خوفك و صمتك
و ارتعاشات السؤال
ف حضن برد الاجوبه
باصص بعينك ع الدفا
وخايف تقرب
لـ الشمس
تلسعك بلسانها
و تغيظك
(انذار الدفا ... كداااااااااااااااب)
و ارتعاشات السؤال
ف حضن برد الاجوبه
باصص بعينك ع الدفا
وخايف تقرب
لـ الشمس
تلسعك بلسانها
و تغيظك
(انذار الدفا ... كداااااااااااااااب)
على ِ سور الصمت
و اصبر
كدبة لاقتحام ... خداااااع
مش شجاع
رغم امجاد البطوله
و الشهاده ..
م اللى شاهد
و انت متشاهد ..
ممدد
مستنى موت؟؟
وف الحالتين .. هتتكفر
منيش شايف
خطية حلو احساسك
ذنوب عنها بتستغفر
فـ لا تعفر
شيبة قلبك
دا شب ف قلبها
و كبَّـر
ادان الفجر ف ودانه
اوام كبَّـر
اوان الحلم ف احضانه
و ساب حلمه ف صندوقه
و قال راجع .....................................
...............................
ليه لون الحلم .. اتغير
صبح باهت
قلوب شابت
قفل ع الحلم من تانى
مرار الحلم مش اوحش و لا اطعم
صبح باهت
قلوب شابت
قفل ع الحلم من تانى
مرار الحلم مش اوحش و لا اطعم
هناك 16 تعليقًا:
الله
سهر الجميلة كم افتقدت كلماتك
فلها عندى مذاق خاص ورؤية مختلفة
دمتى متمكنة من كلماتك
كداااب
كدااب
كدااااااااااااب
فاكرة اغنية سيمون ؟:))
دىغلاسة منى:))..بجد جميلة
عجبتنى ووحشتينى..ووحشنى البلوج
وبرده كنت جايه اتخانق واسال فين الجديد
بس لحقتى نفسك:)
بصى يا بنتى..الدفا زى البنج
وقت ما مفعوله يخلص
نحس بالوجع
بسيطة صح؟؟
بحبك يا لينك
مش هاكدب عليكى دى خامس او سادس مرة اجى واقرا واحاول اعلق ما اعرفش . ما اعرفش ليه مش عارف !! الكلام جميل وبسيط زى عادتك بس الفكرة فى الاجمال غامضة عليا شوية او يمكن فى مفتاح مش قادر اوصله . احيانا افكارنا من كتر خصوصيتها وارتباطها بينا بتبقى غامضة شوية على غيرنا . بس
الجميلة سهر
بقي لي شوية ما جيتش هنا ، بس قريت كل الجديد . رؤيتك وتحليلك لساديزم ( اللي ما قريتهاش لسه ) جيدة لحد بعيد . والبوست اللي قبله جامد ، فيه حكمة وتأمل . وقصيدتك المرةدي برضو حلوة .
دوما متجددة ومتاملة ومبدعة
تحياتي
ليالي الحيرة
بالساهل
بتجري تقولي تستاهل
آهاتك !!
حتى دي شبهك
و"شخبطتك"
ولخبطتك
بلا أول ولا آخر
"فرانكو أراب"
و"شو" تراجيدي/
على ساخر !!
ورسام
بس بتكسّل
و مستكفي
بقص ولزق ..للصورة
وفوق ضهر الحروف مكفي
بسيط جداً
وبيقولوا دي فزوووورة !!
ــــــ
إلأهم
من الدفا..
إيه مصدرُه
ومصدّقينه ولا لأ
متطمنين يعني
ميتجنش
ويتحول.. نيران !!
أو ينتهي مع
فصل بااااارد !!
......
......
..سمع.... برد!!
و دقى ...يا احزان...
مانيش خايف
ولا وهمان
ولامستنى م الحداية ...
(...)
تغنيلى
بصوت نشوان
ومش ونسان
بتسبيلة
بتتكرر
قطرها ماشى
ع القضبان...
وساب الحلم يتمزع..
وما نيش اجدع!!
عارف انى حلمتك نجاة
فى بحر غويط
من الحرمان
بس صحيت..
لقيت الموج محاوطنى
وانت ف وسط ضحكتك المزروعة صفار
بتتسلى ...
بصورتك فى المرايه سراب ..
وصوتك
فى فجر ايامى
ضباب ف ضباب
و عارف
ما بقيتش اصدق احلامى
ولا ... انت
موناليزا الغاليه
اسفه على التاخير
و مليون ميرسى على تشجيعك و كلامك الرقيق هنا و ف مدونتك اللى بحبها بجد
ساره هانم ربيع
مش فاكره الاغنيه طبعا ( ما اوعاش عليها انا .. ايقونة واحد غلس و مطلع لسانه ) مش فاكراها بجد ما تقولى لى كانت بتقول ايه غير كداب
حلو اى تشبيه الدفا بالبنج
و خلينى استعيره هنا فى حاله تانيه اللى هى البنج الموضعى يعنى تبقى مش حسه الالم لكن شايفه الجرح كويس و عارفه الالم اللى جاى و تغمضى عينك و تستعبطى
انتى وحشانى اكتر كتير و ده المهم بس هفضالك ف القريب العاجل لازم ضرورى و نروح الحسين كمان
هانى زينهم
ساعات بتكون الفكره غامضه شويه عشان خصوصيتها او عشان عموميتها او عشان بتشيل من ده و ده
يعنى هنا الفكره شكلها يمكن عاطفى و الحقيقه هى تمشى كده و تمشى بشكل تانى عام ( حالة الانتظار و التدثر ف دفا الكدب على النفس ان ما فيش ف الامكان احسن مما كان و عدم الرغبه ف الحركه لشىء جديد ) و دى يمكن الحاله الاعم اللى اقصدها
و على راى واحد شاعر ( اسوء ما فى الشعر تفسيره ) لان جماله ان كل واحد ياخده من منظوره
مرورك دايما بيسعدنى و اسفه على حالة الغموض اللى سببتها
احمد عبد اللطيف
زياره قويه و غاليه
بتلات زيارات
و حظك متنوعه ( اتمنى ما تكونش زهقت ف الجوله )
رايك دايما محل تقدير و انتظار
ميرسى لمرورك الجميل
بسيط جدا
كمان تعباك اوى جدا
بساطة نبضك الغلبان
و مش قادر
توفيله
بدائي نبض طلباته
و بتعلى ف صوت ضحكك
على اهاته
و بتغالط ف كام دقه
و لو يقراك / تقول لاه
و بتشخبط حروف قوله
و رافض اللى ما تطوله
و مش قانع
و قامع ..
اى عالى الصوت
دا خوف او صبر مش فارقه
ما ف الحالتين ..
تكون غرقه
****************
هانى بك رمضان
يا عم مش كده
هى عفاريتك دى ملهاش موطن ثابت ؟ شغاله ف كل وقت ؟ طب نلاحق عليها ازاى
معلش باه استحمل ان ما عنديش عفاريت على مستواهم
عجبنى اوى اوى ما ينتهيش بـ ( فصل بارد )
مش مضمون يا فندم ما هو الدفا كدبه
موجوع يا قلبى و متهم ..
فعل العجز
و المحتجز ..
ف القلب ..
من صرخه و آاااااااااه ..
عدوا حدود الامتلا
مكسوره عينى و الحروف ..
مش بله ريق وجعى و لا ..
قادره تعبر عن بلا
لو ع البكا ..
ما يكفيناش ..
الولوله
لو ع الغنا ..
الاسى الحزين ..
قلبى اتملى
و ما عادش ع الحاوى
ملام
لما بـِطـِل شغل الجلا
________________________
سمر
الافترا وحش
بس وحشنى افتراكى
وعلى صوتك بالغنا ..
......
.....
نسيت اقولك صحيح
فى الحلم كان منير ..
و الدندنة
وهو
و انتى و انا ,,,
و كان الشوق ..
يااااااااااااااااااه
كان الهنا ...
و تعرفى
صحيت بدرى
ف البرد
ومشيت سكة احزانى
اياها ..
ما انتى اكيد عرفاها
و انا بردد
لنفسى اللى ما بتسمعش ..
دى امنيه وجواكى
" عيل عفريت بيتنطط "
جوة القلب و يهزه
و انا بعزه
زى شبابى و امبارح
ومش فاضل من الدقات ...
ده عمر وفات
و قصة اكيد هنساها
باقولك ايه ...
انا بهزر!!!
حلم و منير و احنا و طريق البرد اليومى .... و ع الطريق ذكرى
امبارح شابك ضوافره لسه ف اليوم
يا نسيبله حته من روحنا معاه يا ناخد ضوافره و مكان جرحها معانا
سمر
الهزار ده مش سهل بالمره
باصص بعينك ع الدفا
وخايف تقرب
دى لوحدها قصيدة
وقصيدة جميلة كمان
الشاعر الجميل سمير مصباح
القصيده فعلا بقت جميله بمرورك هنا
إرسال تعليق