يا سيدى
حط الرحيل بشاطئك
بعدما تعب السفر
انت ما كتب القدر
و قد ارتسمت على الجبين منذ دهر
تجتاح رؤياك السهر
و تمردت
و راودت
عينايا عن صحو جميل
أنـَّى البديل
و فى رحيلى ..اليك .. الاشتياق
و فى رحيلى عنك نار تستعر
يا سيدى
يا نجم قد ملك المدار...
بالطوع ...
وزمام القمر
يهديه ان شاء الضياء
او يهبه طوعاً للخفاء
فيحتجب
عن عيون
قد تشاء
ما يشاء
هناك 21 تعليقًا:
يا نجم قد ملك المدار
القمر يرقب في انتظار
يرجو سبيلا
قبل أن يدنو النهار
فالبعد يا نجم انتحار
و القرب نار
و العمر قد مل الفرار
و الانتظار
ما عاد يملك القمر
الا السهر
سهر: محظوظ انا هذه المرة
فقد أصبت الدور الأول
في صفحتك
الجميلة سهر
الاحساس جميل ، لكنني اشعر القصيدة مرتجفة ، مهتزة ، الانتقال من قافية لأخري لم يكن موفقا . النصف الأول جميل ، لكن النصف الثاني؟؟؟؟؟؟؟؟؟ . قرأتها عدة مرات ، ووجدت خللا . لا تغضبي صديقتي ، فعادة ما يعجبني ما تكتبين ،لكن حاولي أنت قرأتها من جديد ، وحاولي كتابتها ، فربما اكون مخطئا .
لك كل تحياتي.
سهر ياساكنة دروب الليل
سيدة انت للكلمات إن شاءت معانيها او لم تشاء وان كانت بديل او حتى ذكرى للاصيل..فصبرا جميل
هو بالفعل نجم ملك المدار
تقبلي تحياتي سيدة الكلمات
تعليق بسيط على الاخ احمد
الكلام نثري لا يلتزم بقافيه واعتقد ان الانتقال من قافية لاخرى اثرى النثرية ببعض الاحاسيس التي ارادت ان تنقلها الكاتب
هذا راي
العزيز محمد أمين
الكلام ليس نثرا ، إنه قصيدة شعرية التزمت فيه سهر بالقافية ، وهي قافية جميلة أعطت للقصيدة موسيقي عذبة ، لكن التغيير من قافية لأخر جاء مفاجئا . هذا رايي ، وسهر تعلم كم أقدرها ، وهذا ليس نقدا ، هو فقط تعبير عن رأي .
شكرا
الله بوست يجنن
اية الجمال فى الاحساس دة
تحياتى لقلمك المبدع
اسير الجراح
و العمر قد مل الفرار
و الانتظار
ما عاد يملك القمر
الا السهر
**********************
يا دكتور احمد اسمحلى اهنيك و اشكرك على امتاعنا بالروعه الارتجاليه و خصوصا الجمله اللى فوق دى
الحظ لى انا ان تشرفنى بالحضور فما بالك ان تكون اول الحاضرين
اشكرك من قلبى
أ احمد عبد اللطيف
انا متفقه معاك من اول ما كان لى الشرف انى اقرا ابداعاتك اننا نختلف ده شىء صحى و ان الاختلاف ف الراى لا يفسد للود قضيه
و بالعكس باه انا بحب اللى يختلف معايا و يورينى نقاط ضعفى
رؤيتك فى النص خليتنى ارجع اقراه تانى
هقولك يمكن نا فهمتش و لا حسيت الجزء اللى مش مريحك ( و ده يمكن لانى متعوده على قرايتى للنص و خصوصا انه قديم )
بس خلينى اقولك انى ما بسميش كتاباتى شعر
بحب اسميها خاطره
خصوصا ف الفصحى لانى مش على درايه كبيره و لا بحب اوى الالتزام بالشطرات و القافيه
لكن بوعدك اقراها تانى كتير بعين تانيه و احاول اشوف ازاى ممكن اتجنب ده ف اللى جاى
ما تبخلش عليا برايك اللى بيسعدنى دايما
أ محمد امين المصرى
المبدع الجميل اللى كان لى الشرف انى استمتع بابداعاته اللى بتلمس اوتار الفكر و الوجدان ببراعه
و كمان بيثنى على كلماتى
دى شهادة تقدير بجد
مش عارفه اقولك اد ايه انا سعيده
اشكرك بجد
و متفقه معاك انى دى خاطره
اشكرك من قلبى
أ احمد عبد اللطيف
اكرر شكرى و سعادتى بوجودك و برايك
( هو ليه هنا مفيش ايقونات ورد زى اللى فى المنتديات ... عموما اعتبرنى اهديتك ورده هنا )
اسير الجراح
حمد الله على السلامه
وجودك و رايك .. سعاده
اشكرك من قلبى
الجميلة سهر
اعتبري الورد وصلني ، ومن جانبي أهديك بوكيه ورد كمان ، يا رب يعجبك .
سهر ، انتي صديقة عزيزة بجد ، وفعلا كتاباتك بتحركني ، عشان كدا بحب أقول لك رأيي بصراحة . انتي بتكتبي شعر ، لا خواطر ولا نثر .
عارفة يا سهر ، أوقات بادخل علي مدونات وألاقي خمسين تعليق ، ومديح واطراء ، وأنظر في البوست أجده لا شيء، لا اترك تعليقا ولا أي شيء ، اخرج من سكات ، فإما ان اكتب ما اعتقد أو لا أكتب .
عموما ، وردك ريحته حلوه ، ابقي ابعتي تاني !
تحياتي لك
إيه القصيدة الفلكية دي ...
ياسيدي ( الكلمة دي حسستني ان اللي بتكلمه جارية مش عارف ليه )
أ احمد عبد اللطيف
ميرسى على البوكيه اللى اكيد يجنن
انا فاهمه كويس اوى ان لو الكتابه مش مستهوياك مش هتقف و تضيع وقت و تعليق فيها
و ده يسعدنى بجد و مش مجامله انك تقولى رايك دايما و تنصحنى باللى شايفه
لان لو مش عاوزه اسمع راى اخر كنت احتفظت باللى بكتبه و ما نشرتوش
رايك بيسعدنى جدا بجد
ورد كتيييييييييييييييييير
hu-man
و لو انى مش عارفه ايه سبب الفصل بين حروف الكلمه
الا انى عجبنى اوى الاسم
محتاجين للمسه انسانيه ف حياتنا
ميرسى على تشريفك الاول طبعا
و الكلمه فعلا فيها يمكن لمسة خضوع
لكن مش بمعنى الجوارى و العبيد
لكن لمسة خضوع مشاعر
و فيها شىء من الاحترام و التقدير
نورتنى بمرورك الجميل
نجم قد مللك المدار
معناه جميل اوى اوى النص دا
بس النجم دايما بعيد عننا يا سهوره
تتوقعى ممكن ينزل شويه او يا خدنا معاه
سلمت كلماتك الجميله دوما
مش لازم يقرب النجم ولا نقرب منه
يكفى انه يكون نجم اوحد .. ملك المدار
ما نضمنش ظروف القرب تعمل ايه
يمكن تغير نظرتنا للامور كلها و نخسر ( الحاله )
بستان الرقه بسنت
وحشنى دماغك و مناقشاتك و تعليقاتك العميقه
الجميلة سهر
النص ده حاجة كده خلتني أحس بشعور جميل ..
و كمان وانا باسمع في هويد الليل
الموضوع مختلف خالص
...
نص جميل زيك تمااااام
..
(واضح ان ليكي في عمر خيرت زيي)
ليا فى عمر خيرت و فى سيد حجاب و طبعا فى على الحجار طبعا
اسماء الجميله طبعا ليا فى كل دول و اكتر
بس ليا فى التظ و ف نظام ( الفايتر ) طبعا
اسماء وحشتينى و وحشنى كلامك
و البلوج الجديد شكله هيبقى حكايه
بس روحت لقيته فاضى
امليه باه
سهر
أنا مستني البوست الجديد ، ما تتأخريش!!
أ احمد عبد اللطيف
متقلقش مش هتستنى كتير
سعيده بمتابعتك جدا
إرسال تعليق