باحساسي الاكيد جدا .. انا خايف / وبدن فجر ان يدن .. ف جوف مالطه / انا ف ورطه .. ما بين الكدب ع الادراك .. ف رغبه لـ يعمي ( عالي الشوف ) / وبين الحد م الاصرار .. على المشي ف طريق معروف
انا مكســـــــــــــــــــــوف
ضلالات الطريق .. بتشوش الادراك.. و بتوعد المفتون .. و تسمي ع المحكوم .. بفوبيا احساس الصعود فـ وقوع / وبتكتب المسموح على يافطة الممنوع .. وما بين قوسين ( يمكن ) / وتسجله – ان امكن – ف خانه بلا موضوع .. عنوانها متأجل .. لحين قرار تاني
مين الـ نجاني .. من غرقة الاحزان .. مين الـ خلاني على حافة البركان / الفكر دوامه .. توعدك بسقوط / فكرك ما بيوقعش / فكرك ما بيوقعش ؟ حط الخـُـطا ف مجهول .. اذا كان دا ف الامكان .. الوقفه ف المعقول ؟
خوفك ما بيشبعش .. رغبتك ف وجود/ فلا يكتبك موجود ولا يشطبك ميت / انت الـ بتبيت .. ( النيه ) للاحلام / توعدها وقت منام / ان الخطر جايز .. لا م الاكيد فايز .. بالشط الـ بعيد / ويا غرقة المواعيد !!
ف مواسم الادراك .. بتبارز الضلالات / بمساعدة المظلوم / وتجبره انه يقوم .. بثورة التطهير / لجل اما تتخلى عن ضحكتين ف الوش .. بيحرروك م الغش .. ببسمه كدابه / لجل اما تتحلى .. بوصفك شجاع يا ضعيف .. ف محاوله للتكييف مع سر اوجاعك .. بمبررات فشلك / والـ من غرق نشلك .. للـ طايشه امواجك ..تهديه - براحته - ضمير
على هامش الموضوع:
رغم ان الصعب ف صف الوجع مرصوص / حبة بواقي الحلم بين الضلوع مدسوس/ والمحتمل يعلن اصراره انه وجود / وان الوعود بلا صوت ليها كيان محسوس
هناك تعليق واحد:
كله ع الهامش
باحساسى الغريب جدا انا شايف .. عكار القلب فى الضحكة وضلة خوفى ع السكة ومش ساكتة غربان القول ووسواسى .. انا ناسى .. وحدة روحى بين ناسى .. ضلال الشوف والادراك و مين ادراك.. وانت صحبتك احزان يكون هو مهوش انسان .. مجرد حلم ع الماشى وبيك ونسان .؟؟؟
كلام محذوف ...
وشوق ملهوف لفجر ف يوم ما بيهلش .. يقسم دعوتك قلبين .. مابين البين .. اعمى اوى صبرك ما بيطلش .. ومين مانع ومين بايع و مين سطرك ومين نقطة انتهاء شكك ومين شكل حروف صوتك ....مابتردش ؟؟؟
سهران القمر يسأل و لو تنده له يوم يتقل يخبى طروفه تحت البرد .. يشد لحاف يادوب ع القد و يتوضى يصلى فرضك المنسى على مفرق طريق ..واقف/ دارى الخيبة تحت رموش ما تدمعشى .. ما تسمعشى .. ولو ندهوا عليك ياما ... اوعى ف يوم .. ما ترجعشى
إرسال تعليق