و خد لك صك
يا صاحب القفا ..
و عَـرَضْ لي احلامك
ف صحة دم اهلك ( سِك )
هتختار ايه ؟؟
ده سهم اهرامنا ف النازل
و عم ( الهول ) ..
ما هوش عاجب
و احوالك ..
عجب اكتر
تاخد ف النيل ؟
و تتنيل كمان اكتر
و لا يتبل يوم ريقك
و ايه يعنى
ما هو انت ..
ف كل حال ..
عطشان
الا اونا
الا دوى
يا داهيه تدقى و تدوى
تاريخ طازه ..
يادوبك زوروه الصبح
تاخد لك سهم ف الطازه ؟؟
ما يسواشى ؟؟
خلاص ماشى
خلاص حقك ..
عليا ياعمى
بيع حقك..
و كبر راس ..
و على دماغ
و ركك بس تحسبها
دا صكك يسوى ..
قرشين ساغ
هناك 38 تعليقًا:
سهر الجميلة
تعرفى ان الحقيقة بتوجع
اشعر حين قرائتى لكى وكأنى اشاهد لوحة فنية كل مشهد فيها له مذاق مميز
دمتى بخير غاليتى
يالهوي ياسهر
اتكيتي علي الجرح ببراعه
عاااااااااااااااااااااااا
حل الليل
وحلا السهر
فى ظل ليلة
من ليالى العمر
بعد غياب وغياب
وطول سفـــــر
تحت اشعة مخملية
من ضوء القمر
لم ادر أكان النور
من فضل القمر
ام كان النور
لحضور سهر ؟!
مالك يا سهر ؟؟ احيانا لما بنكون مخنوقين كل كلمة بتطلع مننا بتبقى حتة من الحالة النفسية بتاعتنا . وغالبا فى الوقت ده بتبقه كل حاجة مش مظبوطة ان كانت فى الخاص او العام .كلامك جميل كالعادة وما بقاش جديد انى اقولك ان شعرك بقه متعتى فى المدونات . بس نفسى تفكى وتطمنينا عليكى .
ياااااااااااااه
اول مره اقرى شعر بالبساطه دى
فيه كلامنا العادى ما بعض
بس اقولك حاجه الحقيقه اكتر من اللى انتى كتباه
بشكرك على ابداعك
كلماتك جميله ومعبرة
المثل بيقول هم يبكي وهم يضحك
والي بيحصل في البلد دي متعرفيش يضحك والا يبكي في ناس مش بتكبي ولا بتضحك ولكن بتقف متنحه من الذهول من الحاجات إلي بتحصل
وبعدين ما البلد متباعه
أزاي حيبعوها تاني ، ويا تري لو افترضنا والشعب أشتري يا تري هيقدر يقدر ثمن البلد إلي عيشين فيها ؟؟؟
******************
هتختار ايه ؟؟
ده سهم اهرامنا ف النازل
و عم ( الهول ) ..
ما هوش عاجب
و احوالك ..
عجب اكتر
عندك حق كل كرمتنا وارضنا بقت بأرهص الأثمان
تقبلي مروري
مجنووون
يا نهار ألوان البلد بتتباع
أنا عايز حقى ههههههه
تحياتى على الكلمات الرائعة
دمتى بكل الود
الرقيقه موناليزا
اعلم تماما انها موجعه للغايه
هم يضحك زى ما بيقولوا و هم يبكى
جمتى برقتك و نقائك غاليتى و دام مرورك بهجه
الظاهر ياسهر انهم بيقفلوا الليله وناويين يجيبه ضلفها وكل واحد معاه صك
لامؤاخذه.....
حد يكمل
تحياتى لقلمك الرشيق
مولان
الجرح مش ناقص حد يتك عليه
احنا بنفرفر اصلا
و دى شوية هلفطه مش اكتر
منورانى
على فكره بلوجك حلو جدا
معرفتنيش ياسهر
انا كيارا سابقااااااااااا
سمع هووووووووووووووووووووووووس
!!!!
الحلوة هاينزلوها المزاد يا خلق ..
مين يقول اشترى
دا لو كان الالم ينقرى كنا ....
..........
ولا بلاش !!!
و قلت لك ما تقوليش يهوهو ..
تزعلى منا الكلاب ... على الاقل هى وفية ..
و مالهاش فى اكل لحم السبية
و كمان ايه يا بنتى من غير ولا ديه
ولا حتى ... دمعة تفر ساعات ..
يا عينى يا بهية ...
عدمتى ولادك ؟ ولا الهم خلاص اكلهم ..
بيقولوا و هم مالهم ؟
سهر
وجعتينى اوى !!
ماشاء الله عليكى
سهر وجعتينا باسلوب ساخر
اى حاجه وكل حاجه بتكتبيها
بحبها
بجد ربنا يحميكى
هانى زينهم
اشكرك على متابعتك الدايمه اللى بتسعدنى و لا على تعليقاتك المميزه و لا على قصيدتك الجميله ؟؟
اقولك
عاوزه اشكرك على كل دول بس مش عارفه اشكرك ازاى
هى كلمة الشكر تنفع توصل؟؟
اشكرك بكل ما ف الكلمه من معانى
ما تقلقش
الاهلى حديد بالعند ف انك زملكاوى هههههههههههه
romancy
ميزة العاميه انك تكتب كما تتكلم
و ما اقدرش اقول انى شاطره فيها لانى لسه بحس بكلام مخنوق و مش متظبط
لكن هقولك ان كلامك بيسعدنى و بيخلينى احاول تانى
عشان البوح منفذ روح
معاك ان الحقيقه اكبر
بس ده كان شوية تنفيس
نورتنى و اسعدتنى بجد
مجنوووون
اللى مش مجنون خالص
ده سيد العاقلين كمان
و هو ده ف الغالب اللى تاعبنا
الجنون بيريح بس هيهات نوصله حتى لو تم نعتنا به
هو شرف لا ادعيه و اتمناه
مليت الحوار اسئله كلها صعبه و عاوزه مجنون بجد يجاوب عليها
عاوزه اعبر لك اد ايه بجد اسعدنى تعليقك بس الكلام مش مطاوعنى عشان يعبر
بجد بجد اسعدتنى بحوارك و تعليقك
اشكرك
mohamed ghalia
لا خااااااااالص تتباع ايه يا راجل متقولش كده
عاوز حقك ؟؟ طيب روح خد لك صك
ده اللى عندنا
منوووووووووووووووووووووووووووووووور بجد
والدى الغالى ابو احمد
اللى معاه بلد و محيره يجيب صك و يطيره
مرورك هو جواز مرور كلماتى
ربنا يكرمك يا رب
مولان ( كيارا سابقا )
و ليه التخفى ده يا بنتى
برضه بحب مرورك ف كل الاحوال و بككل الاسماء
و دايما يا سمووووور تيجى
و تتكى بعزمك اوى على الجرح و تضحكى من برا و من جوه دموع
و الوجع طاغى صحيح
و انا ما قلتش هم اللى هيهوهو يا فندم حاشا و كلا انى اشبهم بالكلاب
ده اللى بيهوهو اللى هيتصك يوووووووووووه
نورتى يا قمر
وصيتك العيال
ناعومى يا جميلة الحرف و رقيقته
يا اللى بشوف نفسى ما بين حروف وجعك
اقولك ايه بس
بحب مرورك و كلامك و قلبك
ايه ده يا سهر
انت ازاى نسيتى تنادى على اسمى فى المزاد
انت ما عندكيش كشف بالبضاعة المعروضة ولا ايه؟
البوست حلو اوى ومؤلم جدا
بس يعنى لما اجى على اخر الزمن يبقى عندى املاك
وسن فى الايد والخير هيزيد
تيجى انتى وتمسحى بيه الارض
ماشى ماشى
على راى المثل
الكحكه فى ايد اليتيم عجله
تحياتى
الرقيقة سهر
مزاد داير
وانا حاير
امتى يجينى الدور
ما هو الكل
بقى ثاير
والثورة هباء منثور
امتى يكون امرنا بايدنا
ويرجع حقنا المأسور
تحياتى دوما
عارفة يا سهور
فكرة الناس اللي اشتروا النار
ايام صكوك الغفران
انا بقى بأفكر نشتري صكوكنا
معتقلات و سجون و اقسام شرطة
قال ايه عمالة تقوليلي
خلي بالك
انت في خطر
و عمال ادور عليكي
اتاريكي هنا جنبي
حتى نبقى دفعة واحدة
سهر
ابدعت بجد
فوق الوصف
الله عليكي يا سهر
الله عليكي بجد..
أحلى حاجة قريتها في الفترة الاخيرة عن الموضوع دة ..
تسلم ايديكي ..
برافو يا سهر.. برافو اوي ..
طريقة الكتابة .. التعبيرات ..
حاجة ممتازة حقيقي..
برافو اوي .
ذاعوا مارشات "عسكريّة"
ويّا قول الله تعالى :
.."وأولي الأمر منكم"
والمذيع ابو سن لولي
بعد ما اتمايع شويّة
قال :"فريندس" Talk To Me
أدّي جايزة (إجبارية)
تشتري هرمين
هـ تاخد
نيل هديّه..!
بيكهّنوا بهيّة
والخردة .. ليك / ليا
خد صك خد ميّه
تتسك على ديلك !
ده خيبة الساحر
ف سبك ألاعيبه
مش عيبُه ..
بتسقّف ..
على قفا زميلك !!!
وتقول في ودنُه تووووت !
والقطر ولا قال تووووت!
على التاريخ بيفوت
ويوصي نص الليل
يفتن على خيبتك
ويقول لجدك توت
إن العيال بتموت
والأرض مسخوطة
متمّنه بسحتوت
والهدمتين والقوت
بقوا ييجوا بالسخرة
والهيبة أهي راخرة
محنية ع الآاااخر
من جوّه من برّه
مليون "عصا" حاضرة
وبياكلوا في "الجزرة" !!!
ـــــــــــ
هُنا إذاعة ـ بيصكّوه ـ
من دولة هتتوه هتتوه
النشرة الليلة ـ هتتأخر
عقبالكو بتعمل تاتّو !
ولحينها هيغني فريد
"يا"/ وحيد الأخرس ..
وأبوه !!
نرجو من " طرشاتكوا"
الفاضلة ..
اللي يهبهب لكوا حيّوه !!
هنا إذاعة بيصكّوه
وتكون ما تكون ..
يا براح مسكون
بزحام لو حنّ يكون خانق
أنا ويّا أنا
عايشينها جنون
وانتا ويا انتا بتتخانق !
و الصدق "يصيع"
على ناصية زور
ومفيش مواضيع
في كتاب الضي
وربيع عمال بيشيخ بالدور
والنور قطعوه
الظابط جي !
هيفتش يمكن يمسك فيك
إحساسك حي !!
وبيقدر لسه يكون عاشق
لتراب ..وباعوه ..
.........
هنا إذاعة بيصكّوه
الشاعر الجميل
لو بيعرفوا يتمنوا و يبيعوا و اللى بيشترى لو عارف و بيقدر ف البنى ادمين
كان لازم يكون اسمك ف اول القائمه
بس نحمد ربنا انهم مش منتبهين لثروتنا الكبيره ,,, البشر
و لا احنا اللى مش منتبهين ؟؟؟
بسعد بمرورك و بسعد اكتر اما بمر انا هناك جنب حرفك
ممكن
مش ممكن يا فندم ابدا
انا؟؟
ده حضرتك اتفضل و خد املاكك و هيص كمان
بس اما تاخدها ابقى قولى اخدت ايه
نورتنى كالعاده بمرورك اللى بيسعدنى بجد و بجد بجد مش ممكن
الازهرى
مرورك لوحده بيسعدنى
فما بالك بالروعه اللى نثرتها على هامش النص
مليون ميرسى لمرورك
و ربنا يستر علينا
د. احمد عثمان
فكره رووووووووووووووووووووووعه
و كده نبقى ضمنا مكان نبات فيه و يبقى بتاعنا فنضمن الخدمه
و انا ف ده اليوم اما نبقى دفعه واحده ؟؟
بس هو مفيش مكان تانى نروحه غيره ؟
مالها اكسفورد مثلا
الواحد حاسس يا سهر انه عايش فى بلد كلها مش ليه
ارض مش ارضه ارض المستثمرين متعددى الجنسيه
ارض الحكومه واللى مساكينها
احنا اغراب
ممكن يبعونا لو نتباع كمان
انا مش عايزه منهم صك واحد انا عايزه بلدى كلها
دمتى مبدعه
أنا جي أمسي بس
صباحك فل!
الجميله شيماء صاحبة القهوه بالفانيليا
و قدر عشقى للقهوه قدر ما عشقت احرفك
غاليتى
حين تاتى تلك الكلمات منك فهى شهادة تقدير من مبدعه بروعتك
اشكرك ايتها الرائعه
ويقول لجدك توت
إن العيال بتموت
والأرض مسخوطة
متمّنه بسحتوت
والهدمتين والقوت
بقوا ييجوا بالسخرة
**************************
طيب نروح فين من وجع حرفك ؟؟؟؟
بتتريق ؟
و ضحك السن ع الاخر
و متاخر
و سايب للوجع مطرح ..
كبير جدا
وسخريه .. بتشلب دم
تشوف ع الكتف .. مليون هم
تقيد النور على الاخر
عشان ما يشوف ..
حتى اللى ..
ف نافوخه انطخ
تقيل الحمل ..
لو خلا ..
الجمال بتنخ
**********************
هقول ايه تانى بعد روعة حرفك ؟؟
مفيش قول
احمد عبد اللطيف
ارسى على بر
هتمسى و لا هتصبح ؟؟؟
و لا يهمك
المهم ان مرورك اكيد قلب الليل لنهار من نورك ( شوية بكش على اخر الليل )
بستان الرقه بسنت
انتى كده داخله على طمع
مش تصبرى اما تاخدى لك صك بس الاول و تشوفى هيتعمل بيه ايه
انا خايفه يتسرق منك ع الباب
ربنا يصلح الحال يا رب
سيبك انتى
مرورك احلى من مية صك
عاجبني أوي يا سهر
بسيط بس قال اللي عايز اقوله
بس للأسف ما بقتش طايق اتكلم
زهقت
محمود سلامه
كلنا هذا الرجل الزهقان جدا
ميرسى لمرورك
إرسال تعليق