شوفتى ايه
اكيد رؤيه هتعجبنى
هستناكى دايما
" منيش فاكر
ف اخر مره ضمتنى
انا نسيتنى "
الله عليكي ..صحيح القسوه والعالم المادي اللي حوالينا بيخلينا ننسي نفسنا قبل بعض ..المزيكا بتاعت الكلام
بتعبر عن اللي جوايا مع الاختلاف الوحيد
" هتكسرني ده مش ممكن "
بيني وبينك بقي ممكن .
تسلم ايدك انا قريت روليت داير كتير
"عشان ساكت ومش بختار لا قله حيله كان صمتي ولا كتر الكلام اصرار "
يارب حد يصدق او يسمع
وعاوزين نتقابل بقي ونخرج اتصرفي .
المدون الذى ادمن مدونته بالرغم من انه زملكاوى هانى زينهم
بستنى ردك لانى بحسه تلقائى و من القلب
صحيح لا يخلو من المجامله اللذيذه اللى ليها اثر الغرور على اللى يسمعها
لكن بجد بكون سعيده برايك جدا
مش عارفه اقولك اده ايه اسعدتنى
الجميله اللى كانت وحشانى جدا موناليزا
سعيده جدا بوجودك
بس على راى استاذ ليا انا بعتز برايه جدا ( اسوء ما ف الشعر تفسيره )
و المعنى دايما ف بطن الشاعر ( ان جاز قول شاعر و انا هنا اقصد شاعر بمعنى حاسس )
و الميزه ف انى ما افسرش ان كل واحد منا يقرا و يروح للمعنى اللى وصله او حسه فيكون النص عدة نصوص بالفهم
لو مصره
ابعتى لى ايميلك و انا ابعتلك التفسير
انتى غاليه عليا جدا
فى لعيبة الورق يا ما
تشوف و تشوف
ف حريفة خداع
و هواه
و محترفين
يا تشكيلة حاجات ..
و الاسم بنى آدمين
و مش قابلين
بمية روح ...
مكسب الليله
و عينهم ع اللى ..
ناقص روح
خلاص الليله هنشطب
و برتيتة وجع قلبى هلملمها
و اقول توبه
و اخر نوبه
راح اصدق
صور مرسومه بالميت
على قلوب تعلن التوبه
و شر النيه بتبيت
و تتخفى ف حزن عجوز
و كان صولد القمار ميت
و قلبه لسه بيعافر ..؟؟؟...
يجوز!!!!
*****************
سمووووووووووووووووووووووره
هو انتى كده ما عرفتيش تقولى حاجه ؟؟؟
امال لو عرفتى هتقولى ايه ؟
استاذى جابر المصرى
و هو فيه اجمل من لفظ الجلاله يتقال
مرورك بهجه
لا حرمنا الله منها
ehab
يقولون ان الكتابه فن
و انا اقول دوما ان القراءه فن اكبر لا يتسنى للكثيرين ان يفوزوا بتلك الموهبه
و اراك قد من الله عليك بها
لا حرمك الله من موهبتك و لا حرمنى من روعة تعليقك
اشكرك من قلبى
shimoooooooo
اصدقك انك لا تجدين من الجمال ما تعبرين باه
لان مرورك هو الجمال ذاته
اشكرك غاليتى
فارس بلا جواد
دى شهادة تقدير
خصوصا لما تيجى من شاعر بوزنك و روعة ادائك
بجد سعيده جدا بكلامك
اشكرك
احترامى
mohamed ghalia
شهاده غاليه جدا
اشكرك بجد
تحياتى و تقديرى
maha zein
الجمال كان فى مرورك و تعليقك
و الابيات و الاسلوب شوفته بعين تانيه بعد تعليقك
مليون ميرسى
والدى الغالى ابو احمد
و انا اتمنيت لو طولتها عشان تدوم سعادتك و يطول مرورك هنا
ربنا يخليك يا رب
يا نهار ابيض
الاستاذ الشاعر الجميل سمير مصباح بحاله ؟
الكلام اللى حضرتك كتبته ده ليا انا؟
طيب اقول ايه
بجد ف منتهى السعاده
ما اتحرمش من تشجيعك يا رب
اجمل واحده من اصحاب القمر
هو انتى على طول كده ؟؟
لا انتى خطر على الامن العام
بجد
هنرتب طبعا ضرورى جدا
وجعتيييييييييييييييييينى يا سهر
يخرب عقلك..ايه الافترا ددده
شقلبتى دماغى
دى تجننن
اخد منها ايه دى؟؟ كلها على بعضها فظيعه
فصصتى الى جوا..حته حته
طيب..خدنى فى ديل طفيك
عارف نطت فى دماغى
مين ياخد قلبى المليان ويدينى قلبه الفاضى؟
مين ياخد عمرى القلقان ويدينى عمرى الماضى؟
مين بقى :)
ربنا على المفترى يا بنتى :)
يلا بقى ..شوفيلك حل ..هنقابل ااامتى
استنى كمان..الحاجه سمر الى بتقول مش بعرف اكتب ولا اقول حاجة
يا ناس الرحمه حلوة
هو انتو مش حونين ليه
نسيييييييييييت
و كانت غلطته الاحساس
اه..غلطه فعلا
وكمان مره غلطه
ومره كمان غلطه
وطول العمر ..غلطه
و كل التفكير..غلطه
وجوده حتى..غلطه
ده انا كده هعيد كل السنين
تبارك الله
بجد مفيش تعليق يليق
نص/ قصيدة جميلة وموجعة ... شيئًا ...
لم يرقني فقـط "العنوان"
أعجبني التمازج الشعري الذي تقوم به سمر كل مـرة ....
.
.
دمتم بشـعر
أنتم النـــاس ... فعلاً
ساره باشا ربيع
صاحبة معالى بلاط اللينك السرى
يا فندم و ربنا من دواعى سرورنا بل هو اكتر من كده بكتير اما اكون شرحت ( من التشريح مش الشرح يعنى ) القضيه كما ينبغى و وصلت صوت معاليكى للجمهور
هو الجمهور موجود؟؟؟
اشوفلى حل لازم ضرورى ا بس انتى كمان شوفى معايا عشان نعرف نظبطها لان اللينك بيسلم عليكى و بيقولك انك وحشتينى جدا
اما فيما يخص المدعوه سمر دى
فـــــــ
لينا رب
ههههههههههههههه
ساره حبيبتى
نسيت اقولك
ان مش مهم تكون غلطه
الاهم نعرف نصلحها
يعيش المعلم و يتعلم
حبارير
ما شاء الله على مدونة حضرتك
بجد روعه تبارك الخلاق
دنيا رحبه بجد
ابراهيم باشا معانا ؟؟؟
يا دى النور
يا فندم سعيده بمرورك و زعلانه ان العنوان مضايقك
بس مش عارفه اعمل ايه انا حساه اكتر حاجه تعبر عن الحاله
اما عن سمر
فده العادى مش رفيقة درب ال,,,,, سنه مش هقولك كام طبعا عشان متضربنيش سمر
هى حاله ف حياتى و طبيعى تسيب لمستها ف مدونتى كمان
فى تعليق ليكى عندى يا سهر يا ريت تيجى تقريه .
كلامك موجع أوي
ودي حاجفة في حد ذاتها حلوة أوي
صمتى لا يعنى جهلى بما يدور حولى
لكن ما يدور حولى لا يستحق الكلام
لا قلة حيلة كان صمتى ولا كتر الكلام
اصرار
جميل ياسهر مبدعة حبيبتى دائما
هانى زينهم
حاضر هروح حالا
شادى اصلان
اتجد الوجع جميلا عزيزى؟
اشكرك لمرورك هنا بجوار وجع
الفنانه shasha
جميل هذا التوافق ف الرؤى
هى وجهة نظر اعتقد يتفق معنا فيها كثر
مرورك اسعدنى
ايها الأخوه والأخوات اصحاب المدونات
ندعوكم لزيارة مدونة البرنامج الأذاعى الأول من نوعه عن النت والمدونات من الأذاعه الرئيسيه لمصر والتعليق على ما نكتبه من موضوعات لتذاع فى حلقات البرنامج.
البرنامج يذاع يوميا صباحا عدا الجمعه الساعه التاسعه وعشر دقائق.من أذاعة مصر الرئيسيه اى أذاعة البرنامج العام كما يمكن الستماع اليه من رابط فى موقعنا ونرجوا ان تسمحى لنا باذاعة مقتطفات من انتاجك
والمدونه عنوانها
http://netonradio.blogspot.com
الموقع
http://dear.to/cairo
و انا ف العتمه مش شايف
حدود قلبى
...
يمكن شايفه حدود قلبي ,بس وهم احساسي نساني , و كانت غلطتي الإحساس
..
سكت .. بس سكوتي كان انتظار
أو ضلمة حلم مستنية النهار..
....
سهر
مش لاقية حاجة أقولها
انتي حساني .. و فهماني ..
روعة ..
اسماء
الروعه هى انتى
و الاحساس اللى من القلب بيوصل للقلب
و الكلام اللى بيدور ف القلب بيلاقى له طريق يوصل بيه للقلوب
دومى بهذا القلب
إرسال تعليق