مولد احساس .. لم الدراويش
و الحاضر غاب
و الذكر .. مفيش
و الدوشه سكوت
و الروح بتفوت
و تسيب رعشه
على جسم ممدد ف الحضره
و اشخاص موجوده و مش حاضره
زفة مُريدين
و لا هم رايدين
و لا هم داريين
عندما تتبعثر الاشياء... ابحث عنك فى ذاتى ... و ابحث عنى فى ذاتك .... القانى...نتوحد... تتبعثر الاشياء.. من ثم نعيد الترتيب .. فيم يفيد الترتيب ؟؟ و انا بَـعـْثـَرَتـِـى فيك فن و بَـعـْثـَرَتـُكَ فـيِ وجود
ذات صباح لن يُغْفِلَ استيقاظك.. أنت على موعد مع .. الحياة لم تنبئني العرافة به.. لم تفصح عنه فناجين القهوة حدسٌ هو.. لم تتمكن سن...
هناك 50 تعليقًا:
مولد احاسيس
عايش مخنوق
جوه الصندوق
ببيبان متاريس
صندوق حساس
بضلوع حراس
كاتمة الاحساس
و مشاعر راكبة الاهة بساط
و زفيري ريح
على فين هيروح
و لمين هيبوح
؟
ده مفيش حد
فركش يا اخوانا
المولد انفض
سهر
اشتقنا فعلا لحروفك
ايه التأخير ده
أولا حمد الله ع السلامة .
ثانيا بجد وحشتنا حروفك . عندك موهبة عجيبة يا سهر فى تشبيك الحروف فى بعض زى حتة الارابيسك اما باقراها باحس بتعشيقتها دى اوى .
بوستاتك الاخيرة باحس فيها شئ خاص بيكى يمكن احساس الافتقاد فيها عالى ولا انا بيتهيألى ؟؟!
عموما الدنيا نفسها مولد مسيره ينفض والعنوان لوحده ملفت اوى وحقيقى اوى .
ما تغيبيش تانى يا سهر عشان بتوحشينا .
العزيزة سهر
اخيرا وبعد طول انتظار
بجد وحشتينا جدا جدا جدا
ما زلت تسيطرين على حصان الكلمات الاهوج ببراعة رائعة
تحياتى وخالص مودتى
الله ياسهر
غيبتي كتير اوي
بس جميله ياصبحتي :)
عارفه مبعرفش اكتب نص طويل
وبحب النصوص القصيره بحسها لوحه مكتمله
لو عرفتى ترسميها ببراعه
وانتى فنانه وبتعرفى ترسمى الصوره بابهار عجيب
معلش تاخير غصب عنى
رهيبه والله
ماشاء الله عليكى
حى ...........
!!!
بفعله ميت
وف قلبى حى ..
ياللا اتطوح ..
يا ابو عود مصلوب
وسط الحضرة ..
انا مش فاكرة
اذا كان تمثيل
ولا مغامرة ...
دايب كونى
ف سحابة خوف
وبتمتم ورد
ناقص ... ِوحدة ...
مسكونة الروح
بنشيد اوجاع ..
املك لو ضاع
اصبر حبه ..
بعد المولد
لم النصبة
اذيك ياسهر عاملة ايه ياحبيبتى بتتأخرى علينا كده ليه؟
يارب دايما تكونى بخير
اما عن البوست فاحساسى به انه مولد وصاحبه غايب
ازيك يا سهر
اخبارك اية
انا مع موناليزا
مولد وصاحبة غاااااااايب
كل الحب
اسير الجراح
الله الله يا سهر
مولد وانفض
والصاحب فين
وحاجات اتقضدت
ووفيه مساكين
مش لاقيه القوت
ولا شئ بيفوت
فى الدنيا اتعد
كلامتك جميله
مولد احساس
لم الدراويش
والحاضر غاب والذكر مفيش
الله عليكي ياسهر دايما جميله
متصربع ليه
وواخدها بجد !
استنى يا شيخ بس هاقولك
دا مهوش مولد
علشان ينفض
وان كان على "مراجيح "الدنيا
دي هزار يا اخي
فوّت يابا !
العمر أقل من الثانية !
تتشال / تتحط
تدوخ حتى
فوّت برضه
خليك "درويش"
أو كون "مُنشد"
بس أتأكد إنك ... أنتا !
والطُرش ان زادوا في الزفّه
طنشّ برضه !
ده"نَشان" الصمت اللي ف صوتك
/تفاريح يعني !
يعني ويعني !
كله أشباه
دول شَبه الناس قدام عينك
ودي (شِبه) حياه !
والوش ..العيل. في الزحمه
ميّت..
أو تاه !
والحلم عجوز
نسّاي / خَرْفان/
وانت لوحدك
بره المولد دا مفيش إنسان
خليك أحسن
بالناس
ونسان!
ـــــــــ
ولا طقس الغنا
ـ يقدر ـ يعلن هروب
ولا المولد ـ بايدنا ـ هينفض
تحياتي وخالص تقديري لقلمك أ/ سهر
هاني رمضان
ولا هم رايدين ولا هم داريين !
فيك كل مرة أشعر بمتعة خاصة فيما تكتبين ، ولو انها قصيرة وكنت اود أن تستمر المتعة أكثر قليلا .
لك كل تحياتي يا صديقة
ولا هم رايدين ولا هم داريين !
فيك كل مرة أشعر بمتعة خاصة فيما تكتبين ، ولو انها قصيرة وكنت اود أن تستمر المتعة أكثر قليلا .
لك كل تحياتي يا صديقة
و لمين هيبوح
؟
ده مفيش حد
فركش يا اخوانا
المولد انفض
***************
طيب بقيت لى ايه اقوله يا دكتور احمد ؟
بجد تفاعل رااااااائع
مش عارفه اقولك اد ايه اسعدنى
أ هانى
مش عارفه اقولك ايه ؟
هرب الكلام منى ف غمرة حلو كلماتك
كلمة شكر هتكفى ؟؟
الافتقاد سمه ف الحياه يشعر بها انسان
فنحمد الله على نعمة ( الانسان ) و نساله العون فى الفقد
اشكرك بكل ما تحمل كلمات الشكر من معان
انا كمان افتقدكم جدا
الازهرى
دوما ردودك انتظرها لانها صك اجازه و اجاده
دمت بحضورك الرائع
كيارا الجميله
ربنا يخليكى ليا يا رب
ما اتحرمش من طلتك الجميله يا قمرايه
مش حينفع اقول اكتر من برافو...
ناعومى الجميله
انتى ملكة النصوص القصيره و الطويله
و استاذة فن المشاعر و النص المكتمل العناصر
بجد مش مجامله بحب اقرالك جدا
و بستمتع و بتعلم كمان
بفعله ميت
و ف قلبى ميت
و الرحمه جايزه
و الجايزه جايره
على قلب حى
و الحى حالف
ليعيش يخالف
كل اللى قلبه ..
يشوفه ضى
مولد يا صاحبى
و الخدعه وارده
و الضلمه فارده ...
كدبتها ضى
************************
سمر
طبعا عارفه كنت عاوزه اكتب ايه بعد ( حى ) بالموسيقى التصويريه اللى سمعتيهالى بيها هههههههههههههههههههه
كتكووووووووووووووووووووت
موناليزا الجميله
الكلام ده كبير و معانيه كتير
بس ما فهمتش قصدك ايه بالظبظ بالمولد اللى صاحبه غايب
بتوحشونى اكتر على فكره
زفة مُريدين
و لا هم رايدين
و لا هم داريين
صح و الله
ربنا يهدى الناس
و تختفى هذه الظاهرة
و يختفى الجهل
د.حماس
انا محد عزمني ع المولد
ليش؟:(
اسوء ما في القصيدة
انها قصيرة
ربما لا يحتمل الموقف اكثر من هذا
ربما تكون اجمل بقصرها
و لكني حقا شعرت كأني وضعت قطعة " شيكولاتة " في فمي
فذابت سريعا و كنت اود لو تظل لساعات
.
.
عبقرية كالعادة
صدقيني سيخسر العالم كثيرا بدون عشرة دواوين منشورة لكي على الاقل
اسير الجراح
انت و موناليزا على عينى و راسى و مروركم بيسعدنى جدا جدا جدا
romancy
كلماتك هى الاروع
اسعدتنى بجد
حبيبه
اسمك رائع و مرورك اروع
اسعدتينى للغايه
و ازاى هتكون انت ؟
وانت ...
متبعتر على كل الاعتاب
درويش كداب
و المولد مش احساس
ده كيان ..
منصوب
و انت المغلوب
على امرك
و لا حدش امرك
لجل اما تكون
و بامرك
هتفض المولد
و لا دى حليتلك
لعبة الاسياد
************************
أ هانى رمضان
مرورك بهجه و انت عارف ده
بس انا عند رايى فى القضيه
يجعل كلامنا خفيف على طقس الغنا لانه بيقدر يعلن هروب
و المولد بايدنا ينفض و لا عجبتنا لعبة الاسياد ؟؟؟
ههههههههههههههههههههههه
منورنى
الرائع احمد عبد اللطيف
بستنى مرورك و انت عارف
كده ممكن انشر بوست جديد يا فندم
لانك مريت و كمان عجبك اسبرينة الشعر دى
ريم عبد العزيز
يكفى مرورك لاسعادى
د. حماس
اشكرك على مرورك الاول هنا و تعليقك المميز
تحياتى
اقصوصه
هنعمل حسابك المولد الجاى
لااااااااااااااااااااازم
طبعا
منورانى
جاك سبارو
فارس من زمن اسطورى
و عشان كده بتيجى و معاك سحرك
و بترسم ببساطه بسمه على الوجوه و فرحه ف القلوب
و شكلك هتكبرها ف دماغى و تخلينى اطبع ديوان اقرف بيه البشر بجنانى اللى انتم متحملينه ده
بجد بفرح بمرورك جدا
الحاضر غاب
و الذكر .. مفيش
و الدوشه سكوت
و الروح بتفوت
و تسيب رعشه
على جسم ممدد ف الحضره
------------------
اية دة..النهاردة يوم الابداع بقى..
اية دة النص عامل زى الومضة ..بيلمع فى ثانية بس بيسيب اثر مش بينتهى
أولا تحياتى
ثانيا أنا اسمى لبنى باحثة فى مجال الإعلام أقوم بعمل دراسة عن المدونات المصريات من أجل الحصول على درجة الماجستير. و يسعدنى أن تكون مدونتك من ضمن المدونات التى يشملها البحث. . لذا أرجو أن ترسلى لى بريدك الالكترونى حتى اتمكن من إرسال الاستبان و طبيعة الدراسة إليك
رجاءا حارا مدة المشاركة مفتوحة حتى 8 نوفمبر
شكرا لتعاونك
lobnabona@yahoo.com
ملهمتي
تحياتي يا أجمل سهر في الدنيا
يا من تصنعين مولد الاحساس
يشرفني التواجد والتواصل
امضاء
اللي لما قابلتك حبتك جدا
أميره جمال
سكت دهرا ونطق سحرا
جميلة يا سهر
عميقة وموحية
الكلام ده كبير ...
اعتقد ان اي كلام يقال سيكون مكررا بحال من الأحوال ..
انا مندهش .. وفي نفس الوقت نادم على معرفتي المتأخرة بمدونتك القيمة ...
بالتأكيد أحب أن أشكر الظروف وأشكر سمر بالتحديد ومدونتها التي ألقت بي في عالمك الرائع ووجدت نفسي اقرأ الكثير والكثير من البوستات المميزة والرائعة ...
تقبلي فائق احترامي وتقديري ..
وبدون اي مجاملات انا في انتظار جديدك الذي أوقن أنه رائع ..
وعبقري :)
خالص تحياتي
أولاً أنا يشرفني اني اعلق في مدونة حد بموهبة حضرتك
واسمحيلي اكتب الكام كلمه دول
مولد أحاسيس
وان غاب الحب
وغاب الفرح
و غابوا كتير
مولد والقلب ملوش نواطير
ومشاعر تصرخ توجعني
ملهاش حكام
ملهاش دساتير
و دموعي تدبل في المولد
احاسيي فرحانه بالطراطير
و المولد بيمرجح قلبي
لو بيدي ادق عليه بمسامير
و المولد ينفض ويمشي
ويسيب القلب لوحده كسير
علاء عارفين
el ghazaly
من اجمل الحاجات اللى حصلتلى هو يوم حفلة التوقيع
و ده لانى قابلت ناس بيتمتعوا بفكر يستاهل ينفرد له الوقت
انت طبعا منهم
راجعه اكمل القصه طبعا عشان اعرف النهايه ايه
ميرسى لمرورك اللى عرفنى بمدونتك الرائعه
أبسط أعمق كلام
تحياتي
لبنى
اشكرك و امنياتى التوفيق
القمر اللى مصاحب القمر اميره جمال
اول مره اندم
انى ما اخدتش خطوة اللقاء دى من زمان
اد ايه العين ليها اثر و الصوت اما يدخل القلب له تاثيره
و اما يجتمع ده كله بيبقى تاثيره رائع
الاروع ان يكون اللى ادامى اميره برقتها و خفة ظلها و حاجات كتييييييييير جميله
هنتقابل تانى لازم
الشاعر الرائع سمير مصباح
من غير اى مجامله
كلامك شهاده تقدير و يا ريت تكون حقيقيه مش مجامله
مولد و انفض
عندك حق فعلا ده مولد وانفض
حمدا لله على السلامة
تحياتى
ehab
اشكرك و اشكر غاليتى سمر التى كانت السبب فى مرورك المميز
اشكرك على كلماتك الرقيقه و مجاملتك
كل الشكر و التحيه و الاحترام
علاء عارفين
------------
خلاص جف المداد منى
و لايمينى ..
دراويشك
عشان ما نشدت اذكارك ..
بقالى يومين
و متمرد ..
على طقسك ..
و رافض انى اكون وصلك ..
بليل ..
هجر القمر ضيه
و ادندن
لجل يتسلطن
شبح ليلك
فدندن دمعتين المك لوحدك
و ابقى ارجع لى
صالب طولك
عشان قولك
ف قلب حروفى ..
ما يميلشى
*****************************
اشكرك على كلماتك الرائعه التى اوقفتنى كثيرا امام فنان يقرا و يتواصل باحساس
من غير عنوان
و الكلام كمان قليل بس اسعدنى كتير
ميرسى
mohamed ghalia
الله يسلمك يا رب
ميرسى
أجمل ميلاد احساس قريته ف عمري كله
..
ازاي بتعرفي تكتبي الكلام ده ..؟
بتخليني اسكت و ماانطقشي و مااعرفشي اقول حاجة ..
إرسال تعليق