اخبار بالموجز و التفاصيل
احساس تفصيل
دا طويل و قصير
و جديدنا .. شانيل
ياخدك و يميل
يكشف و يغطى.. عيوب ... و كتير
ف المايله يطول
ف العدله قليل
كل المقاسات
لو قلتله هات
استاذ ف فنون صنع المتاهات
هتصدق ان الفن خطير
و ان الاحساس .. سينييه
و اصيل
مانيكان غلبان
مسجون..
فتارين
لجل اما ف مره الحظ يصيب
فيقابله نصيب
ياخد الفستان
قصدى الاحساس
و اوام هيسيبه تمام عريان
من تانى يعيد نفس التفاصيل
هناك 19 تعليقًا:
السلام عليكم
سهر
كل دى تفاصيل
هههههههههههه
ربنا يوفقك يارب
دمتى بألف خير
تقبلى مرورى
أنوسه
احمد يارب طلعت اووووووووول كومنت
ماليش دعوه
عااااااااااااااااا
عااااااااااااااااا
عاوزه جايزه
تحياتى ياقمر
السلام عليكم
معاكى حق بجد
وبوست جديد من نوعه
مش عارفه الفكره دى جاتلك ازاى
تحياتى لقلمك ولعبقريتك فى طرح الفكره ولاسلوبك
روعه ياسهر تسلم ايدك وافكارك
بوست رائع
تحياتى
دايما تمتعينى بقلمك السهل الممتنع
وحشتينى ياجميلة ويارب تكونى بخير
ولو لسه بيدور على احساس الفستان
دا ما يبقى ابدا ما نيكان
ولا فاترينه
تعرفى دا يبقى فوق اوى
نقول عصفور
دمتى بكل الخير
يا اجمل سهر
مش الاحساس اللى سينييه ده قلمك اللى سيننيه . ايه الجمال ده والبساطة والحلاوة دى .
المامك بتفاصيل كل صنعة وحرفة كدة بيقول ان ثقافتك عالية اوى يا سهر . وتركيب المفردات دى بقى فى شكل ارابيسك حرفى كدة موضوع تانى . صعب لما اقرا اعلق على فكرة لان الكلام بيخلى الواحد يقرا تانى وتالت لغاية ما يحاول يلاقى خيط يمسكه ويمشى بيه . وده جمال شعرك . تحياتى يا سهر .
السلام عليكم
موسيقي هادئة وسجع متناغم
وفكرة منسجمة مع الاثنين
قلم جميل
عايز كلام ..؟؟
عن فن تفصيل الاحساس ?
ردي .....ازيّك !
برّقت ليه
هوه انتا خفت
عمركش شفت اتنين زيّك
واحد ..م الناس
معركتُه ..يكتم صوت الآه
والتاني.. قدرُه
يكون شاعر
معركتُه توصيل المعاناه!
.........
.........
عند روح قلمك وسمّي !
وارْقي
إحساسك
وسمّي
نفسك الاسم الثلاثي
حد .. بيحاول .. يعيش
إكتب بقىىى
لو يقول : قلمك مفيش
خد بتارك من حصار
مللك وفزعك
وانتماءهُم للجبان
اللي اسمُه خوف
اظهر وبان بقى للحروف
وعليك أمان !
مصباح سكوتك ضاق قوي
اطلع
كده ؟؟!
اطلع .. كمان !!
...........
...........
عاشقة الاحزان
اكبر جايزه ليا هى مرورك الجميل ده
متهيالى اول مره تشرفينى
اؤمرى بالجايزه اللى تحبيها
ريمان
بحب مرورك الملائكى الطله
الفكره لصديقه جميله كتبت قصيده اسمها ( بروفا ) و ده كان تفاعلى مع قصيدتها
ميرسى لمرورك الرائع
momken
مرورك هو الاروع
ميرسى ليك جدا
موناليزا الجميله
انتى كمان وحشانى اوى
على فكره
انتى بتمتعينى بمرورك الجميل اكتر
بسنت الجميله
قدر العصافير رحيل و ابتسامه و تغريده
مرورك الاجمل برقته
ياااااااااااااه
الفكره تحفه
فعلا تفاصيل وادق تفاصيل كمان
هانى زينهم
لو القلم سينييه فاكيد اخد تريد مارك بعد ما وقعت بكلامك الجميل ده كله
يا ريت استحقه
هانى باشا رمضان ( طبعا بعفاريته و كمان مصباح و جنى )
شبيكى لبيكى
الحرف ف ايديكى
يشبكنى ف المعنى َ
و المعنى ِ مش حاضر
و العقل بيحاضر
ف محاضرته البارده
و الكل قال حاضر
شجر الليمون
و اسم بيفكرنى بمنير
و تعليق و مجامله اسعدتنى
كده عندى اكتر من سبب للسعاده
كيارا
بتوحشينى و قلتلك
مرورك اكتر من بحبه
إرسال تعليق