و دندنة الحروف ف القلب
انا سامع
و انا الفاهم
و ربى و ربك العالم
بحشرجة الحروف ف الصوت
و الف كلام
على طرف اللسان بيموت
و يعلن غيبة الحاضر
ملوش قلبى .. ف طقس النوح
و لا بكا ع اللى راح / ما يروح
انا القاضى
و انا االجلاد
و انا الراضى
بتصاريف الزهق .... لما ....
بتحكم فيا و تغالب
و انا الغالب
متقلقشى
على اوراقى
اذا اتشقت عطش لحروف
انا سامع
و انا الفاهم
و ربى و ربك العالم
بحشرجة الحروف ف الصوت
و الف كلام
على طرف اللسان بيموت
و يعلن غيبة الحاضر
ملوش قلبى .. ف طقس النوح
و لا بكا ع اللى راح / ما يروح
انا القاضى
و انا االجلاد
و انا الراضى
بتصاريف الزهق .... لما ....
بتحكم فيا و تغالب
و انا الغالب
متقلقشى
على اوراقى
اذا اتشقت عطش لحروف
ارد بايه ؟
اقولك آه
و اوجع ..بالاهات قلب الورق
فيمل من حرفى
اقولك لأ ؟
اقولك حق ؟
قلبى يا قطفة شتا ..
بردان و مستنى
طعم الدفا حيره
و البرد له سطوه
و القلب له خطوه
برضاه يعديها
او غصب ..
لا قلبى ..
عمره ما كان مغصوب
اقولك آه
و اوجع ..بالاهات قلب الورق
فيمل من حرفى
اقولك لأ ؟
اقولك حق ؟
قلبى يا قطفة شتا ..
بردان و مستنى
طعم الدفا حيره
و البرد له سطوه
و القلب له خطوه
برضاه يعديها
او غصب ..
لا قلبى ..
عمره ما كان مغصوب
هناك 51 تعليقًا:
حلوه أوى كلماتك ياسهر
بجد كلها إحساسا راقى
ربنا يسعدك دايما
حلوه اوى يا سهر
بجد استمتعت
وحشتنى حبيبتى
اخبارك ايه يا رب تكونى بخير
بجد كلمات فى قمة الروعه
احيك عليها
ربنا يسعدك يارب ويوفقك
اختك
ايناس
محمد غاليه
ربنا يكرمك يا رب على متابعتك الجميله و تشجيعك
ريمان
من الناس اللى بجد بيرسموا بسمه على وشى لما بشوف اسمهم
ميرسى على البسمه
عاشقة الاحزان
ايناس
صحيح عمر معرفتنا بمدونات بعض قصير لكن بحس ف تعليقك اننا اصحاب عمر
يمكن عشان القلوب على اشكالها تقع
ربنا يبارك ف قلبك
و شد الوتر بعزم الروح
و قسم لى تقسيمة
لا انا شاعر ولا حتى لحرفى ده قيمة
و سمى بسم الحروف . تشوف
وسط الطوفان قارب
مكتوب على طلته .. حبة صبر و عزيمة ..
و طبطب على ضهر الزهق .. ( صاحبك )
( غاوى .. ) و قادر ع الزمان .. وحدك ..\
و ناوى لبر الامان توصل
جريح يمكن
اسير جايز ..
لكن قلب الصدق راح تسكن ,,,
جميله جدا يا سهر ...
قلبى يا قطفة شتا ..
بردان و مستنى
طعم الدفا حيره
و البرد له سطوه
و القلب له خطوه
برضاه يعديها
او غصب ..
لا قلبى ..
عمره ما كان مغصوب
بصى يا ست انتى الشعر ده جميل لحد الاستفزاز !! اما الكام بيت اللى انا استعارتهم دول فباختصار .. حياتى
جميله بجد
بجد
بجد
موهوبه فعلا
تحيات لقلمك .. محمود
جميل الاحساس اليى شكل كلمات كونت جمل بالروعه دى
من الدندنة
إلى الحشرجة
فتصاريف الزهق
انتهاء بـ
قلبى يا قطفة شتا ..
بردان و مستنى
طعم الدفا حيره
و البرد له سطوه
و القلب له خطوه
برضاه يعديها
او غصب ..
لا قلبى ..
عمره ما كان مغصوب
كانت رحلة متعة بمعنى الكلمة
صورك متجددة
و لغتك أشبه بالسهل الممتنع
عجبتني فلسفة آخر جملة
و لا قلبي عمره كان مغصوب
فعلا
ممكن نغصب نفسنا على اشياء شتى
لكن اننا نغصب قلوبنا
على حب أو كره أو ايمان أو مشاعر
مستحيل
دمت قطفة ربيع
ملوش قلبى .. ف طقس النوح
و لا بكا ع اللى راح / ما يروح
-------------------
يا ريت
احب الشتا كتير جدا
وهو فصل الدفئ عندى
بس كلام الحق
بيزعل يا سهوره زى ما انتى عارفه
دمتى الاجمل
طب وده معناه أنى أجيب درافها أحسن ولا أيه
ما قلنا براحه علينا يا أخت سهر
راجع تانى بس لما نشوف إجرائات الأغلاق
دمتي مبدعه
تحياتي يا شاعرة
القلب عمره مايكون مغصوب
لكن فى نفس الوقت عمر ما الملان يخلص منه
لأنه للكلام محتاج ينفس بيه عن همه ويكتب بيه عن فرحته
تحياتى دوما
أنا بلى على الجبين راضى
ما هو وعد ومكتوب مش كلام فاضى
فى ليل الشتا بتخرج الحروف برعشة البرد
تتلفت و تدور على حد يضمها
و بشال الدفا يلفها
أو بكلمة أو حتى حرف
لكن حروف الشتا دايما زى الثلج
تكتم كلمتك فى قلبك ويوجعك
تكتبها على شباك أحلامك و ترسمها
حروف يمكن فى يوم تتشبك
و تلاقى حلمك البعيد أتحقق
ووجع القلوب فى عز الشتا بيكون قاسى
وحدة و ليل و برد طب فين الدفا يتحقق
بالوحدة راضى
بالبرد راضى
لكن بالكذب عمرى ما أكون راضى
صدق القلوب وحده بيجيب الدفا
مستنى قلب صادق يكون فيه الوفا
فى زمن ضاع فيه الصدق القلوب قبل الحروف
تخارف قلب ببرد الشتا مليان
وفى هموم الدنيا غرقان
يعنى لو لقيتى شوية لخبطة فى الكلام
قولى دى شخبطة على الحيطان
وحشتينى
انا رغم شين الزمن
لسانى ناوى اصدق
ف ضى ضحكة قلب
بالحق
مش بالزيف
بالحق ... لساك مصدق؟
ان الايمان بالكيف
و الكفر فعل سخيف
و ان اللى راح يحتمى
بالقلب
نجى
..و لو يغرق
--------------
سمووووووووووور
الافترا له ناسه
احمد رشدى
اشكرك جدا
هانى زينهم
و يسعدنى
ان اسخر حرفى لخدمة الباحثين عن سيرتك الذاتيه
مش قلتلك قبل كده البوست ما يتحسبش من غير مرورك فيه ؟
اكيد قلت
اخر يوم فالجنه
اسم يحمل الكثير
ز مرور اسعدنى
محاسن الجميله
الجميل هو جيتك انتى هنا
و الكلام حلو عشان ف عينك انت ِ
وجه جديد
صديقى العزيز جدا احمد
دراسه حسيه افتخر بيها جدا من "انسان " زيك
ايوه انســـــــــــــــــان
احد العملات النادره هذه الايام
الكتابه نعمه
و القراءه نعمه اكبر
نحن نكتب احساسنا
و لكن ان تقرأ احاسيس غيرك هنا الموهبه الاكبر
اشكرك
و لا تكفى
بستان الرقه بسنت
كلمة الحق اللى هتزعل هى حبك للشتا و لا كرهنا له ؟؟
نورتينى يا قمر
اسلام
واضح انك من يوم ما غيرت الاسم اتخليت كمان عن الصفه
عارف اجمل ما فى الصفه ايه ؟ الحافز
طبعا بهزر
و عرفه انك بتهزر
ما تجيبش درف حاجه
و اكتب بوست جديد باه عشان وحشنى اغلس عليك
مستنيه عودتك من غير اجراءات اغلاق
الازهرى
منفقه معاك جدا
ميرسى لمرورك الجميل و المميز دائما
ام بتول
لو الذاكره مش خاينانى زى حاجات كتير
و لو احساسى مش خادعنى فانتى انتى صح ؟
و كلمة وحشانى اللى ف اخر الاحساس بتقول انى صح
لو صح
انتى وحشانى جدا جدا جدا كمان
و الاحساس المكتوب مش لخبطه ابدا
ده وجع برد و معرفه تامه بالفرق بين الدفا و البرد
اتكلمنا زمان ف حدوتة الشتا
فاكره ؟
عارفة
نفسى اسمع شعرك العاميه ده
بالقاااااااااااااااااء
هستمتع اوىىىىى
وده ما يمنعشى اكيد انى مستمتعه بحروفك بالفعل
:)
طبعا فاكرة ومش ممكن أنسى و أنت صح قوى ، مين يقدر ينسى الشتا و حواديت الشتا و نجومه ، وبرد الشتا ولا برد القلوب ، وحشانى بجد و سمر كمان و نفسى بجد أشوفكم و اقعد معاكم ياريت ياريت ياريت . ابعتى لى الميل على الميل الخاص بى برقم التليفون لن تليفونى القديم اتحرق بعيد عنك و راحت كل الأرقام و ياريت لو تبعتى لى أقدر أكلمك و اشوفك .
الله عليكى يا سهر
روعه بجد
تسلم ايدك
زيدينا
تحياتى
كل يوم بيزيد اعجابى بيكى يا سهر
ايه يا بنتى الكلام الجامد ده
بجدتحفه
وحشتينى مووووووت
جميل كالعادة
شيماء سمير
ايتها الرائعه اسعدنى مرورك و يسعدنى ان البى رغبتك رغم رهبة (الستايج) اللى عندى
لكن من يعلم
لعله قريب
ام بتول الغاليه
طبعا اتاخرت
ما انتى عارفه مشاغل الحياه و همها و لخابيطها
وحشانى جدا
و من عينى هبعتلك بس على فكره انا مش عندى الايميل كمان
ابعتيلى انتى على ايميلى لو كان عندك
يا اما هنستعين بصديق
انا مش عارفه مين دلوقتى لكن هتصرف
بوسات لبتول
ممكن
اشكرك جدااااااااااااااااااااااااا
نورتنى بجد
استاذى سمير مصباح
مشكلة الشعر معايا الكبيره
ايون حضرتك
كل مره حضرتك بتعدى هنا و تقولى الكلام ده اعجابى بنفسى بيزيد
انا خايفه اتغر بجد
غروب
ميرسى لمجاملتك الجامده و من اول زياره
مدونتك جميله بجد
احمد عبد اللطيف
مرورك مهم جدا كالعاده
طول ما انا بقراها
بقول قريتها فين قبل كدة
حسانى قريتها
وبقول نفسى اسمعها صوت اوى
وف الاخر لقتنى معلقة من فترة
امتعتينى مجددا
ورددت عليك بامر اللوحة:)
السلام عليكم ورحمة الله وبركاتة
بجد كان نفسى بجد اكون اول تعليق على ماقراءت
بجد ياسهر جميله جدا جدا كلها مشاعر رقيقة جدا برغم مابيها من الم وحزن
عن حق اختى الغالية سلمت اناملك التى خطت لنا مانحن عليه الان
واسمحيلى ان اكون زائر دائم لمدونتك
تحياااااااااااااتى اى شخصك الكريم
تحياااااااااااااااااااااااااااااااتى
شيماء
ايتها الصديقه
لو قلت لك بتسعدينى بمرورك جدا تصدقى و لا هتعتبريها مجامله ؟
عن حق اسعدتينى
و سعدت بامر اللوحه جدا
الاخ الفاضل محمود العدل
اسعدتنى بتعليقك جدا و يسعدنى ان تكون زائر متابع و تبدى رايك فيما اخط من حروف
اشكرك جداااااااا
ده انتى شاعره قويه
وكلماتك وجملك جميله
احييكى على احساس الصدق الاكتر من رائع
كل سنه وانت طيبه وبخير وصحه وسعاده
سهر
كل ثانية وانتى طيبة وبالف خير وسلام
كلماتك النهاردة انا والله العظيم قريتها ومش عارف انقى منها بيت عشان اقولك انه اكتر حاجة او اكتر بيت عاجبنى لان القصيدة كلها والله عجبانى جدا جدا جدا وانتى عارفة اخوكى مش هيجاملك طبعا يارب كل اعمالك تفضل كدة دايما من احسن لاحسن على طول وتمتعينا بالحاجات الحلوة دى فى الوقت اللى الواحد اصبح بيخاف والله يقرا اى حاجة بيقولو عليها شعر ليتفاجأ الواحد بكلام عامل زى الطوب مرصوص ومالوش اى معنى او هدف او فكرة
تحياتى ليكى يا سهر كمان مرة وكل سنة وانتى طيبة
سهر
كل ثانية وانتى طيبة وبالف خير وسلام
كلماتك النهاردة انا والله العظيم قريتها ومش عارف انقى منها بيت عشان اقولك انه اكتر حاجة او اكتر بيت عاجبنى لان القصيدة كلها والله عجبانى جدا جدا جدا وانتى عارفةرايى من زمااان ومش هجاملك طبعا يارب كل اعمالك تفضل كدة دايما من احسن لاحسن على طول وتمتعينا بالحاجات الحلوة دى فى الوقت اللى الواحد اصبح بيخاف والله يقرا اى حاجة بيقولو عليها شعر ليتفاجأ الواحد بكلام عامل زى الطوب مرصوص ومالوش اى معنى او هدف او فكرة
تحياتى ليكى يا سهر كمان مرة وكل سنة وانتى طيبة
كلمات جميله يا سهر
كل سنه وأنتي طيبه
محاسن الجميلة
اخجلتم تواضعنا
بس لو حتى الجمل و الكلمات جميله فاكيد احساسك ف القراءة اجمل
نورتينى
والدى العزيز و الصديق الغائب ابو احمد
كل سنه و حضرتك بالف خير
مرورك بيسعدنى
اخويا الحاضر الغائب هانى سعيد
طبعا مش هتكلم عن مجاملتك حتى لو كانت رقيقة
لكن هعاتبك ع الغياب
اكيد بستنى رايك دايما
كل سنه و انت بالف خير
ahmed_k
اشكرك يا احمد جدا
مرورك اسعدنى
إرسال تعليق