الأربعاء، نوفمبر 28، 2012

مشـــــــــــــــــــاهــــــــــد


مَـشَـاهد
يا اللى مش شاهد
و تترات البدع اراجوز
و فقرات الوداع بتجوز
و يجوز
بتجوز لك الرحمه
و دورك انت ف الزحمه ...
مُـشاهد
قلبك الشاهد
ف فترينة وجع ..
محبوس
تدوس
على ننى احساسك
فتعمى قلبك الشايف
و مش خايف
 ******************************

مشهد ممسوح

مع ان انا فاكر احداثه
من اول اكشن .. لستوب

************

مشهد بايت

وكل مره ..
بينادى
معايا المشهد الطازه
*************

مشهد راقص 

و رقصنى ...الجدع لكن .. ما هواش ... الجدع خالص لكن جاب
 الوجع ..
 خــــــــــــــــــــــــــــالص
**************************

كلاكيت

 المره الكام ؟؟ ممكن مره المشهد يخلص ..بنهايه .. غير اللى قريتها .. ف اول مره .. سبكت الدور؟
**

*************************

اندماج

 من قوة ما اخدنى المشهد و انا بلعب شخصية غيرى صدقت الدور و وقعت ف خية ... دور تانى
**********************************

فيلم ساقط 


الفيلم كان ساقط اكيد موش لايق عليك دور ( جان( و انا بالكدب طلعتك لفووووووووووووووق ..فـ وقعت
*********************************

مونتاج

 نفسى امنتج كل مشاهدك و الغى وجود دورك .. م الفيلم
************************************

اخراج 

المخرج قام حط اللمسات مش ده معناه..  الفيلم هيخرج ع الجمهور ؟ طب ليه مش عارف انا اخرج ..كده برا الدور
************************************

هنعيد

 تااااااااااااااااااانى؟ هنكرر نفس الدور و نقول نفس الكلمات بس المره دى اكيد..  راح يهرب .. الاحساس
**********************************

اوسكار 

مين فينا هياخده المره دى ؟ انت على الدور
ولا انا على دوري (ف تصديقك) ؟؟

ليست هناك تعليقات:

آخر طقس

ذات صباح لن يُغْفِلَ استيقاظك.. أنت على موعد مع .. الحياة لم تنبئني العرافة به.. لم تفصح عنه فناجين القهوة حدسٌ هو.. لم تتمكن سن...