و بروض
وحوش قادره ..
تخلينى الملك ..
و انا..
لو مُلكى ..
كان غابه
ما يلزمنيش
فبتغابى
و بتذاكى
و باشاره
اسكن كل ......فــ مغاره
منيش حاوى
لكن غاوى
اشعلق ف الهوا حروفى
و اقع من حبل افكارى
فيشهق قلب جمهورى الورق
فاقوم
و من تانى
تنط الفكره ..
لكن غاوى
اشعلق ف الهوا حروفى
و اقع من حبل افكارى
فيشهق قلب جمهورى الورق
فاقوم
و من تانى
تنط الفكره ..
على حبل الكلام /فتوَلـَّع الحلقه ..
من التسقيف
على ..
على ..
بلياتشو يتدحرج
يدارى سقطتى و موتى
بوش بشوش
بيتدارى
ف دموع بتبوش
يدارى سقطتى و موتى
بوش بشوش
بيتدارى
ف دموع بتبوش
هناك 45 تعليقًا:
كلمتين وبس:)
بس فيهم كل اللى ممكن يتقال فى صفحات كتير
اخر سطرين عجبونى اوى وخلونى ابص لها برؤية غير اللى بصيت لها بيها فى الاول
سهر الجميلة بجد ماشاء الله على قلمك
بالتوفيق دايما يارب
السلااااااااام عليكم
ازيك يا قمر
عامله ايه
سيرك افكارى !!!!!!
تعرفى ان تشبيهك ده جميل اوى
انا بحس والله ان دماغى عامله زى السيرك بالظبط
عجبنى جدا طريقتك فى التعبير والتشبيه
تحياتى ليكى
و انا..
لو مُلكى ..
كان غابه
ما يلزمنيش
فبتغابى
و بتذاكى
جميل الشغل ده يا سهر
شغل عالى بجد
نصك يستحق القراءة طويلا..فكرة أن يصبح العقل سيركا يعج بالأفكار وجمهور السيرك الورق هي فكرة مبتكرة حقيقة والنص هدأت فيه غنائيتك كثيرا أمام الفكرة والصورة الجيدة مثل
فيشهق قلب جمهوري
النص عبارة عن مقطعين كل مقطع منهم بيمثل صورة ممتدة ومركبة..وده شئ يحسب للنص ان صوره مركبة وممتدة ونفسها طويل
عشان كده انا بسال وبفترض ان النص اطول من كده ..بيتهيالي ان ده جزء منه بس..مش عارف ان كان تخميني صح والا لا ..لكن النص كان لسه فيه ما يقال بالتاكيد
النص عاجبني شخصيا بجد واللي عاجبني اكتر فكرته وجوه المركب المعقد جداالمختلط بالفرح والحزن والدموع..المختلط بالحركة والشعلقة والوقوع والنط والولعة الخخ الخ
وفي رايي ان كل ذاك الصخب والهدوء والسكون يرجع الي استخدام مفرداتك الخاصة جدا ف النص ده زي
اشعلق..يشهق..تنط..بتبوش
وتلك ميزة اخري للنص
تحياتي جدا
كلمات بسيطة بس هايلة
وجميل العنوان سيرك أفكارى عجبنى أوى
منيش حاوى
لكن غاوى
اشعلق ف الهوا حروفى
تصدقى يا سهر ده احسن تعليق على مجمل شعرك . انتى فعلا حرّيفة شعلقة حروف فى الهوا من غير ما الحروف دى تقع . بتأسرنى تركيبة حروفك فى بعضها .ده غير المعانى الجديدة اللى هنا والتشبيهات الممتعة دى .ما اعتقدش ان حد اتكلم على العقل والافكار بالشكل ده قبل كدة .
و اقع من حبل افكارى
فيشهق قلب جمهورى الورق
فاقوم
اكتر من الصياغة الجميلة دى عجبنى التعبير لانه غالبا كلنا بنقع من حبل افكارنا ده على الواقع الممل اللى بنعيشه لما غالبا الحبل ده مع الوقت ابتدى يدوب وشكله مش هيشيلنا تانى .
يدارى سقطتى و موتى
بوش بشوش
بيتدارى
ف دموع بتبوش
لازم النهاية تكون كدة لما البداية تبقى شعلقة مستمرة فى الهوا .
كلامك على رأيك فززنى ووقفنى ادام مراية وخلانى افكر شوية فى اخرة الشعلقة دى .
بصى يا سهر " انتى راااااائعة " .
موناليزا
لازم طبعا يا قمة الرقه و الصفاء تشوفى كل حاجه جميله زيك
بس تعالى هنا و وضحى ايه كانت رؤيتك الاولانيه اللى غيرها اخر سطرين ؟
الجميله ريمان
عليكم السلام و رحمة الله و بركاته
عامله ايه ؟؟؟؟ اكيد مبسوطه لما شوفت اسمك و صورة البنوته الرقيقه دى
كلنا دماغنا فيها سيرك و دنيا وربنا يستر و يقدرنا
منورانى
استاذى سمير مصباح
بتغييييييييييييب لكن ترجع تعوض الغيبه .... و تسعدنى
لما تقول ان الشغل عالى يبقى انا عديت
اول مراحل التلمذه و استحقيت ابقى تلميذتك
syzef
ايه ده امال فين النقد ؟
لا انا مش واخده على كده
ما هو مفيش نص ف الدنيا كامل
يمكن انك حاسس انه ليه باقى انا حجبته ؟
طب لو قلتلك انه ليه فعلا بس حجبه عقلى عن الورق و شعلقهم ف الهوا و ما رضيش يوقعهم على الورق و انا ما غصبتش عليه .. تصدق؟
زيارتك مميزه جدا عندى برايك اللى دايما صريح و مفيد
برضو مقصر انت ف حق مدونتك و زوارها
mohamed ghalia
ميرسى على مجاملتك الرقيقه
و سعيده ان النص و اسمه عجبوك
هانى زينهم
انا حريفة شعلقة حروف ف الهوا ؟؟؟
ماشى طبعا هنكر ازاى و انا معترفه بخط كيبوردى
حبل الافكار مش هيدوب و لا هيقع بينا و لا حاجه طول ما احنا واخدين بالنا منه و بنجدده
نقف ادام المرايه ده جميل و مطلوب
لكن ما تفكرش ف اخر الشعلقه دى
لاعب الاكروبات بيفضل قلبه متعلق بالحبل اللى ماشى عليه و بيرضيه اوى تحديه للخطر و فوزه عليه
انا اكيد رائعه بس عارف ليه عشان عندى اصحاب اروع زيك
صباحك اروع
يدارى سقطتى و موتى
بوش بشوش
بيتدارى
ف دموع بتبوش
........
و هيفضل لإمتى الوش البشوش يداري الدموع
بنتعب يا سهر
و الدموع مش بتتعب
و لا الحزن بيهمد
..
بس الوش البشوش تعب من كتر ما دارى
طب ملاقيش عندكوا شغلانه في السيرك ده؟؟؟
بجد رائعه
حسيت إني ماشي على حبل أفكارك
تسلم إيدك
اسماء على الجميله
معاكى انه بيتعب و مش بيستحمل
بس شوفتى باه البلياتشو قوة احتماله اكبر ازاى
ممكن نقلده و نرسمها ع الوش و اما نتعب ناخد فاصل من الاكروبات
منورانى بقلبك كالعاده اللى بيقول
واحد من الناس
حاسب تقع!!! حبل افكارى مش ثابت
اكيد اول ما نفتح ف السيرك قسم للشعر الساخر الجميل هتكون اول المطلوبين
منورنى جدا
سهر
ايه الابداع ده كله؟؟
تحفه بجد
تحفه والله
........
متشكر ليكي إني دوقت طعم حلو عندك
*******
********
منتحرمش يا فندم
خيمة سيركك المنصوب
على صفحة بياض قلبك ..
مش قادرة تقاوم هبوب البوح
مهى نوة .. صدق
ما تتحمل تأجيل ظالم
ولا حرفك الزوران
خجل
او ...
كبرياء..
لازم
وترويض الوحوش غية ..
لقلبك المليان .. شجن
مهو بايه يفيد الغنا
لما الهوى
خلاص ..
بح !!
اتسجن؟
لاشئ ـ إلا حنين سككـ ك لخطاويها ـ
بقى ملكك
ولا سيركك
بتختار " فقرتُه" الجيّه
وبالنيَّه
مروّض رغبتك
ف حياه
مفلسف رعشتك
م الموت
وإنسانك مهوش واحشُه
جنون وحْشُه
ولا الحكمه اليتيمة الصوت !
و "بتقرّض" ..
يا بلياتشو
وبتقرقض
ضوافر اسئله تايهه /
و جمهورك ..
مالوش ف الفرجه ولا عارف
تفرّق
ضهرُه من وشُه
وتهريجك بيتفرّج
على الدوشه / ومش شاغلُه / ومش دَوْشُه
يكون سامع ولا مسموع
و"عامل" نفسُه
بيغني ::
وايه الموضوع ؟؟؟!!!
.......
.......
.......
والله ما عارف اقول ايه ليه كنتى مستغربة لما قولتلك فؤاد حداد بصى لكلامك دا واعرفى قصدى
فى لعيبة الورق يا ما
تشوف و تشوف
ف حريفة خداع
و هواه
و محترفين
يا تشكيلة حاجات ..
و الاسم بنى آدمين
و مش قابلين
بمية روح ...
مكسب الليله
و عينهم ع اللى ..
ناقص روح
مش دا كمان كلامك ؟
بجد والله بجد الله الله الله
واتمنالك التوفيق المستمر ودوام النجاح
تحياتى
السلام عليكم
فكرتيني بمقدمة برنامج
حكاوي القهاوي
لل غاوي
لكل حاوي
يقف معانا علي القهاوي
،،،،
يمكن هناك ناس بتحب تمثل وتستعرض و
تحب الفرقعة
ولا يفرق بين ما هو حقيقي وما هو تمثيل
أو أين ومتي ومع مين يمثل
،،،،،
أما الحروف والملكات
تخضع للحب
والشعر واحساس بالقهر أو الضعف
بالمناسبة انا زعلان منك كتير بتقوليلى انى هخش النار فى اول مايكروباص ؟ طب ادينى برستيجى والله زمايلى واصحابى بيقولولى انى هخش النار بطيارة وانتى تقوليلى مايكروباص لا لا بجد حرام طب قولى تاكسى اهو مقبول شوية ومافيش زحمة
و انا..
لو مُلكى ..
كان غابه
ما يلزمنيش
فبتغابى
و بتذاكى
الجملة دى عجبانى قوى قوى بجد والله تسلم ايدك جملة مدلولها خطير جدا وفى وراها بلاوى للى يفهمها صح بكرر تسلم ايدك
وعلى فكرة انا عزمت ميرام على الحفلة اللى بيغنو فيها بعض اعمالى يوم السبت 25 ابريل فى ساقية عبد المنعم الصاوى فى الزمالك ابقى كلميها ولو كان فى عندكم وقت يسعدنى حضوركم واهو اعرف رايكم فى شغلى واعمالى الغنائية اللى اتمنى من الله تعجبكو وبكرر زى ما قولت لميرام الدخول على حسابكو هههههه لانى بخيل جدااااااا ومابديش دعوات لحد هههههههه
المهم اتمنالك التوفيق دايما وتقبلى تحياتى
ايه ددددددده
انتي بتعذبيني هنااا
انا قريتها كتيررررررررررر
(:
ومش عارفه
قليل في حقك حلوة
طيب جميلة فظيعه مش ممكن
(:
على فكرة كنت جايبه في سيرتك من شوية
(:(:
مستنية الجديد ..
هتخلينا نعتزل الكتابه ..
(:
تحيـــــاتي
happy
امال اقول ايه عن روعة حروفك ؟؟
انتى الاروع
احمد حشمت
مليون ميرسى و الف هنا و شفا على الوجبه اللى على ما قسم بس انت من ذوقك بتقول عليها حلوه
هيفيد الغنا طبعا
دا حتى الطير
ما يملكشى
لا قوت يومه
و لا نومه
و لا يقدر على همومه
لكن بيغنى طول يومه
سمر
فاصل غنا ف السيرك للبهجه او التعبير
على ..بلياتشو يتدحرج
يدارى سقطتى و موتى
بوش بشوش
بيتدارى
ف دموع بتبوش
كالعادة رااائع
بل وأكثر من هذا بكثير
يا لهوى على الحركات
يعنى لا سحر ولا شعوذة
قالك ايه قالك اه
قالك سهر..لَعبت الكلام على الحبال
نَططت الهوا فى الهوا
فـ طب جوا قلبى
وقال
يا لهوووووووي تانى
:)))))
قووووية دى خااااااااااالص
وبحب كلامك واحساسك للللصبح يا بت الايه انتى
هانى رمضان
(وتهريجك بيتفرّج
على الدوشه / ومش شاغلُه / ومش دَوْشُه
يكون سامع ولا مسموع
و"عامل" نفسُه
بيغني )
-----------------
السيرك ف ...
فقرته الجايه
هيعتمد الغنا المطروح
و ياخد من كلام شاعر
و يتفلسف بحبة بوح
و متسلسل صحيح لكن ..
دا هـُبْ ..
يفك سلسلته
عشان حاوى
عشان غاوى ..
الغنا المسموح
ما بيغنيش حلاوة روح
و لا ماشى على حبله ..
بيستعرض
ف خفة خطوة المجروح
هانى سعيد
مرورك بجد مش عارفه اقولك بيسعدنى اد ايه
و بيحسسنى بقيمة اللى بكتبه لانه لاقى الصدى ده
و شكلى على وش غرور باه و انت السبب
بجد بجد مرورك بهجه
hasona
او محمد
شفت انا فاكره ازاى
و لسه عند رايى ان القراءه فن اصعب من الكتابه و انت عندك الملكه دى
و مستنيه اشوف بلوجك قريب
ميرسى لمرور متميز
هانى سعيد
(( و انا..
لو مُلكى ..
كان غابه
ما يلزمنيش
فبتغابى
و بتذاكى
الجملة دى عجبانى قوى قوى بجد والله تسلم ايدك جملة مدلولها خطير جدا وفى وراها بلاوى للى يفهمها صح بكرر تسلم ايدك))
____________________________
يخرب بيت كده بجد
انت بتقرا بموهبه بجد
و دكتور متخصص قرايه و بتحط ايدك ع الجمل بحرفيه
______________
مبروك الحفله
و ان شاء الله هاجى بس قولى الاول الحفله الساعه كام و ف اى قاعه
؟؟؟؟؟؟؟؟؟؟؟؟؟؟؟
الجميله ميرام
عشان كده كنت بكح
طب جايبه ف سيرتى قولتى ايه
؟؟؟؟؟؟؟
تعتزلى ايه بس يا بنتى
طب يا ريتنى بكتب احاسيس رقيقه ة سلسه و واضحه زيك
انتى منورانى
على فكره عاوزه كونتاكت بيكى عشان نروح حفلة هانى ان شاء الله
الازهرى
حمد الله على السلامه
اخبار حفلتك ايه ؟
ميرسى على مرورك المميز
حبيبة قلبى ساره ربيع
سلامة قلبك الجميل م الكلام اللى نط فيه
بعد تارت الخوخ متهيالى ما ننكلميش على الاحساس الحلو اللى بينط للقلب و العقل
يسلملى كلامك الحلو و احساسك الاحلى
انت تسال والكمبيوتر يجيب
ميرسى على الدعوه
ان شاء الله البيها قريب
منيش حاوى
لكن غاوى
اشعلق ف الهوا حروفى
يااااااااااااااااه ايه الجمال ده بجد تعبير رائع وصورة لو انى فكرت فيها سنين مش كنت وصلت لها بجد مبدعة حسستينى بجمال الكلام
وحسستينى ان كلامنا وحروفنا اللى فى الهوا لسة ممكن تكون للناس نفس او حلم
شكرا ليكى يا سهر على المد دا بجد انتى ذوق خالص بس والله انا بكتب رايى بصراحة فى الحاجة اللى تعجبنى بجد وانتى بتكتبى بحرفية عاليه وزى ما قولتلك قبل كدة ليكى مستقبل بجد لو استمريتى واتمنالك التوفيق والحفلة باذن الله يوم 25 ابريل السبت فى قاعة الحكمة بساقية عبد المنعم الصاوى بالزمالك الساعة 7 هتنوريها بالحضور ان شاء الله
تحياتى
ايه السيرك اللى شقلبتينا فيه دا بس
الافكار هنا طايره يا سهوره
-----------------------
لو مُلكى ..
كان غابه
ما يلزمنيش
فبتغابى
و بتذاكى
---------------
الجمل دى معناها جميل اوى
ايه يساوى الملك كله لو غابه
دمتى بكل الخير
Dr.A.S. black armor
ايه التواضع ده كله بس
اكيد بتكتب الاحسن منها كمان
كلامك اسعدنى و بيشجعنى جدا
ميرسى لمرورك جدا
هانى سعيد
بالتوفيق يا رب
و ان شاء الله هكون موجوده
و ميرسى على تشجيعك و متابعتك
انا مش بمدحك انا كنت بقول رايى
القراءه فعلا فن
بستان الرقه بسنت
المهم الافكار الطايره دى عارفه تشوفيها و تمسكيها و لا كارت و اتلخبطت و ما بقاش لها ملامح
دايما بحب مرورك و رؤيتك ف اى نص
سهر
(:
مفيش جديد ليكي
):
انا كده هزعل
لأني أدمنت كتاباتك
(:
بخصوص الكونتاكت
ابعتي ميلك في كومننت عندي
لأني عاملة موديريشن
وماتخافيش هنشره طبعا ههههههه
(:
تحيــــاتي
إرسال تعليق