![](https://blogger.googleusercontent.com/img/b/R29vZ2xl/AVvXsEgyAK0VMPR9UDKRzbpbuKjhRW1QKEI8Fa5xvkcuKT5Ty_6JTvmC1mMsfydl6iUH2Hud34rnU-SfLJGBY3iGTjpLGu6Hue01h7fjJSDGv67PmC7YEMNG1-YG-Vq-TUc4OByGAVo4B3SZzZ6h/s400/x1pbglk-vqL4BtffNZE1j7vYl30PbWc40WUAG1djVx5fOuOXGhFYKQX9lCfDgPKnmV8TV6nn69XRb3YMXMPYxC2Z1PmHPP8QrlKdkmnr81WTkdjaBPeQJ1hsFoDtrmeENLcnY7ebJgRFqXqgUkNopq2oSNPKKx4RxU0.jpg)
كليك شمال
(ساين اوت) ..
بره الوهم
ما تدوسشى كليك يمين
ده كمين
(الاوبشن) مش عدة خيارات
و كل (التولز ) المستخدم بيقول عبارات
هتحس اكيد فيها بتكرار
و (الساين إن ) ده اكيد هيجن
ده لان
القلب ملوش ايقونه فيو( view )
و مفيش لـلـ فات ريفيو (review )
هتتوه
لو مره رميت على حد الهيلب
و قولتله ( HELP)
هناك 31 تعليقًا:
عبقــريـــة
بجد بجد
برفع القبعة (:
وأنحني ...
وعندك ماينفعش حد يعمل ساين أوت
ده لوج ان ...
ويفضل ان علطول ....
بجد توظيف الكلمات مبهرررر
واللحن ... مش هتكلم ...
(:
كل تقديري ...
بانتظار الجديد
والمزيد من التعقيد (:
ههههههههه
تحيـــــاتي
فعلا ياريت للحياه ريفيو
مكانش حد غادر أيام الصبا والشباب
فكلما تقدم به العمر عمل لنفسه ريفيو
ولكن أنى ذلك
ولكن أليس لكل مرحله بهجتها ومتعتها
لماذا نجعل التغني بالسابق هو ديدننا دوما ؟؟؟
ألأنها طبيعة بشريه؟
فقديما قيل
أياليت الشباب يعود يوما
فأخبره بما فعل المشيب
فكره عبقريه توصيفك يا سهر
تقبلي خالص تحياتي
واضح انى حياتنا بقى فيها أوت كتير
كلماتك رائعة
دايما بتبهرينى بكلماتك
هتتوه
لو مره رميت على حد الهيلب
و قولتله ( HELP)
اصبتنى بتلك الكلمات
فانا بالفعل الان تائه
وما زلت ابحث عن شط الأمان من جديد
تحياتى دوما للقلم البدع والإحساس الرقيق
السلام عليكم
بجد كلمتين فى السليم او فى الجون
هايله قووووى
واشكرك من كل قلبى على سؤالك عنى
انا ضفيتك عندى حبيبتى
تحياتى
انوسه
ربط عبقرى ووصف حميل اوى لحالة الوهم اللى عايشينها فى الفضاء دة
كليك يمين دة كمين كل الاوبشن مش عدة خيارات وكل التولز المستخدم بيقول عبارات هتحس اكيد فيها بتكرار
الجملة دى سحرتنى فيها معانى كتير
نايس نايس نااااايس
وياريت (مندليتش) كل اللي فات
لأن فيه أجمل زكريات :)
وليد
حطنى فى الفيفروت واقفل عليا
;)
ههههههههههههههههههههههه
حلللللللللللللللللوه
تسلم اديكى يا سهر
بصى مع انى كل التعليقات قالت انها فكرة عبقرية انما برضه مش عارف اقول الا انها فكرة عبقرية بجد . بجد جدا ..
عزيزتى
جميل اوى التركيبة دى
والحكمة اللى فيها متقاله حلو
كرريها يا ريت
سلام
سلاام عليكم
القلب مالوش ايقونة فيو..وحمق حياكة ثوب العرس والسقوط ..هو في اييييييييييييييييييييه؟..اغيب يومين ارجع نفسي اطرش ف الزفة ..
مش فاهم عتابك وشكرك ف تعليقك عندي..بس بالنسبة للنص بما إني حاليا ف مصر كنت أتمني لو في لقاء ادبي قريب حتحضريه ويشرفني احضره عشان اقولك رايي باسهاب
دامت مدونتك مدونة لها مذاقها.ودمتي بكل خير وود
ههههههههههههههههههههههه
جديدة دي
بس جميلة
ههههه
حلوة دي يا سهر
ملعوووبة يعني
دمتي جميلة
بوست جديد وجميل ودمه خفيف
تسلم ايدك
و الله انا اسفه ليكم كلكم جدا جدا جدا و غصب عنى التاخير ده و على عينى كمان
ميرام
اذا ذكر توظيف الكلمات و اللحن المبهر ذكرت ميرام
ما عنديش كلام تانى غير اللى قلتهولك
و اكيد توقعاتى هتبقى اقل م الحقيقه
قريب جدا
ahmed_k
عندك حق ف كل كلامك
بس يمكن عايزين نعمل ريفيو و نغير ف حاجات
يعنى نعمل حاجات ما عملنهاش او ما نعملش حاجات عملناها
ايه رايك
هتحب تعمل ريفيو ؟
تحت افتراض انه ممكن
mohamed ghalia
ان شاء الله دايما انت فى الـ ( in )
ميرسى لمرورك بيسعدنى
الازهرى
اسعدنى ان الامس حالك
و احزننى ان تكون ملامسه حزينه
امنياتى بكل الخير
عاشقة الاحزان
و ان شاء الله عمرك ما تبقى عاشقة احزان و لا الاحزان تعشقك
ميرسى لبهجه تنثريها هنا
واحد مش فاهم حاجه
عاجبنى اوى اما تتك على الحروف و الجمل
مش قلتلك قبل كده ( واحد فاهم كل حاجه )
ميرسى لمرورك اللى بجد بجد بيسعدنى
عارفه مش عارف ليه
ميرسى ميرسى ميرسى
ما تقلقش انا مش من هواة الـ ( ديليت )
عندى شوية ( ميموريز ) مش بطاله بحب احتفظ بيها
ميرسى مش بس لمرورك لا كمان لاسم مدونتك
ساره ربيع
ما انتى من زمان فى الـ ( فافوريت ) يا جميل
هو احنا لسه هنحطك النهارده ؟
ريمان
انتى اللى حلوه يا قمر
ربنا يخليكى
هانى زينهم
مش انت دايما تقولى استراحتك و مطرحك
ممكن اقولك انا ان محطة السهر بترحب دايما بمرورك و بتسعد بيه
فما بالك برايك
اللى يشوبه كتير من المجامله
بس برضو بيسعدنى
أحساس لسه حى ...أنا مش موافق
منورنى ف اول زياره
و انتظر زيارتى ف القريب العاجل
لان الاسم ملفت جدا و شكله محتاج زياره طويله
syzef
الاول حمد الله على السلامه و لو انى مش عارفه منين و نورت مصر طبعا
و حمد الله على السلامه لارض البلوجر
العتاب كان لحجب اعمال المدونه و الشكر لاعادتها مره تانيه و تنسيق النص الاخير
النصوص مالها مش فاهمه
اقل من اللى فات .. وحشه ؟؟ ايه بالظبط ؟
و طبعا احب اسمع رايك ف النص و لو انه تهييسه اكتر منه نص
اما عن اللقائات الادبيه فكتير
بكره مثلا على سبيل المثال
الخميس 16- 7 - 2009 فى مقر قناة النيل الثقافيه بالمقطم الساعه 6
شجر الليمون
ميرسى لمرورك
و لاسم بيحمل روايح منير
اسماء
انتى اللى جميله و عيونك حلوه
و دايما ف الـ ( ساين ان ) و كل اللى يزعلك ( اوت )
Dr.A.S. black armor
حمد الله على السلامه
ايه الغيبه دى
ميرسى
ربنا يخليك
إرسال تعليق