و كنت مصاحب الموجه لكن عمرى ما اسايرها
تهادننى /اهادنها .. تغالبنى / اكون واقف و اغالبها
و حاولت يا ما تكسرنى .. تغيرنى
لكن ولا يوم حنت ضهرى / و لا خلتنى احايلها
------------------
و كنت مصاحب الموجه و انا الملاح
و افكارى كما امواجى هياج و صياح
فصارعتنى و انا المغلوب
و لو غالب .. ما اكون مرتاح
يكون وقت الفرح اوهام غريب من عالم الاحلام
يزورك طيفه و يسيبك
سهر ما عرفش لحظه ينام
------------------------
و كنت مصاحب الموجه و وعدانى
ترسينى .. تعدينى على احزانى
فرفعتنى لعاليها .. و همستلى بمعانيها
و فجاه سكنت واطيها ..و كتبتنى .. غريق تانى
يكون وقت الفرح ساعه
و وقت الحزن مية ساعه
فنكتب بالدموع يومنا
و فوق الفرحه ( متباعه )
__________________
__________________
و كنت الراوى و ربابتى تقول حواديت
نجمع م البلاد حواديتنا بالفتافيت
و لا كان ييجى على بالنا
نسمع ف البلاد راوى بيحكي عننا و يزيد
يكـون الحـلـم بيسـلم
وفاضـل لـحظه يتكـلم
ينادى بشوقه و بوصله
لقلـب بفرحــته يعـلم
-----------------------------
يكون الحرف جنب الحرف حدوته
يقول معنى و يرسم صوره مظبوطه
و مره يكون حروف مخنوقه م الرصه
ولا حسه و من رصتها منقوطه
تكون عالى الجبين صامد
تكون للدمعه دى معاند
فلا تقدر على كسرك
ولا يهدك طوفان جامد
---------------
و كنت مصاحب الموجه و تعجبنى الاعيبها
فما اتغرش بافضالها و لا بزعلش من عيبها
ف مره الموجه رفعتنى / لمحت الشط حبيته
عيون احلامى ناديته / اوام الموجه هديتها
يكون البعد سيف و النصل ده ف قلبى
يخوفنـى على الطفل اللى كان يـحبى
و يملا قلوبنا بالفرحه
و فجأه يشيخ و يتحول لريح طاح بـى
-------------------------------
تكونى مرايتى بتوشى
ملامح وش غير وشى
ادقق ف الرتوش .. فابوش
ملامح قلبى بتغشى
كل ايات الشكر للرائعين خلقا و فنا و عطاءا .... سماح ..... هانى رمضان .... اسماء... لتصميماتهم الجميله التى زانت قلبى قبل جدران مدونتى
هناك 12 تعليقًا:
انا مصر انى اعلق المرة دى
اكتر من مرة اقرا الكلام وامشى
مش بلاقى اى رد
الكلام كلة رائع شيك سلس
انا بعد كدة هاعدى واكتب شكرا
وهاتكون كلمة شكرا بمعانى كتير
تفوق كلمة شكرا
تحياتى
هى دى الحياه يا سهورهعلى كف--- موجه
تاخدنا لفوق وتغوص بينا لتحت
وتروح على الشط وترجع تانى بينا لكاننا
التصميمات جميله فعلا بس كلماتك الاجمل
دام نبضك
سهر
مدونتك فى منتهل روعة بجد انا سعيد انى بعلق فيها
لكى منى اجمل تحياتى
اسير الجراح
كلماتك رائعه يا سهر
اشعر بخفة روحي وأنا أقرأها
تلمسين أوتار القلب والاحاسيس
دمتي بخير
و انا سعيده بتعليقك جدا
و كلمة شكرا تعنى لى الكثير فعلا
و انا بدورى اقول لك ... شكرا بكل معانى الشكر
بستان الرقه بسنت
الاجمل بجد هو وجودك بعينك و برؤيتك و بتعليقك الجميل
تحيه من قلبى
اسير الجراح
انا الاسعد بمرورك المميز
اشكرك جدا
شيمووووو
و انت لمستى اوتار الرقه و عزفت بها لحن للقلوب اثار ف النفس .. متعه
اشكرك من قلبى
سهر ورباعيات السهر
عارفة بتحكي حكابتي في كل رباعية
فردتي شراعات مركبك وف قلبي اتهاديتي
بجد بجد بجد
سهر رباعيتك موهبة واحساس و تميز
انا قريتها اكتر من مرة ومش قادرة اوصفلك احساسي
روووووووعة
سهـــــر
الرقيـــقة
لأني من المنحازين لهذا الفن بالتحديد
الرباعيات
فبها يجتمع ابداع الحرف و الفكر
لذا ابلغك التحية
و التهنئة لابداعك
كم اتمنى مواصلة هذا الابداع
تأخرت عن صفحاتكم هذه المرة
و لكن صدقيني عن كل الصفحات
تحية لك
حبيبتى د اسماء
عارفه و سعيده انى اكتبك و انك تلاقى ف حروفى شىء منك لانى بلاقى نفسى كلى ف كتاباتك
دام هذا اللينك السحرى غاليتى
و دام مرورك اغلى من اى رباعيه
اذا وعدت بعدم الغياب الطويل فاوعدك انشر بعض الرباعيات كل فتره
عندى اكتر من الف رباعيه
نورتنى
و سعيده بمرور صاحب قلم و فكر
إرسال تعليق