فى مشاوير الحياه دايما
بنتلاقى
برغم زحام
وشوش و حطام ....
بواقى الناس
بنعرفهم
من الاحساس
يبص القلب ويشاور
و يوصف فى
ملامحهم
ملامحهم
بنعرفهم
و نوصفهم
و ... بنسيبهم
و بنكمل
و من غيرهم
فى مشاوير الحياه دايما
----------------------------
فى مشاوير الحياه
بزعل....
ساعات بزعل
عشان قلبى
نسى درسه
و قطع صفحه ف الكراس
و قال
من اول الاحساس
لو ان الدرس اهو حافر
تجاعيده
قلبى بينسى و يعيده
----------------------
فى مشاوير الحياه صدفه
----------------------------
فى مشاوير الحياه
بزعل....
ساعات بزعل
عشان قلبى
نسى درسه
و قطع صفحه ف الكراس
و قال
من اول الاحساس
لو ان الدرس اهو حافر
تجاعيده
قلبى بينسى و يعيده
----------------------
فى مشاوير الحياه صدفه
تجمعنا بناس اصفى
تكون الدنيا ف وجودهم صحيح ادفى
و ناس ما خفى كان ادهى
كما الندهه..
لنداهه
لنداهه
و حلو كلامها.... و لا اشهى
و لا ابهى ..
و لا احلى ...
و اخرتها تكون وحله
هناك 26 تعليقًا:
فى مشاوير الحياة
علام مرسوم ما بين
النن والحاجب
دروس ال .. أة
وشوش بتنور العتمة
وتفتح سكة فى الزحمة
فى رحلة الحزن المجيدة
جوة نفوسنا المظلمة
-----------------------
سيبك مالكلام اللى كتبتة دة
عارفة بحس انى عندى نوع من الادمان
مدمن بص فى وشوش الناس فى الشارع
جواها خلاصة مشاوير تانية هما مشوها قبلنا
اظن اللى عاوز يمشى فى طريق مختصر عشان يكمل مشوارة فى الحياة
يبص فى عيون ووشوش الناس
انا اتمتعت بكلماتك
وما اعرفهوش .. وشه المتغطى بالقسوة على سهوة راح طالل ..
وما فهمتش مين هى و ملامحها ليه مخفية .. وليه ظهرت كجنيه .. و متحنيه بالاوجاع ..
فى مشوار الحياة .. ضربة ف لطمة ف قطمة و حامداه على كل حال ...
كلمات حلوة
آآآآآآآآآآه
فعلا واخرتها تكون وحلة
وساعتها بزعل علشان قلبي نسي درسه
اه فعلا نسي درسه
ونظل في الذكرى بقايا اشارات كهربيه اوشكت ان تنفذ شحنتها
لكي عطر الكلمات تشذو مملكة السهر
فى مشاوير الحياه
المشى يكتر
والهم يكتر
وجوا العيون حنين اكتر
...عارفه يا سهر مشاوير الحياه "احنا"
منا وفينا ولينا..دايره بنلف فيها مليانه صوووووور
كلامى عادى مش جديد..الكل عارفه يعنى
بس انا نفسى فى حاجة
اقولها مره واحده
"ما اعرف غير انى لجيت روحى ونجيت من همى ونجيتك"
وعارفه كمان
فى مشاوير الحياه صدفه
تجمعنا بناس اصفى
تكون الدنيا ف وجودهم صحيح ادفى
انتى من القبيله دى :)
بحبك يا بنتى كده ليه :0
صباحك جنة
فعلا واخرتها تكون وحلة !!!
ليه بس يا سهر
يعني يوم ما اجي اعلق القيها وحله
حرام عليكي " وش بيعيط وهايتفلق من العياط "
مش عارفه اقول حلوة
هي حلوة
بس يعني كان عندي امل
متكونش وحله
ونبي شيلي وحله
بلاش الكأبة دي
وأنا كئيبة أصلا :(
وحشاني يا سهر فين الكتكوت صحيح ؟
في مشاوير الحياة
عارفة يا سهر
باحس إننا في الحياة كأننا ماشيي في طريق عكسي عمالة تحصلنا حوادث
واللي تفتكره ماشي زيك
يطلع عكسك ويخبط برضه
...
دايما بالاقي هنا حاجة مختلفة
احساس مني
يمكن
..!
بس دايما كلماتك مختلفة ورائعة ..
سهر
كلمات رائعة بجد ، مليئة بالحكمة والعاطفة ، وحسن النسق ايضا وهو ما لا غني عنه .
في مشاوير الحياة ، بتفكرني شوية ب علي طول الحياة نقابل ناس ونعرف ناس .
لك تحياتي وتقديري
فيها تناغم جميل اوى
بجد تسلم ايدك الكلمات والموضوع قمة فى الروعة
يارب تكونى بخير
جميل يا سهر جدا ..
مشاوير الحياة ممتعة و صعبة و طويلة ..
و طريقة وصفك للمشاوير و الوجوه .. و تفاصيل الرحلة جميل و رشيق ..
استمري يا سهر ..
هتطلع منك حاجة كويسة جدا .
سهر ...
فينك .. وحشتينا ...
اول زيارة ليا في مدونتك ..
وزي ماتوقعت ..
أو أجمل بكتييير ..
بجد احساس عالي ...
مشوار وهرجع .. تاني ..
كل الحب ..
تحيــــــــــــــاتي
اسيبنى من الكلام ده ازاى
ما هو دول اللى قلت عليهم
بنعرفهم
و نوصفهم
و ... بنسيبهم
و بنكمل
و من غيرهم
فى مشاوير الحياه دايما
هم دول بواقى الناس
عارف انى عجبنى اوى التعبير ده:
وشوش بتنور العتمة
وتفتح سكة فى الزحمة
فى رحلة الحزن المجيدة
جوة نفوسنا المظلمة
يعنى شاعر جميل مش بس مفكر رائع
متفقه معاك فى قراءة وشوش الناس بس اللى ما عندوش الجرأه للتدقيق فى وشوشهم يعمل ايه
ممكن يبص ف حروفهم فيشوف ملامح ليهم و لمشاويرهم
و عرفته
و غمضت عيونى
عن طل الشر ف كونه ملاك
و صدقت على انه ... الانسان
بكل ما فيه ... فحمدت و سالت الرحمه
( ........فارحموا اهل البلاء و احمدوا الله على العافيه )
سمر
فى مشاوير الحياه قابلتك ... و اكتفيت
واحد من زمن الرسالات
شرفنى مرورك
زورت مدونتك فى زياره خاطفه فاعجبتنى و لى عوده
اشارات الذكرى لا نهائية التذكير .. سرمدية الشحن
أ محمد امين
لمرورك عبير خاص
اشكرك
مشاوير الحياه "احنا"
منا وفينا ولينا..دايره بنلف فيها مليانه صوووووور
_______________
الكلام مش عادى لان اللى بتقوله حد مش عادى دى مشكلتى الجميله صاحبة اللينك السرى
***********************
"ما اعرف غير انى لجيت روحى ونجيت من همى ونجيتك"
___________________
مش بقولك مش عادى
**************
على فكره لو انا من القبيله دى فانتى شيخة القبيله
بحبك و وحشتينى اوى
الجميله الرقيقه جومانا
اعملك ايه يعنى ما انتى اللى نشنتى و نشانق رشق
جايه ليه على الوحله
قبل كده كان فيه ( من لا يحب فى هذا الصباح فلن يحب ) خمسه رومانسى و ورد و جو شاعرى
بس فى كل الاحوال نورتينى بطلتك اللى غيرت الجو العام ل.... ربييييييييييييع
د. اسماء
عارفه
ساعات معاكى بتفتح فى الكلام
و ساعات بسكت
بقول ما هى واصله باحساسها لابعد من الكلام
زى ما دايما بلاقى نفسى فى كلامك .. بتاكد ان ده العادى اما بتشوفى نفسك هنا
انتى من اجمل الناس اللى قابلتهم فى مشاوير الحياه بجد
أ احمد عبد اللطيف
كلامك شهاده اعتز بيها عشان عارفه انها مش مجامله
بس مش عارفه الجمله اللى بتفكرك بيها كلامى دى ايه ؟ اغنيه ؟
موناليزا الجميله
الجميل هو مرورك يا قمر
انا بخير يا قمر .. ميرسى على سؤالك .. و مرورك اللى بيسعدنى بجد زى ما تمر نقطة الندى الصبح على ورق الورد
الجميله شيماء
زى ما الكابتشينو بالفانيليا له مذاق خاص
لمرورك مذاق و رونق خاص
شرفتينى بهذا المرور
ميرام الجميله
منوره عالم البلوجات و الحركات
و كمان وحشانى انتى كمان جدا انا اهو يا ستى كنت بتفسح و جيت
مشوارك طول
مستنياكى
تعالى بسرعه
سهر
هي أغنية لعبد الحليم
علي طول لحياة نقابل ناس ونعرف ناس ونرتاح ويا ناس عن ناس ، ويدور الزمن بينا يغير لون ليالينا ، ويمكن ننسي كل الناس
أ احمد
مش عارفه ازاى رغم انى من عاشقى عبد الحليم و تقريبا عندى كل اغانيه الا انى اول مره اسمع الكلمات دى و ده اللى هيخلينى اتعبك حبتين و اقولك لو عندك لينك الاغنيه دى من اى موقع تجيبهولى .. اكيد روعه
و ميرسى مقدما
الاغنية اسمها اعز الناس واللينك بتاعها http://www.youtube.com/watch?v=-Z9ESx9Sxio
او على اليوتيوب اكتبى عبد الحليم - اعز الناس
كل سنة وانت طيبة
ا هانى
مليون ميرسى لحضرتك
فعلا انا سمعتها قبل كده و افتكرتها دلوقتى
كل سنه و حضرتك بالف خير
إرسال تعليق