شاطر اوى
ف ضمك خيوط الضى
قنديلك الهربان
بتقيده بالعافيه
و العتمه مش كافيه
لجلن يغيب شوفك
تغمض عيون خوفك
عديت لاحلامك
على جسر .. بتفكر
التجربه فشلت
الضى كان زايد؟
الضى كان كافى ؟
الضى كان ناقص
شغلت مهاراتك
و عملت الف نهار
فـَتـَحـِتْ عيون خوفك
شافه الامل .. فانهار
طبطبت اوجاعك
واحد صحيح شاطر
( واحد صحيح ) يشوفوك
و الحق باقى ( كسور)
ف ضمك خيوط الضى
قنديلك الهربان
بتقيده بالعافيه
و العتمه مش كافيه
لجلن يغيب شوفك
تغمض عيون خوفك
عديت لاحلامك
على جسر .. بتفكر
التجربه فشلت
الضى كان زايد؟
الضى كان كافى ؟
الضى كان ناقص
شغلت مهاراتك
و عملت الف نهار
فـَتـَحـِتْ عيون خوفك
شافه الامل .. فانهار
طبطبت اوجاعك
واحد صحيح شاطر
( واحد صحيح ) يشوفوك
و الحق باقى ( كسور)
__________________
فى المسأله الحسيه
حاجات
و افتراضات
و مش كل النتايج جت
من ضهر صحة..
معطيات
هنا الحسابات ..
هتتغير
واحد و واحد ..
مش هيسووا اتنين
و ساعات و لا يسووا شىء واحد
و مش واحد ..
تفاصيل الشعور و الحس
و لا بالجبر ..
تتوحد
و واحد .. مش شعور اوحد
ده ممكن يجمعوه الناس
و مش شرطك تكون بـ كسور
عشان تبقى صحيح .. بالغير
ده ممكن (غير) ..يكون هو اللى كان كسرك
حاجات
و افتراضات
و مش كل النتايج جت
من ضهر صحة..
معطيات
هنا الحسابات ..
هتتغير
واحد و واحد ..
مش هيسووا اتنين
و ساعات و لا يسووا شىء واحد
و مش واحد ..
تفاصيل الشعور و الحس
و لا بالجبر ..
تتوحد
و واحد .. مش شعور اوحد
ده ممكن يجمعوه الناس
و مش شرطك تكون بـ كسور
عشان تبقى صحيح .. بالغير
ده ممكن (غير) ..يكون هو اللى كان كسرك
هناك 49 تعليقًا:
واحد وواحد
ممكن يساوى ملايين
وممكن يساوى ولا حاجة وغالبا بيساووا اتنين
لكن المهم بنحسبها ازاى؟
ويبقى مين الاتنين ؟
تحياتى دوما لقلمك المبدع
عارفة يا سهر اجمل حاجة فى كلامك انه بيحتمل الف الف تفسير وكل حد بيفهمه بطريقته .
و مش شرطك تكون بـ كسور
عشان تبقى صحيح .. بالغير
ده ممكن (غير) ..يكون هو اللى كان كسرك
لو ما كتبتيش الا ده يبقى كفاية اوى .فعلا مش لازم تبقى صحيح بالغير وممكن الغير ده هو اللى يكسرك . بس تقولى ايه فى القلب واحكامه احيانا ما بنحسش اننا حتى كسور من غير الغير ده وبنتمنى يكون الغير ده موجود حتى لو كان هو كسرنا وشوكتنا وضهرنا المحنى كمان . ومش عشان هو عظيم اوى كدة اد ما هو احتياجنا ليه اللى عظيم اوى كدة.ده غير بقى ان كلامك ده جى فى وقته جدا الحقيقة وزود المود بتاعى جدا .
دايما رائعة يا سهر ومن الناس القليلين اللى باروحلهم تقريبا كل ما ادخل النت .
سهر بفرح اوى اول ماالمح جديد ليكى واجى جرى اقراه
علشان متاكده انى حلاقينى فى حروفك
دا غير انك من القلائل اللى بيعقدونى بجد
نص غير
وانت رهيبه والله يابنتى
نفسى اعرفك
يارب دايما بخير
الله
اطربى واشجينى كمان
بجد ربنا يزيدك من فضله ويستخدمك لطاعته
الازهرى
اييييييييييييييوه
عليك نور
المهم مين الاتنيين
مرور جميل و تعليق مختصر و اختصر الحدوته كلها ف كلمتين
مليون ميرسى
هانى زينهم
كلام جميل و كبيييييييييير اوى عليا
و هيعرضنى لحاله مستعصيه من الغرور يمكن ما يفلحش فيها ترياق الغرور اللى ف دمى
هقولك و مش مجامله
بلوجك من البلوجات القليله اللى لازم اتابعها و تعليقك من التعليقات القليله اللى بستناها
ناعومى
لما ملكة النعومه و الرقه فى كتابة العاميه بحالها تيجى و تقولى الكلام ده
اعمل ايه انا ؟
اتغر؟؟؟؟؟؟؟؟؟؟؟
انا كمان اتمنى اتعرف عليكى شخصيا و يسعدنى جدا
حددى الزمان و المكان و انا جاهزه
موناليزا الجميله
الله عليكى
مفيش اجمل من الدعوه دى
ربنا يباركلك يا رب
الواحد فى نظرى دايما يساوى واحد
اما اللى بجانبه بقى كسر او صحيح دا تبعا لقيمته الوقفه دى والغرض منها
احيانا كتيره عمليات الحساب بتكون محتاجه لشئ خيالى لحسابها صح
هنا فى قلم صحيح جميل
وواحد بردوا
مش ممكن??? !! لأ
اكيد
غيرك وهو بيعافر
عشان يشوف المدارى
فى لحظة ثباتك المرسوم عمدا
بصوابع الاحساس نزفا
بيخربش جدار القلب المتصدع الم
و يجرح خدود حفرها الدمع من بدرى
ومن ورا تزاويق الفرحة المسروقة
و طرطشة امل طايش
يحاول يكتشف
ايه اللى ضامم عضامك
وكلامك
و شكلك المستور / جبرا
لكنه لل (شايف )
مفضوح حزنا
جرحا
و
احتياج
عفيف
لايد تسند
لكنها
تطلع
زلزال قاسى
يخنق
روح بتأدى
وهى نشوانة
رقصة وداع
اخير..................
بسنت
متفقه معاكى جدا ف تقييم الغير بحيب وقفته و تأثيره فى حياتنا و مواقفه
----------------------------------
احيانا كتيره عمليات الحساب بتكون محتاجه لشئ خيالى لحسابها صح
________________
(الحقائق التى نصل اليها بالمنطق و الرياضيات ، ان لم نستشعرها بارواحنا ايضا، فسوف تظل حقائق بارده او نظل نحن قاصرين عن ادراك روعة ادراكنا لها ..)هيباتيا .. من رواية عزازيل
تعنقد ان المقوله السابقه اللى بتفق معاها جدا بتجاوب سؤالك او بمعنى اصح بتتفق معاه
---------------------------------
الاجمل اما كل واحد يكون مختلف و له شكله و لونه و طعمه زى قلمك كده و زى زيارتك و تعليقك و عمق رؤيتك
رغم ان الاحتمال
هو ضرب م الخيال
انما جايز
و ممكن
محتمل
يبقى الامل
يبقى العمل
ف اليوم .. لبكره يحتمل
و يكون نجاه
من شرك دوامة المحال
تبلعنا جواها .. فننقص
و لو خرجنا .. اللى ناقص .. يكتمل
___________________________
سمر
لحروفك طعم خاص زى وجودك
هتتغير
واحد و واحد ..
مش هيسووا اتنين
و ساعات و لا يسووا شىء واحد
و مش واحد ..
واحيانا واحد بس بيساوى المجموع
بيساوى المحصلة اللى تطلعى بيها من الدنيا
تحياتى
شيء صعب جدا ان الواحد يحس بانه محبوس بغير ارادته فى مشاعر مش قادر يتجاهلها ،كمان مش قادر يحتملها
موقف صعب
كمان المشاعر لا تصلح بالحساب والجبر
ببساطة الكسر هنا ممكن يكون فتافيت مش كسور نقدر نحصرها ونعدها
في النهاية دخلت معاك تجربة مش سهلة في الاول حسيت بتلاصم صعبة الفهم لكن لما سهرت عليها حسيت بالم ومشاعر محبوسة جايز مع الزمن ممكن تتنسي لكن اكيد
مش ممكن تزول
الكلام بسيط لكن جواه كثير
اشكرك علي مرورك عندي واشكرك علي كلماتك
استاذى الشاعر سمير مصباح
تماااااااااااااااااام
الواحد ده اللى بيسوى كتيير ده تجربه جميله مش من حظ كل الناس
الحظ الاجمل باه كان بمرورك و وجودك
عزيز عينى
الشىء الصعب جدا
ان الواحد يلاقى ناس بتقرا و تفهم و تعلق بالعمق ده
ميرسى للصدفه اللى خلتنى مريت هناك و ميرسى لمرورك الاجمل هنا
معادلة
من طرف ..
غايب
وواخد صفر في الأسباب !
و..شايف البَحِر.. ؟؟
كدّاب !
ومتردش/
واجْتر .. كام آهه
ومتهدَّرش
!!!
.....
وبيتسرق
من ضحكة الفجر العجوز
أراجوز ورق
مكتوب عليه
الكسرة/
قادره تجر إيه ؟؟
وِإمتي "يتحد" المقام
في الضرب ولا الجمع /
ولا/ ف قسمتك
على حلم/
ناتجُه : مستحيل
والباقي
دمع
...............
واللهي جميلة ياسهر
بحب قوي الفكرة لما تكون ثابته طول القصيدة أو اي شكل من الاشكال
جميل لما حد يكتب برؤية واضحة جداً وعاوز يقول حاجه من خلالها
واجمل حاجه لاحظتها هنا ايقاع الموسيقى وأنا بقرأ قصيدتك حستني ماشي مع نغم خارج تمردك على المعطيات
تحياتي
حسن ارابيسك
هانى رمضان و عفاريته
وِإمتي "يتحد" المقام
في الضرب ولا الجمع /
ولا/ ف قسمتك
على حلم/
ناتجُه : مستحيل
والباقي
دمع
______________________
______________________
و للغايب ( ضمير )
و ان تم يوم ( ستره )
عفواً كان دا..
او عمداً
و (( واخد صفر ف الاسباب))
و نتايجه ...
دى تحت صفر
____________
طب يا ريت الرحله تخلص ..
صفر صفر
تبقى كانت ..
رحله بايخه..
و انتهينا
و الحقيقه ..
طعم مر الرحله يبدأ..
ابتدينا ..
وقت ادراك الخساير ..
و الـ بكل بساطه حدد ..
المصاير
لما وقعت غصب عنه ..
كل ماسكات الضماير
اتحسب ف اللعبه شاطر ..
و انت م الحسابات ..
تعبت
و اتهزمت
و انت بتقول النتيجه ..
صفر صفر
بس احساسك حرارته ..
تحت صفر
الرائع حسن ارابيسك
طب اقول ايه بعد جرعة الغرور المركزه اللى صيبتنى بيها !!
رايك شهادة تقدير
ميرسى لمرورك الجميل و سعيده انها عجبتك جدا
الله الله الله
ايه الجمال ده
بسم الله ما شاء الله
سعيده جداااااااااا انى زروت مدونتك
تحياتى ليكى ولقلمك المبدع
استمرى انتى موهوبه
ريمان
انتى الله قمر و ملائكيه بجد
ربنا يزيدك من نوره
نورتى البلوج بزيارتك الجميله
سهر
سمر
:)
روحان فى روح واحدة
سعيدة بكتابتكما كثيرا
ربما ساحب العامية على ايديكما
مودتى
تدوينه رائعه
وقلم مبدع بحق
تقبلي مروري الأول
تحياتي
(سهر) وملايكتها::
بس احساسك حرارته ..
تحت صفر
ــــــــ
وحتى شبحي
مش عارف ..
يصاحبني ؟؟!
وبيسيبني .. "وبيهرتل"!!
ويتخيّل
معارك كلّها خسرها ..
وأحلام خاب ف تفسيرها
ويحلفلي : فَتَح عكّا
وعلمُه "الفلكي"
حدوتُه !!..
يقول : حجيت / ميعرفشي/
طريق مكّه !!
ومن طيبتُه
مهوش عا..و.. ف
يكون شبهي!!
وبيخونِّي
على أعلى قمم ضعفه
وجاهل في الحساب
أجهل قوي بيّا
وبالعربي بيصرخـ لي
غُنا "ثومة" مهوش لايق
على "الجِتة" الرمادية
"صويت" "شعبان" بخوّن فيه
يكون مسطول؟ / يكون فايق ؟!
متفرقشي!
متسألشي!!
تـ"طيري يا طِيارة"..
ليه ؟؟
وقوعك
فرض
(صح)
أكيد !!
السلام عليكم
يمكن كلها حسابات
قد تنجح وقد تفشل
وواحد جواه حب بيخاطر بيه
يمكن يوصل لسمو مفقود
أو حلم جواه انه يكون أو لا يكون
واحد صحيح ( ينضرب يتجمع يتلم ينطرح ) يفضل ألا يكون مكسور
سهر
دايما متألقة.
شغلت مهاراتك
و عملت الف نهار
فـَتـَحـِتْ عيون خوفك
شافه الامل .. فانهار
-------------------
الجزء ده لمسني أوووي
والموضوع كمان حلو
والمفرادات فيه غنية
تحياتي
شيماء سمير
بالاصاله عن نفسى و بالنيابه عن اختى سمر
شرف كبير انك تحبى العاميه على ايدينا و مسؤليه اكبر
رائعة انتى ايتها الفنانه
واحد من الناس
اشكر مرورك الاول
و اشكرك تشجيعك
اشكرك
هانى رمضان و عفاريته تانى ( بغض النظر عن الضحك على الدقون بالملايكه )
منورنى بجد
____
انا و الــــ .........
مش شبهى
بنتناقش
و نتفاهم
و نتخانق
و يفضل فيا شىء خانق
و انا منه صحيح
لكنى ...
بتمرد
و بتجرد ..
كتير منه
و بتفرد ..
اوى عنه
لان العقل بيزينى
و هو الحس بيشينه
و انا و اللى ..
ما يشبهنيش
يروح و ما اجيش
عشان روحته لا تكسرنى
و من غيره .. تفوت .. و اعيش
منيش درويش
و لا بلحظة لقاك مجذوب
و لا فـ حضورك الغيبى
بهيم و بدوب
ولا تصدق كلام مكتوب
ده صدق الشعرا اصله كذوب
يا ريت يا اللى .. ما تشبهنيش
صحيح متجيش
hasona
واحد صحيح ( ينضرب يتجمع يتلم ينطرح ) يفضل ألا يكون مكسور
____________________________
هو ده بالضبط اللى اقصده
مش مهم اى شىء الاهم ما يبقاش مكسور
منورنى بتحليلك الرائع
p.s. :هو ليه بلوجك مش متشاف ؟؟؟
احمد عبد اللطيف
ميرسى لمرورك و تشجيعك
عارفه مش عارف ليه
طبعا مليون ميرسى لاحساسك اللى لمسه كلمتينى
و للكلام التشجيعى
و الاكتر لاسم مدونتك اللى بحبه جدا و بيفكرنى بصوت على الحجار الجميل
واحد و واحد ..
مش هيسووا اتنين
و ساعات و لا يسووا شىء واحد
حلوة قوي يا سهر ..
أسعدت صباحي كثيرا
:)
الله . بجد شئ ممتع ورائع . عايزة اعرف ازاى عبرتى عن المعادلات الحسابية الانسانية دى بالجمال ده ؟! بجد والله يسلم عقلك وموهبتك وانا سعيدة بمرورى هنا .
محمد العدوى
اسعدت يومى بمرورك الرائع
نحياتى واحترامى
romysaa
اسم جميل اطربنى
و اسعدنى تعليقك و تشجيعك
بجد سعيده بمرورك
و نفسى اعرف اسمك معناه ايه بجد عاجبنى مزيكته ف الودن اوى
السلام عليكم
ســهـــر
حبيت أنوه أني لست مدون ولا أملك مدونة
لكني أحب القراءة
لذلك أتابع القراءة الحية (المدونات ) من آن لأخر
واذا حبيت أن أضيف تعليق-أكتب اميلي(علي جوجل) واكتب ما يجول بخاطري وأرسله
والمفاجأة أني ما أعرفش مين حسونة اللي بيظهر ده-لأن أسمي محمد
احتمال أكبر انه عيب من الموقع نفسه
مع ذلك وجدت انها لن تفرق كثيرا
تحت أي أسم
،،،
شكرا لك كتير
لكن علي الاقل عرفت انك زورتيني وانا ماكنتش موجود-الباب مفتوح دائما
المحاولة لا تندرج تحت جناحي النجاح أو الفشل -لكنها تعني الاصرار والامل
بصراحة مافيش وقت لأكون صاحب مدونة ودي مسئولية كبيرة
وفي نفس الوقت مش أحب أنافق أحدا أو حد يجاملني أو يهاجمني
ما أقوله من القلب الي القلب
وسأُتابع قدر الامكان
بأعتبر نفسي عابر سبيل
تحياتي لك وشكرا
ف نصوصك غالبا بتمسكي أجزاء من النص كويس قوي وبتقولي اللي المفروض يتقال وبس ..لكن بتبقي أزمتي الشخصية مع أغلب نصوصك وهو اتكائك علي الإيقاع السريع جدا للنص اللي بيقترب من كتابة الزجل..بداية النص ونهايته كانت ولا أروع حتي وان شابهم بعض الحكمة والتوجيهات لكن نجاحهم ان توجيهاتك دي ملتبسة باحساسك انتي الذاتي
تقبلي مروري وتحياتي لمدونتك التي أفتقد جوها من فترة ليست بالقريبة
الله الله الله
بجد والله ابداع ابداع حقيقى فكرتينى باسلوب فؤاد حداد اللى كاد ان يختفى من زمان انتى كنتى فين يا بنتى من زمان وبعدين انتى مين وفين وليه وكل الاسئلة دى
بجد انتى مشروع حد موهوب قوى
تحياتى والله ليكى واسمحيلى امر على مدونتك الجميلة دى من ان لاخر
والسلام
حسونه او محمد او عابر سبيل زى ما وصفت نفسك
ايا كان الاسم
يسعدنى زيارتك جدا و رايك الصريح اللى من غير نفاق و لا مجامله ( على حسب وصفك )
و مش كل المدونيين بيجاملوا فيه كمان ناس زيك بتقول رايها بصراحه
المدونه مسؤليه .. صحيح
بس كمان واحه خاصه بيك
و مكان تعرف الناس عليك من خلاله (( تكلم اعرف من انت )) ده رايى الخاص
مليون ميرسى على مرورك التانى و على كل مرور
syzef
مش هتكلم عن نقدك للنص اللى عجبنى جدا ( قليل اللى ممكن يديك دفعه زى دى بالتوجيه ف الاتجاه الصح )
لكن هتكلم عن غيابك الكتير اللى محل افتقاد بجد
سعيده انا و المدونه بمرورك بعد غياب
و هكون اسعد لو شوفت لك قريب نص جديد ف بلوجك
مليون ميرسى
و حمد الله على السلامه
هانى سعيد
بجد بجد كتييييييييير اوى الكلام ده كله
ميرسى لمرورك و مجاملتك المبالغه
ويشرفنى جدا مرورك و فى انتظارك طبعا
والله بجد ما بجاملك انتى شغلك فعلا عاجبنى جدا وشايف فيكى حد ناجح بس زى ما قولتلك يارب نفسك بس يكون طويل وتكملى الطويل لاخره من غير ما تيأسى ولا تملى لان النجاح صعب قوى ومتعب قوى وممتع قوى قوى قوى
تحياتى
يا سهر واضح أن الموضوع كبير
واحد وواحد مش = أتنين
وممكن ميساووش حاجه
بتحصل بل ممكن واحد لوحده يساوي مليون
المهم العطاء ومقداره هو الذي يحدد قيمة ذلك الواحد
دمتي بكل خير
هانى سعيد
كلماتك ساضعها امام عينى
اشكرك على تشجيعك
ahmed_k
العطاء
هو ده بيت القصيد
ميرسى يا احمد على مرورك المميز جدا بجد
عامية جميلة لشاعرة أجمل
سهر
أمر من هنا قليلا
ليس لأن هنا ما لا يدعوني لثمة ولوج جميل
ولكنها قلة الولوج لهذا العالم الافتراضي
ولكن كلما هلت مررت هنا وولجت من بابك
تحياتي
وشكرا لنصك الرائع
محمود عبد الله سلامة
إرسال تعليق