بيسالنى تسحر مين ؟؟؟
هـ اسحر ناس و اصحى.. ف القلوب احساس
ما هوش نايم لكن بردان و متغطى
و خايف خطوته تخطى
هصحى ف النفوس آيه
و اسحرها من الغايه
عشان لو طال اوان الصوم
ميبقاش لسه قلب جعان
يا بتخطى على الاعتاب و بتسمى
و روحك حاضرة النيه
و فرحان فى
شياطينك / بسلسالهم
دا ياما سلسلوك ف الذنب / بحبالهم
,و بحيلهم
و روحك حاضرة النيه
و فرحان فى
شياطينك / بسلسالهم
دا ياما سلسلوك ف الذنب / بحبالهم
,و بحيلهم
و نفس ضعيفه سمحالهم
و متعشم ف تلت الشهر بالرحمه
(يا اهل الارض
لو كنتم رحمتم بعض
كانت الرحمه تتنزل من السموات)
قطر الوقت ما رحمشى
و قام يمشى
و حط خطاك على الغفران
صحيح ندمان
على الحظ اللى فات منى
و متعشم
ف تلت المغفره يكفى
ذنوب ياما
و نية توبه لساها
ما هيش خالصه
و من ضعفى / منيش معفى
( و لسه الخوف بيتخلل ف قلب الطين
و لسه بخيبه بنفرق
يا دنيا / يا دين
و نتفرق
ف فتوى تشقنا نصين
و نتشدد ف امر ما يلزم الشده
و نتسيب ف امر يهدنا و نلين
و ما بنعرض عن الجاهلين
و بنشيد قصور الهيبه للعاصيين )
و نتعشم ف غفرانك
بكام ركعه و دمع العين
ده حتى الدمع بقى عاصى
و قلب و عقل بيقاسى
ما بيفكرش ليه ف النار
لانه ف دنيته مكوى
و احساسه
الاسير ف الرق
و متعشم اوى ف العتق
و متعشم ف تلت الشهر بالرحمه
(يا اهل الارض
لو كنتم رحمتم بعض
كانت الرحمه تتنزل من السموات)
قطر الوقت ما رحمشى
و قام يمشى
و حط خطاك على الغفران
صحيح ندمان
على الحظ اللى فات منى
و متعشم
ف تلت المغفره يكفى
ذنوب ياما
و نية توبه لساها
ما هيش خالصه
و من ضعفى / منيش معفى
( و لسه الخوف بيتخلل ف قلب الطين
و لسه بخيبه بنفرق
يا دنيا / يا دين
و نتفرق
ف فتوى تشقنا نصين
و نتشدد ف امر ما يلزم الشده
و نتسيب ف امر يهدنا و نلين
و ما بنعرض عن الجاهلين
و بنشيد قصور الهيبه للعاصيين )
و نتعشم ف غفرانك
بكام ركعه و دمع العين
ده حتى الدمع بقى عاصى
و قلب و عقل بيقاسى
ما بيفكرش ليه ف النار
لانه ف دنيته مكوى
و احساسه
الاسير ف الرق
و متعشم اوى ف العتق
هناك 49 تعليقًا:
بجد فى منتهى الروعة
هـ اسحر ناس و اصحى.. ف القلوب احساس
ولانها مبقتش مسئلة ايمانية من القلب قد ما بقت فى الواقع مسالة شكلية
عشان لو طال اوان الصوم
ميبقاش لسه قلب جعان
ربنا يتقبل مننا تلت الرحمة و تلت المغفرة وينولنا جزاء تلت العتق من النار
كالعادة مايتردلكيش كلام ولا قصيدة
بس بجد
حرام عليكي يا سهر
بتحبطيني
سبينا ناكل عيش بقي لو سمحتي
تحياتي لحد كده
لحسن يبان فعلاً أني حقودي وأنا مصدقت غيرت الاسم
ذنوب ياما
و نية توبه لساها
ما هيش خالصه
فاكرة البوست اللى فات اما قلتلك انك بتعرفى تعبرى عن افكار كتير بالفاظ قليلة اوى ؟ اهم البيتين دول تجسيد لكلامى ده . فعلا نية التوبة ما هيش خالصة عشان كدة ما بنتوبش .
ده حتى الدمع بقى عاصى
و قلب و عقل بيقاسى
ما بيفكرش ليه ف النار
لانه ف دنيته مكوى
هو مش مكوى بس دى المكوة كلت نصه وحرقته كمان وبقى القلب والعقل بيلفوا سوا على الفاضى زى عداد الكهربا الخربان .
انتى ايه يا بنتى انتى جايبة دماغك دى منين ؟!!
على فكرة انتى اللى خليتينى ابطل اكتب محاولات الشعر الخايبة بتاعتى لما باشوف جمال ابياتك وروعتها بس انا مسامح ما دام هاقرا دايما حاجات حلوة كدة .
واحد فاهم كل حاجه
ربنا يكرمك و يقبل منك دعائك
اللهم امين
اسلام الدسوقى ( حقودى سابقا )
يا عم سيبلنا مكان بس نسترزق جنبك بشوية بوح على ادنا
ايش جابنا ليك
منورنى
كل سنه و انت بالف خير
اخويا الغالى هانى زينهم
مره تقولى انتى دماغ و مره تسال انتى جايبه دماغك دى منين
دى دماغ متكلفه جدا بتجربة الايام و بتوش من كتر الفهم و التفكير
انت طبعا اكيد عارف الدماغ دى متعبه اد ايه ( ما الحال من بعضه )
بس انت زعلتنى انى انا السبب ف توقفك عن الكتابه
لا يا سيدى اكتب عشان حتى تشجعنى اكتب كمان لان ما شاء الله عليك افكارك دايما متجدده
ربنا يقبل منا توبه نصوحه و يكتبنا من عتقاء الشهر
السلام عليكم
اذيك ياسهر حبيبتى
اخبارك ايه يارب تكونى بخير
انا كويسه وكنت قفله البلوج عشان بجدده
ادعوكى لزياراته
كلماتك تسحر من يقرأهـــا ... يسلم نبضك الرقيق ودام قلمكِ الرشيق ... منك ولا اروع منك والله
ربنا يوفقك يارب ويسعدك
مودتى
ايناس
اللهم ارزقنا الرحمة والمغفرة فى هذا الشهر الكريم
وكنت ابكي وانا حيران
ما بين الذنب اللي متغطي
وبين الرحمة والغفران
وتبقى الدنيا سرقنا
لاقدرين نلتزم بالنور
ولا بندور
في حلقة مفرغة منها
كأن الكون صبح خارج
حدود الروح
جابر المصري
ولحظة بوح بتجلي وانتعاشة قلب ايمانية
وصراخة ذنب مش ذنب
استاذة عمل اكتر من رائع بمسافة حدديها انتي
رائع يا سهر ماش اء الله عليكى
كالعاده والله انتى كتاباتك كلها بتعجبنى
يا ريت بس تكبرى الخط شويه
عاشقة الاحزان
مبروك يا قمر التجديدات
حلوه جدا
و ميرسى لمرورك الجميل جدا
محمد غاليا
ربنا يكرمك يا رب
و ميرسى على الدعوه الجميله
ربنا يجعلنا من عتقاء الشهر
اللــــــــــــــه
اللــــــــــــــــه
اللـــــــــــــــــــه بجد
خايفة أقتبس من الكلام حاجة أظلم الباقي
شياطينك / بسلسالهم
دا ياما سلسلوك ف الذنب / بحبالهم
بجد حاسة اني بسمعها
و لسه بخيبه بنفرق
يا دنيا / يا دين
و نتفرق
ف فتوى تشقنا نصين
و نتشدد ف امر ما يلزم الشده
و نتسيب ف امر يهدنا و نلين
و ما بنعرض عن الجاهلين
و بنشيد قصور الهيبه للعاصيين
بجد بجد انتي مالكيش حل
(:
وتتحلي ليه ...
(:
خليكي كده حلوة (:
مستنية جديدك بجد
(:
همشي وآخد انبهـاري معــايا (:
تسحر مين ..
حلوة
لاقدرين نلتزم بالنور
ولا بندور
في حلقة مفرغة منها
------------
دى تجلياتك انت يا استاذى
بندور ف حلقه حواليها و بتشدنا زى الفراشات تكاد تواقع النار
تحياتى و شكرى و احترامى
حبيبتى ريمان
ايتها الملائكيه الجميله
رغباتك اوامر
هكبره حالا
نورتينى يا قمر
الغاليه على قلبى جدا جدا ميرام
محلوله يا قمر
خديها كلها زى ما هيا
بس ايه حل روائعك انتى
و انتقلنا للقدره على التعبير بالصور كمان
رايحه لفين تانى ف الروعه ؟
ده سؤال اجبارى على فكره
شارم
اشكرك جدا
ومن امتى بتصحى الناس
ومن امتى وفيه احساس
دا مش نايم ومتغطى
دا ميت والجنازة مفيش
ومن يومها اصبحوا ملاطيش
يا مين يسمع
يا مين يعقل
شياطين فى سلاسلها
وفرصه عظيمه للتوبه
يادى النايبه
كمان نوبه
يخلص منا رمضان
ومن غير اى فرصه كمان
ننول غفران
تحياتى دوما للقلم المبدع والاحساس الجميل
واعتذارى الذى ثق انك ستتفهميه فى عدم اجابتى عن سؤالك
من يوم ما اتركن الفقير لله على التوبه
و قام يحلف بدمع العين .. اخر نوبه
و باب الرحمه مفتوح له
و مسموح له
يدق الباب .. كتير الذنب
و يتعشم .. يطهر قلب
يفيض الشهر بافضاله
على ذنوب الشهور بالرحمه .. يمحيها
و بالغفران .. يخطيها
و ف التلت الاخير / يكتب له / اللى يفوز
بعتق .. يجوز .. نكون منهم
--------------
الازهرى
اشكرك لمرورك و تفاعلك
مش فاهمه بصراحه لكن احترم حريتك الشخصيه جدا
يا قلب جميل
بمية طهر متوضي
يا نبت أصيل
لبر الطاعه بيعدي
وفي رمضان
أنا جايلك بهنيكي
من القلب اللي شال ليكي
مشاعر حب
من ودي
خلاص رمضان قريب يمشي
تعالى أنا وإنتي ما ننامشي
وفي العشر الأخار شِدِّي
وبدعي الواحد القيوم
في شهر الصوم
بصوم مقبول
تنولي العفو والغفران
تفوزي بعتقو م النيران
ونعمة تدوم
وربي بحفظو يحميكي
يخليكي
لنورو يا غاليه يهديكي
وبهديكي
بأجمل باقه من وردي
سهر كل عام وإنتي بخير صحيح متأخرة
ولكن حاولت كتير أهديك تهنئتي في أول الشهر
ولكني لم أوفق ووجدت مدونتك هذه بقدر الله
فأتتخذتها فرصة لتهنئتك
يارب أيامك كلها صحه وسعاده
ومن الطاعات في زيادة
شاعرتنا الأكثر من رائعة
محبتي وتقديري
أسامة علي ( محب )
جميلة بشدة يا سهر
انت ازيك :)
كل سنة وانت طيبة
الله عليكى بجد
يا صحبة خير
رمضان اهو جاب الخير
استاذى الطيب جدا اسامه
كل سنه و حضرتك طيب
بجد مفاجأه جميله اوى اوى
blue wave
اشكرك جدا جدا
الست فرويد
كل سنه و انتى بالف خير
على فكره الصور مش عاديه و التعليقات كمان بتقول احساس
نورتينى يا قمرايه
جيت تنحت
وقلت : الله
لو كل المسحراتية بالشكل ده
كان زمان البلد حاجة تانية
حبارير
و انا كمان
بعض ما عندكم يا شاعر
كل سنه و انت طيب
و ميرسى على المجامله الحلوه دى
استاذى سمير مصباح
قول يا رب
نورتنى بمرورك الى بجد بستناه
اولا انا جايه ازورك ودى زياره متأخره قوى قوى كان المفروض ارد زيارتك الكريمه ليا من زمان بس اتمنى تلتمسيلى العذر
ثانيا انا بهرتنى جدا بساطة وجمال وعمق اسلوبك فى التعبير بجد مدونتك راقيه جدا
وثالثا كل رمضان وشهر كريم وانتى بكل خير انتى واسرتك وكل من تحبين يا جميله
كل سنه وانتى طيبه
ودايما تسحرينا سحورك الجميل
كل سنة وانتى طيبة اولا يا سهر بمناسبة كل مناسبة حلوة مرت او هتمر علينا جميعا بالخير واليمن البركات
انا دخلت النهاردة اشوف الدنيا عاملة ازاى فى عالم المدونيين بعد ما توقفت عن التدوين وقاطعت عالم الانترنت بكل ماله وماعليه وغصب عنى فى المدونات الادبية اخترت تكونى اول حد ازوره ياسهر وانتى عارفة رايى فى اعمالك مجملة و النهاردةشدنى جدا الكلام داوخاصة جملة
وقطر العمر مارحمشى فقام يمشى
بجد والله دا لوحده قصيدة او حدوتة كاملة بس للى يفهم ويتعظ
ابدعتى يا سهر
اشوفك على خير
هانى سعيد
كل سنة وانت طيبه ورقيقه وبالف خير
كل سنة وانت اجمل والى الله اقرب
عيد سعيد على كل المسلمين يارب
الجميله محاسن
و خطوه عزيزه
و كل سنه و انتى بالف الف خير و عيد سعيد عليكى يا رب
نورتينى بويارتك الجميله و رايك اللى اسعدنى جدا
ابو احمد
والدى العزيز
مش مصدقه نفسى
هل هلالك شهر مبارك
و العيد فعلا فرحه برجوعك الجميل
اخبار البيت الجديد ايه
هانى سعيد
الصديق الصدوق المجامل الفائب منذ بعيد
اين انت و اين اراضيك
و لما انت نشنت كالعاده ( قطر الوقت ما رحمشى و قام يمشى ) يبقى مش محتمل مقاطعات لا جبريه و لا عذريه
طبعا شرف ليا ان مدونتى الغلبانه تكون اول مدوته تزورها و تنورها
مستنيه رايك فى اللى فاتك و اللى جاى
ما تغيبش تانى \
عاوزه بوست جديد عندك
الازهرى
كل سنه و انت و اسرتك بالف الف خير يا رب
عيد سعيد علينا و على الامه كلها بخير يا رب
جميلة قوى
يارب يكون قبل رمضان مننا وعتق رقابنا من النار
كل عيد وانتى بالف خير وسلام
حلوة يا سهر جدا ...
:)
كل سنة و انتي طيبة ..
عسى عيدك مبارك يا حبيبتي .. و كل أيامك سعيدة .
وخلص رمضان وجه العيد
فين الجديد ؟
جميله جدا يا سهر ..
دمتى كما انتى .. متألقه ..
تحياتى ..
احمد رشدى
Dr.A.S. black armor
يا رب يقبلنا ربنا من عتقاءه
و يشفع فينا من يرضى
ميرسى لمرورك
و كل سنه و انت بالف الف خير
انت تسال و الكمبيوتر يجيب
اشكركم
الازهرى
و انت بالصحه و السلامه
و الحرف بعافيه
ادعيلى
قهوه بالفانيليا
شيماء الجميله
ايتها الرائعه
لك وحشه
و لحرفك الكثير منها
كل سنه و انتى بالف خير
احمد رشدى
اشكرك جدا
كل سنه و انت بالف خير
وحشنى الشعر
جدا
جدا
:)
......
وحشتينى بشدة
و انتى وحشتنى اكتر
و الشعر وحشنى جدا انا كمان
بيزورنى تخاطيف
إرسال تعليق